الموضوع: تجربتى مع صيانة 20 الف كيلو فنتازيا فى توكيل ارتوك القطامية

السلام عليكم اخوتى الاعزاء

ارجو ان تكونوا فى تمام الصحه

اليكم تجربتى فى صيانه 20 الف فى التوكيل باختصار ...

1- سوء استقبال فظيع على الرغم انى حاجز قبلها باسبوع ورايح فى معادى اللى هو 11 ونص بالظبط بالتمام بالثانية
2- انتظرت ربع ساعه لحد ما دورى جه ولقيت مهندس استقبال يستلم العربيه منى وفجأه لقيته بيقولى دا فى استراحه للمركز من ساعه 12 الى ساعه 1
3- على الرغم انى مستعجل جدا لظروف عملى وحاجز قبلها باسبوع ورايح فى المعاد اللى اتحددلى .. ولكن للاسف قله تنظيم وحاجه قمه فى التهريج
4- موضوع جدول الصيانات اللى اتعدل ده سبوبه والله العظيم ..... مش اكتر
5- يعنى ايه اغير فلتر هواء وقلتر تكيييف على 20 الف فى عربيه زى دى ... دا انا كان معايا لانسر كنت بغير فلتر الهواء على 35 الف والتكييف على 40 الف ... ده اسمه تهريج
6- يعنى ايه يغيروا زيت العربيه من كاسترول الى شيل الترا كده مع نفسهم .. على الرغم ان المصنع موصى باستخدام كاسترول .. انا مش فاهم ياريت حد يفهمنا موضوع تغيير النوع ده فى خطر على الموتور او على الاداء ولا اييه ؟؟؟؟
7- الصيانه بعد الاستراحه اتكروتت فى ساعه زمن بعد مشادات عشان مواعيد عملى ومحستش ان فى فرق حصل فى اداء العربيه
8- لقيت الفاتورة مكتوب فيها معطر تكييف ب 60 ج على الرغم انى مطلبتوش ؟؟؟ ولما استلمت العربيه لقيت المعطر مستخدمش خالص والتكييف مطلع ريحه هباب ولا كأنى مغير فلتر تكييف وشارى معطر .. موضوع نصب وعايزين ياخددوا فلوس مش اكتر
9- للاسف لما غير الزيت لشل الترا مش جايبين العلبه اللى 4 ونص لتر ... لا جايبين 3 لتر و فى علبه وبيجبرونى اشترى علبه 1 لتر عشان يكملوا بيه ورامولى باقى العلبه مليانه فى الشنطه ... تهريج والله ونصب
10- غسيل العربيه فى اخر الصيانه .. زفت زفت زفت زفت ... زى الزفت وخدمه زفت
11- انطباعى الاخير ... انا ندمان انى روحت دفعت 1200 جنيه على الرغم انى كان نممكن اغير زيت كاسترو بره ب 400 ج فقط وندمان انى غيرت فلاتر لما طلعت من العربيه لقيتها لسه جديده وشغاله .. والله حرام .. هو احنا سارقين الفلوس .. حسبى الله ونعم الوكيل

اسف على الاطاله .... بس انا مخنوق وزعلان
اخوكم احمد

الف شكر لجميع الاعضاء على تفاعلكم ولنا الله ... و للاسف مبقاش فى خدمه محترمه ترضينا على الرغم ان التوكيل بياخد كل المبالغ اللى بيطلبها .. حسبى الله ونعم الوكيل