حادثة سانديرو وقطع الغيار

**م/حازم.حافظ** · 21-03-2014 04:51 PM

السلام عليكم
انا حابب اشاركم تجربتي مع السانديرو وقطع الغيار
الاسبوع اللي فات عربية بنتي سانديرو 2013 نزلت لقيتها مخبوطة خبطة شديدة وهي مركونة وطبعا لا حس ولا خبر وماحدش شاف حاجة وواضح ان الخبطة من عربية فيها حديد يعني نقل او كارو
الخبطة في البابين من الجنب اليمين الباب الامامي اتكسرت الاكرة والكالون اتشال من مكانه والباب الخلفي متطبق وجزء منه حوالي 3سم الصاج مقطوع بس الحمد لله القايم السليم
العربية اتسمكرت وان شاء الله بكرة يخلص الدوكو المهم قلت اجيب الاكرة بتاعت الباب فكلمت التركيل قالولي الاكرة موجودة في ابو رواش والعبور وسعرها 230 جنيه غير الضريبة ونظرا لان النهاردة الجمعة فقلت اشوفها في شارع دمشق في مصر الجديدة وللاسف ما لقيتهاش في اي محل هناك وكلهم اجمعوا غلى ان معندهمش قطع سانديرو
المهم وانا راجع على بيتي في المعادي قلت اشوف منطقة صقر قريش اللي قبل المعادي وكان اول مرة ادخل هناك والحقيقة اتفاجئت بكمية كبيرة جدا من ورش تصليح الرينو ومحلات كتير لقطع غيار الرينو والبيجو ومحلات استيراد خاصة بالرينو والحمد لله لقيت الاكرة وسعرها 75 جنيه (جديدة مش مستعملة) ولقيت عندهم قطع غيار كتير للسانديرو واللوجان فحبيت اشارككم المعلومة علشان لو حد محتاج قطع لعربيته الرينو ان شاء الله يلاقيها هناك

**bassemali** · 21-03-2014 06:34 PM

بارك الله فيك وجزاك خيرا ..

**bassam nagy** · 21-03-2014 07:59 PM

لسة بنت خالى خبطت العربية وكانت بتدور على الحتة النيكل الية فوق الشبكة ومش لاقيها الا فى التوكيل وبى 800 جنية
ومالهاش حاجات استيراد فى الحرفيين خالص
هل فى استيراد فى صقر قريش وحاجاتها موجودة جابت الفانوس الامامى ديبو بى 325 الاصلى فى التوكيل 850
الامامى

**a_nbm** · 21-03-2014 08:55 PM

http://nileup.com/up/watermark.php?s...473841.jpg&p=c

http://nileup.com/up/watermark.php?s...467691.jpg&p=c

**adel_edrees** · 22-03-2014 09:19 AM

ربنا يبارك في حضرتك

**J A G U A R** · 22-03-2014 11:46 AM

قدر الله ما شاء فعل وجزاك الله خيرا

**lena jo** · 24-03-2014 05:33 PM

المشاركة الأصلية كتبت بواسطة lena jo

الحمد لله ان بنت حضرتك لم تكن بالسيارة. انا حصللي نفس الحكاية و العربية نزلت مرة الصبح لقيتها مخبوطه ....التفاصيل في اللينك اللي في اخر مواضيعي. المهم انا لم اكتب بعدها في الموضوع لكن الحمد لله بعد تردد شديد بين التوكيل و خارج التوكيل اشتريت الدنجل (الي بيمسك العجل الامامي مع بعض) استيراد من صقر قريش المعادي واحد اسمه ابو عدي ب 1750 شامل التركيب و ضبط الزوايا عند واحد يعرفه يعني هوا اللي عمل كل حاجة و تم تجربة السيارة و الحمد لله ,الموضوع ده من شهور مش فاكرة بالضبط لكن المهم انهم ناس محترمة. و التوكيل في وقتها كان سعر الدنجل 3000 و التركيب تقريبا 350 او اكثر شويه . و السمكرة اتعملت عند واحد في منطقة عرب المعادي و اتكلفت 1600 لانها علي الساخن . لم ينفع ردها علي البارد. انا لم اسال عن سعر السمكرة في التوكيل لاني قررت ان السمكرة مش مستهله توكيل لكن الميكانيكا و القطع الداخليه اهم.

اسفه اقصد العجل الخلفي