الموضوع: خلاصة تجربتى انا مع زيت زادو " إوبل 95 فيكترا 2000 سى سى إتوماتيك

[size="5"]خلاصة تجربتى انا مع زيت زادو " إوبل 95 فيكترا 2000 سى سى إتوماتيك
" خلاصة تجربتى انا مع زيت زادو "
بما إنى إوبل فيكترا 2000 سى سى ف أول حاجة لاحظتها
1- الحرارة لانى غيرته وانا ع سفر وخصوصا اكون ماشى جوه البلد وده كان اول إنطباع إن الحرارة قلت عندى وده إسمه التشتت الحرارى للزيت بمعنى إن سرعه إنتشاره جوه الموتور سريعه جداا لدرجة تخفيض الحرارة طبعا مع الزحمة والمطبات والسرافيس والكلام إللى إنتوا كلكم عارفينه ده الماتور بيزغرط من الخنقه خصوصا ال 2000 سى سى وان الحركة او سرعه الحركة بتعمل تبريد ممتاز للماتور مع الهوا الداخل ف صدر العربيه ..
2- تانى يوم الصبح بدرى دورت الموتور طبعا ف الاول الصوت عالى عشان طرمبة الزيت بتبتتدى تضغط الزيت جوه الموتور الوقت بتاع علو الصوت ده اقل من الاول " شل الاصفر " ودى حاجة كويسه جدااا معايا ومعناه ان الزيت لزوجته كويسه جدا وإنتشاره السريع جوه الماتور كله ف وقت قليل وطبعا دى بتزود من عمر الماتور خصوصا كمان ان الزيت ف تكنولوجيا الترميم للشمايز والبساتم اللى حصل لها تأكل بفعل عوامل الزمن والحرق والزيوت التعبانه عملت للموتور كولسترول ع قلبه
3- صوت التاكيهات ... كان واضح جداااا معايا بعد تغيرة الزيت ده الصوت بدأ يخف ودلوقتى عملت الالف الاولى به الصوت بنسبه 95 ف الميه إختفى تمااامااا والحمدلله لانه كان قارفنى تك تك تك تك كأنه ماتور كوبوتا
4- البنزين بلاحظ توفير كويس ف البنزين وده بشهاده إتنين زمايلى معانا هنا فالجروب ‪ mطبعا حد هيقول ليه وده علاقته إيه با البنزين هقول له إنه سهولة حركة البساتم والشميز جوه الموتور يخلى عملية الحرق تتم بصورة احسن بأقل كمية وقود طبعا لو رشاشاتك سليمة وبتستخدم 92 مش 80 هيبقى احسن واحسن
5- السحب " لا احسن من الاول بكتير " كان باين لما كنت جايب 190 بالعربيه الصورة إللى حطتها من فترة وكمان إستجابة الدواسة ليه عشان انا إتوماتيك تحسنت افضلمن الاول والار بى أم مش عالى غير الاول يعنى سحب وتسارع وعزم اسرع مع عدد لفات ماتور اقل من الاول وده زياده ف عمر الماتور مع برضه تكنولوجيا الترميم إللى ف الزيت مع المرمم " إشتريته منهم 3 انابيب " كلالانبوبه الاول بعد ال 100 كيلو الاول والتانيه برضوا ب 100 والتالته كمان بعد ال 100 التالته
7- صوت الماتور عموما هااادى عن الاول وده التقرير بتاع الالف الاولى وانا مكتبتش التقرير إلا لما جربت مع تلاته صحابى الاول وكل واحد جرب درجة لزوجه مختلفه ف 3 عربيات بموديلات مختلفه لانسر بومة - دايو - - فيرنا - إوبل
8 - مستوى الزيت ولزوجته ولونه مع الالف الاولى ثابت بالعكس اوقات بحس إنه زاد " يمكن عشان اسمه زادو " كمان مفيش فيه ريحة جاز يعنى الحرق بتاعه تماااام
9- النقلات اسرع من الاول " اتوماتيك " الكيك دااااون جامد اووووى " والاوفر داوون اسرع بكتير عزم اشد حرارة اقل توفير ف لابنزين ملاحظ صوت هادى ف اول الدوراة حاسس إن الماتور مرتاحه معاه أوووى
10- الزيت فعلا ممتاز جدا ويناسب عربيات كتير خاصة العربيات اللي اصحابها بيفتور علي مواتيراها
" ملحوظه انا جربت الزيت ف 4 عربيات زى ما قلت وكل واحده بحاله مختلفه والاربعه جمعوا الملاحظات دى وانا بدورى دونتها وكتبتها هنا ف الجروب إللى عاوز يجرب الزيت يتكل ع الله وما يقلقش منه الزيت هولندى زى ما الصور موضحة وبييجى شحن لك ف اى مكان ف 24 ساعه ومغلف بطريقه كويسه جداااا وبييجى معاه كتالوج وإستيكرات للزيت " ده غير المرممات الاضافيه
بتاعته كمااان
ناس محترمة وشركة محترمة م/ هيثم وبيجاوبك ع كل الاسئلة إللى ممكن تيجى ف بالك وكمان بيقول لك الزيت المناسب لعربيتك وشرح كامل للزيت

المشاركة الأصلية كتبت بواسطة thinkdifferent

لو سمحت انت حطيت انهو واحد فيهم 20-50 ولا 10-40

20-50