الموضوع: ..:: تقرير عن تركيب نيكل كروم الابواب والمقابض الاصلية لكورولا 2014 ::..

بسم الله الرحمن الرحيم

تحيه طيبه لكل مرتادى ومحبى قسم

((( تويوتــــــــا )))

وبصفة خاصة لكل مالكى ومحبى الوحش اليابانى

((( كورولا 2014 )))

هذا التقرير كان من المفترض ان يكون يوم الجمعة السابقة كما عودناكم كل اسبوع

على تقرير جديد وشيق مع الجميله الكورولا 2014 .

ولكن بسبب تاخر الشحن فتم وصولها اليوم من تايوان فوجب عمل التقرير اول باول حتى لا يضيع فرحتها الى الجمعه القادمه .

طبعا الشحنه الى مستوردها هو دكتورنا الغالى (( د.أحمد خليفه )) وتم عمل اوردر باشياء كثيرة وهى مفاجاه ان شاء الله ستاتى تباعا ومش هنحرقها وكل حاجة لما توصل هنعمل عليها تقرير مفصل زى ما احنا معودنيكم دايما على كل جديد وحصرى ..

اليوم تم وصول النيكل الاصلى للنسخة التيوانى من المصنع المورد للنسخ الخليجيه للكوررولا 2014 وهو نيكل المقابض ونيكل الابواب وبقيت المفاجات ستاتى فى الشحن تباعا وان شاء الله القادم احسن ..

((( نبدا الحكايه على بركه الله )))

1 - تم وصول الشحن وكان عباره عن عدد 2 كرتونه طويلة وعليها لازق 3M

وكمان انبوبه لزيادة المادة الاصقة

2- طبعا كل قطعه مدموغه بعلامه تويوتا الاصلية وعليها Part number لان زى ما نوهنا فى البدايه ان القطع اصليه من المصنع الى بيورد لتويوتا الخليج علشان كدة سعرها غالى بس الجودة باينه على الماتريال وهنتكلم ان شاء الله فى السعر فى النهايه

3 - قمت بالاتصال ( عبر الفيس و الواتس ) باحد الاصدقاء الذى يعملون فى عبد اللطيف الجميل فى السعودية اوالسؤال عن الاجزء دى بعد ما الدكتور احمد خليفة اشترى علشان اشوف السعر عامل اية فى السعودية عند الوكيل .. ولكن للاسف القطع مفيش منها استوك ولا موجودة لسه عند عبد اللطيف الجميل بس اكدلى انها هتتوفر قريبا فى الشحن القادم ومفيش اى اخبار عن اسعارها هتبقى عامله اية ولو فية اى جديد هوفيكم بالاخبار اول باول

4 - ناتى لصورة الشحن الى حصلنا عليها وارد تايوان وهى كالاتى

5 - ودى صورة اخرى بتبين كل الاشياء الى حصلنا عليها فى اوردر الشحن توضح كل الاجزاء الى بيتجى مع نيكل الابواب والمقابض

6 - تم وصول الحاجة بسلام زى ما شوفنا واطمئن قلبنا ان كل كامل نيكل الاربع مقابض وعدد 4 نيكل لل 4 ابواب تمام باللزق ال3M فيهم وكمان انبوبه لازق اضافية جايه معاهم زى ما وضحت الصورة السابقه

7 - بقيى علينا التجربة الفعلية على ارض الواقع وهم تركيب نيكل الابواب اولا المختوم بعلامه الكورولا الاصليه وتم فك غطاء اللزق ونزعه وتركيبه على الابوب بعد ازاله الاتربه من على الابواب ومسح الباب جيدا وكانت النتيجة مثل الصورة القادمه

8 - زى ما احنا شايفين دى مدموخ عليه كورولا من الخارج وكمان من الداخل وعليها من الداخل part number وممكن تتاكد منه من على النت للتاكد ان القطع اصلية والرقم فية جزء بيبقى ثابت وجزء متغير من واحدة لاخرى (( الرقم الثابت هو رقم القطعة فى الاكسسوار والمتغير رقم القطعة المصنعه ))

9 - طبعا لازم نكمل تركيب النيكل للباب الامامى كمان حتى تكتمل جمال الصورة وبالفعل تم التركيب الجزء التانى .. وبنفس الطريقة الجه الاخرى من السيارة وكان الشكل النهائى له كالاتى

10 - طبعا بسم الله ماشاء الله ولا قوة الا بالله

علشان العربية سودا فالنيكل ظاهر بدرجة مش معقوله وباين اوى وظاهر الجمال بتاعه .. ولكن فى العربيات الفاتحه هيبقى جميل بردة بس مش هيظهر ويبان اوى كدة لان الخلفية السودا مش هتبقى موجودة ((( انا عربيتى فضى مش هيبقى ظاهر فيها اوى يا عينى عليا بس هجيبها برضة ان شاء الله هههه )))

11 - نيجى بقى بعد ما خلصنا الابواب .. للمقابض او اوكر الابواب وتم التركيب بنفس الكيفية السابقة وكانت الصورة النهائية له كالاتى

12 - ودى صورة عن بعد علشان نوضح مدى شياكتها وجمالها برضة علشان منبقاش حرمناكوا من اى حاجة

13 - بعض الناس هتبص للمقابض دلوقتى مش هتبقى متخيله ازاى النيكل دة ركب عليها او هى حته واحدة ولا قطعتين ولا ازاى شكلها .. اكيد انا قارىء دماغك علشان مفيش حد زى الاستاذ باسم باشا يسئل كتير (( وهو بيحب يسال كتير اوى هههه )) عملنا صوره توضح فتحه المقبض نفسة هتبقى عامل ازاى بالنيكل وكان شكلها كالاتى :

14 - وبعد ما ركبت المقابض والابواب وجب علينا صورة بعيدة علشان توضح الاتنين مع بعض شكلهم بقى عامل ازاى على العربية

15 - زى ما احنا شايفين على الارض دى ورق فك اللزق الى كان فى ظهر النيكل علشان التثبيت بتاعه وقولنا ناخد صورة ببعد تانى علشان نبقى عملنا الواجب وزيادة شوية كمان هههه

16 - كدة انتهت حكايتنا مع نيكل الابواب والمقابض وزى ما انتوا شوفتوا ازاى جودة وفينش النيكل الاصلى اتمنى يكون النيكل والحليات دى عجبتكم

((( الاسعار والتكاليف )))

1 - النيكل كروم فى المقابض : سعرها 86 دولار ..

مصاريف شحنه : 28 دولار ..

2 - النيكل كروم فى الابواب : سعرها 165 دولار ..

مصاريف شحنه : 37 دولار ..

4 - الجمارك على الاتنين : 384 جنيه مصرى لا غير ..

5 - الراجل الى جابهم لحد باب المنزل : اخد 20 جنيه مصرى لا غير ..

* ملحوظة : سعر الدولار / 7.215

انتهى التقرير

ولكن لا يسعنى فى نهايه موضوعى الا ان الشكر والامتنان

نيابه عنى وعن كل قسم تويوتا بصفه عامه والكورولا 2014 وماليكيها بصفه خاصه

لدكتورنا الفاضل المجتهد

(( د. أحمد خليفه ))

الى دايما بيفاجئنا جميعا بكل ما هو جديد وحصرى ومتميز ودايما السبق عنده

وان شاء الله فى مفاجاءات تانيه كتيره جدا وستاتى تباعا كما وعدنا

اتمنى ان اكون جمعت كل النقاط ورديت على كل الاسئلة بخصوص هذا التقرير ولو فية اى استفسار احنا تحت امركم