ماهي العربيات السيدان cc1600 التي بها ESP في مصر وسعرها أقل من 200 ألف جنيه

**walyamw** · 29-05-2014 05:25 PM

السلام والتحية علي كل أعضاء المنتدي الكرام

اولا: احب ابدا بشكر الجميع ومش التيوتاوية فقط لأن مشاركتكم هي اللي ساعدتني وساعدت ناس كتير في أختيار العربية اللي تناسبهم.

ثانيا: أنا للأسف من الناس اللي دايما بتجري بسرعة بداعي وبدون داعي (أن شاء الله أبطل الموضوع ده قريب) وحصلت معايا مواقف خطيرة كتير وربنا كان بيسترها معايا (الحمد لله والشكر لله) وساعات العربية القديمة (كورولا 2004) كانت تعوم مني علي خفيف في الملفات الحادة أو لو باخد غرز علي سرعة عالية .

ثالثا: بعد ما ربنا وفقني لشراء كورولا 2014 وسوقت العربية علي نفس السرعات (120-170) وتعرضت لمواقف خطيرة مفاجأه ووجدت أن تفادي المواقف دي بقي اسهل بكتير بستر ربنا ثم وجود نظام ESP أو زي تويوتا ما بتسميه VSC وعرفت أهمية وجود ESP من واقع التجربة.

رابعا : أنا حبيت أنصح الناس اللي ناوية تشتري انهم ميتنزلوش عن وجود ال ESP في العربيات اللي هيختروها.

خامسا: أنا دورت علي أجابة السؤال ده: ماهي العربيات السيدان cc1600 التي بها ESP في مصر وسعرها أقل من 200 ألف جنيه؟

وكانت الاجابة بعد البحث في مواصفات أشهر العربيات في مصر في حدود من 150 الي 200 ألف في كل الفيئات كالاتي:

كورولا

هوندا

استرا

والأتي لا يوجد

ميتسوبيشي EX

النترا

سيراتو

مازدا 3

فلوانس

امبريزا

كروز

صني

ميجان

سادسا: من 200-300 :

جيتا

باسات

سيتروين C5

بيجو 508

انسيجنيا

سابعا:من300-400 ألف

BMW 316i

مرسيدس C180

فولفو V80

تعليق: الالنترا و السيراتو كمثال عربيات شكلها تحفة وبتنزل في أمريكا وأوروبا بخاصية ESP لكن توكيلاتهم المحترمة في مصر بتتنازل عن الخاصية دي علشان تكسب أكتر. فاذا معظم الناس خدت موقف جماعي ايجابي وطالبت توكيلاتهم انهم ينزلوا الخاصية دي في كل العربيات والا الناس مش هتشتري العربيات دي، التوكيلات هتضطر انها تستجيب علشان تحافظ علي عملائها ، وبكده تزيد وسائل الامان في جميع العربيات وتقل الحوادث باذن الله.

المهم أنك كعميل محترم تعرف أن بأيدك تغير السياسة التجارية لتوكيلات العربيات في مصر بقانون العرض والطلب.

بكرر شكري ,أتمني يكون الموضوع مفيد

**تامر.محمد** · 29-05-2014 05:42 PM

موضوع جميل
شكرا على التجميعة :-)
على حد علمي الكروز حاليا بقى فيها

Sent from my GT-N7000 using Forum Runner

**2CODE** · 29-05-2014 05:51 PM

الكروووووز بـ150 الف جنية وفيها esp :) :) :)

**a7medalaa** · 29-05-2014 06:21 PM

يا فندم الكروز برضه فيها و ب 150 و السوبارو امبريزا فيها بس نيسان و سوبارو بيسموه VDC وانا شايف ان ده غباء مالتوكيلين بتعهم في مصر اللي مبيسوقوش لميزة مهمة زي دي يعني ممكن ناس كتير متكونش تعرف ات الامبريزا و النيسان جوك فيهم بسبب التسمية المختلفة
النيسان جوك فيها برضه وتمنها 178 و عندك السيات ليون فيها من اول فئة اللي هي ب 160 لحد اعلي فئة اللي ب 190 كلهم فيهم esp و 6 ايرباج

**walyamw** · 29-05-2014 06:32 PM

المشاركة الأصلية كتبت بواسطة تامر.محمد

موضوع جميل
شكرا على التجميعة :-)
على حد علمي الكروز حاليا بقى فيها

Sent from my GT-N7000 using Forum Runner

المشاركة الأصلية كتبت بواسطة MOTOR HEAD

ده بحثك بعد شهور

طب تحب افجائك الكروز فيها

المشاركة الأصلية كتبت بواسطة 2CODE

الكروووووز بـ150 الف جنية وفيها esp :) :) :)

ألف شكر علي المشاركة واسمحلي اقولك أن ده لينك توكيل الكروز في مصر

Dimensions - Cruze Sedan Car | Chevrolet Egypt

وموضح فيه أن فيها ABS وليس ESP

**walyamw** · 29-05-2014 06:42 PM

المشاركة الأصلية كتبت بواسطة a7medalaa

يا فندم الكروز برضه فيها و ب 150 و السوبارو امبريزا فيها بس نيسان و سوبارو بيسموه VDC وانا شايف ان ده غباء مالتوكيلين بتعهم في مصر اللي مبيسوقوش لميزة مهمة زي دي يعني ممكن ناس كتير متكونش تعرف ات الامبريزا و النيسان جوك فيهم بسبب التسمية المختلفة
النيسان جوك فيها برضه وتمنها 178 و عندك السيات ليون فيها من اول فئة اللي هي ب 160 لحد اعلي فئة اللي ب 190 كلهم فيهم esp و 6 ايرباج

ألف شكر علي المشاركة واسمحلي اقولك أن ده لينك توكيل الكروز في مصر

Dimensions - Cruze Sedan Car | Chevrolet Egypt

وموضح فيه أن فيها ABS وليس ESP

أنا يا أفندم بتكلم فقط علي السيدان و ليس الهاتشباك (جوك- ليون)

بالنسبة للامبريزا عنك حق فيها VEHICLE DYNAMICS CONTROL SYSTEMوشكرا علي اضافة المعلومة دي لينا وده اللينك بتاعها

http://subaruegypt.com/subaru/impreza/Safety

**ashouhdy** · 29-05-2014 07:04 PM

المشاركة الأصلية كتبت بواسطة walyamw

ألف شكر علي المشاركة واسمحلي اقولك أن ده لينك توكيل الكروز في مصر

dimensions - cruze sedan car | chevrolet egypt

وموضح فيه أن فيها abs وليس esp

لا فيها :)

bosch

"abs ebd BRAKE ASSIST & traction control & esp"

**amrelsaqqa** · 29-05-2014 07:41 PM

على فكرة ال esp مالوش علاقة باحساسك بالعربية على 120 و 170 النظام بيشتغل (لما) تبدا العربية تفقد اتزانها فيتدخل زي م الاي بي اس بيتدخل في الفرملة لما يكون العجل خلاص هيقفش

مالوش علاقة باداء العربية في الملفات او مقاومتها للهوا هو ببشتغل في موافف الطوارئ عن طريق انه باختصار بيلملك العربية بافضل طريقة ممكنة بحيث تقريبا تكون ما حسيتش بحاجة ...

لو كان ال esp بيدى ثبات لاي عرببة بنفس الدرجة كان زمان كل العربيات بقت زي بعض ومبقاش في بي ام ومرسيدس

طبعا انا سامع سمع حلو عن ثبات الكوروﻻ الجديدة بس بردو عاوز اقولك لو نازل من كورولا 2004 . تركب اي عربية بعدها تحس بفرق كبير في الاستابليتى والهاندلنج