ترس السرعه الداخلي اتكسر ووقع في الفتيس

**حسام همام** · 27-03-2014 10:30 AM

السلام عليكم ورحمة الله وبركاته
واحشني يارجاله معلش انا بقالي كتير مش موجود ظروف الشغل بس
من كام يوم لاحظت صوت زنة في الفتيس وانا ممور مع زيادة البنزين
بعدها لقيت وانا ماشي في صوت تكتكة في بطن العربيه من ناحيتي كدة
قولت يمكن عفشه وعايزة تتربط وخلاص
روحت للعفشجي قاللي ياباشا ده سلك الكيلو متر ببص عالعداد لقيتو فعلا راكن عالزيرو ومابيقراش
هوة كان مهنج اصلا ومابيقراش عدل بس اهوكان عالاقل بيتنطط بين ال40وال60 انما دلوقتي لقيتو راكن تحت فاتاكدت اته فعلا السلك ده
روحت للكهربائي قاللي لا روح لبتاع العدادات وبعتني لبه
روحتلو فك السلك وبيحط صباعو في الفتيس مكان السلك ولقيت علامات المفاجئة علي وشه
فين ياباشا الترس اللي جوا ؟؟
قولتلو ترس ايه قاللي اللي بيركب عليه ترس السرعه اللي في الواير قولتلو ماعرفش
اعد يشوف قاللي ياباشا الترس بتاعك اتكسر ووقع في الجير بوكس وهوة اللي عامل التكتكة دي وغلط تمشي بيها كدة بدل مايفورلك الجير بوكس
وكدة الجير بوكس عايز يتحل وتجيبهولي اغيرلك التروس دي
فانا مش عارف الحوار ده ايه يعني وللا اعمل فيه ايه ومهم عندي اوي الوقت عايز اعرف الحوار سهل وللا رخم
معلش طولت عليكوا بس الحوار ده عامللي ازمة لاني تقريبا مش عارف اتحرك
مستني مساعدتكوا

**medo_msa** · 27-03-2014 11:33 AM

وعليكم السلام ورحمه الله وبركاته .. واير السرعه بيبقي فى اخره ترس ابيض شبه الاسطوانه وده بيركب داخل فتحته الفتيس الي بتزود منها الزيت .كلام الصنايعي ان الترس الي بيركب عليه الترس ده جوه الفتيس اتقطم ووقع جوه ..لازم الفتيس يتحل ويتركب ترس جديد وحتي لو مش عايز تصلحه بس لازم يتحل عشان تتطلع الي اتقطم عشان الفتيس ميتبهدلش .. حل الفتيس هياخد وقت يعني تعمل حسابك ع يوم فاضي وتروح لصنايعي نضيف يحله وشوف الفتيس كله بقي من جوه لو اي حاجه محتاجه تتغير بما انك فتخته ..بص ع البليه والاسطوانه والديسك وربنا يعينك

**giedo** · 27-03-2014 12:34 PM

يا جماعة حرام عليكوو .... فتيس ايه اللى يتحل بس .... ترس السرعة بلاستيك موش حديد .... حاجتيين ممكن تحصل يا الترس وقع فى الكرتيره خلاص وده حتلاقيه لما تغير زيت الفتيس ...اما الحاجه التانيه انه اتفرم مع اول غيار للعربيه وفى الحالتين إن شاء الله مفيش قلق

**حسام همام** · 27-03-2014 01:08 PM

المشاركة الأصلية كتبت بواسطة giedo

يا جماعة حرام عليكوو .... فتيس ايه اللى يتحل بس .... ترس السرعة بلاستيك موش حديد .... حاجتيين ممكن تحصل يا الترس وقع فى الكرتيره خلاص وده حتلاقيه لما تغير زيت الفتيس ...اما الحاجه التانيه انه اتفرم مع اول غيار للعربيه وفى الحالتين إن شاء الله مفيش قلق

يباشا انا بتكلم عن الترس الداخلي مش البلاستيك اللي راكب فواير السرعه
الترس ده وقع جوة الجير بوكس وبيعمل تكتكة كدة مع زيادة البنزين وعامل رعشه في الفتيس اصلا
كمان الترس ده اعتقد حجمو الكبير مايسمحش انو يتفرم جوة وكمان ماعرفش اذا كان بلاستيك او حديد وده اللي قالقني اكتر

**sakr_skoda** · 27-03-2014 05:08 PM

ابو همام الترس اللى وقع بلاستيك ودا بيتفرم عادى مش مستاهل حل الفتيس وعلى العموم انا حصور ماكينة السرعة وحرفعها علشان تتاكد من كلامى**

**sakr_skoda** · 27-03-2014 05:26 PM

افتكر الصورة واضحة ساعة السرعة عبارة عن جزء مخروطى يمر بداخلة واير السرعة وفى نهايتة الترس البلاستيك اهو ما فيش تروس حديد ولا المونيوم الترس الحديد بقى اللى فى داخل الفتيس اللى بينقل الحركة للترس البلاستيك واعتقد دا مستحيل ينكسر واعتقد ان الترس البلاستيك اللى فى الصورة مستحيل ياثر على اداء الفتيس**

**sakr_skoda** · 27-03-2014 09:37 PM

المشاركة الأصلية كتبت بواسطة abasabnfernas

فعلا الترس بلاستيك و لا يمكن يأثر على الجير بوكس
و أنتهز فرصة وجود هذه الصورة و أسأل
كيف يتم تثبيت ترس السرعة فى سلك ساعة السرعة لأنه بيفك من السلك .

اوك حاضر :

حتفك المسمار ال8 اللى ماسك الكتلة بتاعى ساعة السرعة واتخرج الكتله زى الصورة كدا**

حتركب الواير واتحرق علية تمام وبعد كدا حتركب المجموعة كلها وتربط المسمار 8

**sakr_skoda** · 27-03-2014 10:03 PM

المشاركة الأصلية كتبت بواسطة abasabnfernas

فعلا بعمل كدة و عداد السرعة بيشتغل شوية و بعدين يفك تانى و تالت و رابع,هل فيه تيلة بتركب أم بيدخل كبس فقط ؟

مافيش تيل ولاحاجة على كلامك كدا يبقى الواير بايظ تحتاج الى تغييره**

الموضوع: ترس السرعه الداخلي اتكسر ووقع في الفتيس

LinkBack

أدوات الموضوع

عرض

-

المواضيع المتشابهه

الحقونى سلك السرعه اتقتم فى الفتيس

لو الفتيس وانا ماشى اتكسر اعمل ايه ؟؟؟

حسبى الله ونعم الوكيل ....الفتيس اتكسر !!!!!!!!!

الفتيس اتكسر ( ادشديش )

ووقع فى الفخ!

الكلمات الدلالية لهذا الموضوع

المفضلات

المفضلات

ضوابط المشاركة