لو الفتيس وانا ماشى اتكسر اعمل ايه ؟؟؟

**osama_hae** · 21-02-2011 02:46 PM

[bor=#ff0000][gdwl]مرة كنت ماشى والفتيس اتكسر منى وفجأة لقيتنى مفرمل خالص وبطلت العربية ولما جه الميكانيكى يصلحهالى طبعا وهى واقفة ماكنها قالى ان عربيتك يا معلم مش هتنفع تانى وقصص وروايات وانا والله معرف حاجة عن العربيات اطلاقا كل اللى اعرفه انى اسوق وبس لانى معنديش ادنى خلفية عن الميكانيكا خالص
حد يقولى انا اضحك عليا ولا اعمل ايه بالظبط[/gdwl][/bor]

**gebreel** · 21-02-2011 02:49 PM

طيب ليه قلك كدة كان تفسيرو ايه و ايه اللي حصل بالظبط

**aboomar22** · 26-02-2011 10:44 PM

يمكن يقصد ان الفيس هو اللى مش هينفع تانى يعنى هتحتاج تجيب فتيس جديد او استيراد او يقصد مش هينفع تمشى بيها لازم فتيس اخر وده الاحتمال الاكبر

**mohamedsaber2** · 09-03-2011 01:25 AM

الله يوفقك و تصلحها, أنا نفسي اساعدك بس اعذرني انا معرفش.

**aymangalal510** · 13-03-2011 05:26 PM

طيب هوه شافها بضمير وفك حاجه او فحص بدقة؟؟؟؟
ولا بص عليها من بعيد لبعيد؟؟؟؟؟؟
اكيد فى اكتر من سبب لكسر الفتيس وممكن جدا الجزء الى اتكسر هوه اللى يتصلح او يتغير
حصلى معايا شىء مشابه
بعد مانزلت الكوبرى ودخلت شارع جانبى باخد غيار من التانى للتالت الفتيس راح للتالت وفلسع هههههه
بقى عامل زى الفرخة الدايخة تلمسة يترمى فى اى حته طبعا هديت عند التقاطع ومشيت على الهادى عشان اكمل واوصل لاى حل او حد روحت البيت وسيبتها لغاية بعد صلاه الجمعة وقولت اروح لاى ميكانيكى (لانى شكيت فى ان كفة الفتيس تكون اتفكت) كنت مغيرها من فترة بسيطة عشان القديمة كان فيها بوش وغيرت كمان تيش معاها
المهم روحت للميكانيكى رفع على على الكوريك وخلال دقيقة قالى خلاص امشى بيها بس غير التيش اللى راكب (اعتقد انه تيش تانى) لان القديم برضه فيه بوش قولت لأ اعمل الصح واغيرة وروحت جبت واحد اقصر لانى مالاقيتش الطويل فالراجل قص حته من الجديد اللى احنا محتاجينها وحتة من القديم عشان الطول ولحمتهم وركب ومشيت مافيش 10 دقايق والحمد لله ربنا ستر
الخلاصة انه مافيش حاجه مابتتصلحش اقصى حاجه ايه ؟؟؟ الفتيس كله يتغير ومافيش غير كده ؟؟؟؟ نو بروبلم هات فتيس تانى والعربية هتمشى برضه
وربنا يسترها عليك وعلينا