استفسار بخصوص بيجو 301

**carlans58** · 05-04-2014 01:40 AM

صباح الخير يا شباب انا انشاء اللة ناوي اشتري بيجو 301 فكنت عاوز اعرف اية نظام السيارة من حيث السرعة و الثبات و العزم انا بسمع كتير ان قطع الغيار مش متوفرة و ان التوكيل غير متعاون و ان سعر اعادة البيع بيكون في الارض فهل الكلام دة صحيح . اتمني من ملاك 301 انهم يفيدوني و للعلم انا عندي بومة 2005 فهل تعتبر البيجو افضل منها ولا الاتنين في مستوي واحد

**nonalaziza** · 05-04-2014 02:22 AM

العربيه معايا بقالها اسبوع ماششاء الله تسارعها كويس
و فراملها ممتازة
بس برضه مقدرش اديك الخبر الاكيد
بس قولت ارد علي ما الوحوش يجوا

**eslam.maghawry** · 05-04-2014 02:48 AM

المشاركة الأصلية كتبت بواسطة nonalaziza

العربيه معايا بقالها اسبوع ماششاء الله تسارعها كويس
و فراملها ممتازة
بس برضه مقدرش اديك الخبر الاكيد
بس قولت ارد علي ما الوحوش يجوا

مبروك الاستلام وعقبالي وعقبال كل الحاجزين

**J A G U A R** · 05-04-2014 03:11 AM

الموضوع ده اتهرس 100 مره ..
سرعه وثبات وعزم كويسه جدا
قطع الغيار فى التوكيل وهاتنتشر اكتر خارج التوكيل
سعر اعاده البيع مش فى الارض للدرجه دى يعنى
البومه 2005 اعتقد انها فاضيه خالص وحالتها مش قد كده فالبيجو هاتبقى احسن بس لو الاتنين زيرو هايبقى فئه واحده

ملحوظه .. انا مش من ملاكها بس عارف اللى فيها .

**J A G U A R** · 05-04-2014 01:37 PM

المشاركة الأصلية كتبت بواسطة nonalaziza

يا عم جاجوار بالراحه ع الراجل
حتي لو اتهرس مليووووون مرة صدقني قرار ان الواحد يدفع فلوس في بطيخه بالنسباله بيكون متعب جدا و في شخصيات بطبيعتها قلوقه او حتي ممكن يكون جديد عن المنتدي ملحقش الهرس و اهي فرصه نساعد الناس زي ما غيرنا ساعدنا
قولي بقي انت ايه اخبارك

انا عارف انه قرار صعب فعلا وخصوصا ان العربيه لسه جديده ومش معروفه اوى .. انا اعرف واحد بقاله 10 سنين بيدور على عربيه ومش عارف يشترى ايه وكل ما يشوفنى يقولى عايزين يا عم نشوفو عربيه اقوله يلا بينا ولفينا على معارض مصر كلها ويخلع وميشتريش بحجه .. يعنى اخر معرض روحناه كان محتار بين لانسر واوبترا وكانو اوتو مش مانيوال وركب العربيتين وفضل يقارن بينهم وانا عارف فى الاخر انه مش هايشترى حاجه والراجل اللى فى المعرض فرحان بقا علشان هايبيع فى الاخر بقا لقيته اخترع حجه وبيقولو انا عايز مانيوال مش اوتو علشان يخلع وميشتريش قولتله والله ما انت راكب عربيات فى حياتك .

انا الحمد لله

**abohend** · 05-04-2014 07:35 PM

المشاركة الأصلية كتبت بواسطة faroojj

بص يا عم مشكلة قطع الغيار موجودة فى أى عربية مش منتشرة و الحمد لله 301 إنتشرت بطريقة مبهرة , أما سعر إعادة البيع فيرتبط بإثبات نفسها فى السوق و ده واضح من الإقبال الكبير عليها وكمان توافر قطع الغيار و ده هيكون بسبب كثرة إنتشارها ..
يعنى بإختصار العربية 301 بعد 15 سنة هتبقى فى مصر ذى 504 أيام زمان

كلامك جميل
بس في تفاؤل زايد

اللي على أرض الواقع حتى الآن هو إقبال مبدئي مبني على شكل العربية الجذاب و سعرها المنافس جداً (نفس حالة الإيمجراند مع إختلاف الفئة السعرية)

لكن إثبات السيارة لنفسها منقدرش نتكلم عليه قبل 5 سنين من دلوقت و الطلب العالي مش مقياس لإعتمادية السيارة

المهم إستمرارية الطلب مع الإستخدام و قلة المشاكل مع مرور الزمن
و ده هيأثر فيه آداء العربية و الوكيل مع بعض

بيجو بدأت بالفعل في تغيير السياسة التسويقية من حيث أسعار السيارات و بدأت تخاطب فئات مختلفة و أقدر أقول أسعار قطع الغيار نسبياً أقل من الموديلات السابقة
لكن الصيانات و المصنعيات مازالت عالية و ده مش في صالح السيارة
خصوصا إن الأوروبي صعب صيانته خارج الوكيل

يا ريت بيجو تغيير سياستها في أسعار الصيانة و المصنعيات عشان تساند السيارات من الفئة دي أكتر

تحياتي

**Hema_Basha** · 05-04-2014 07:57 PM

المشاركة الأصلية كتبت بواسطة abohend

كلامك جميل
بس في تفاؤل زايد

اللي على أرض الواقع حتى الآن هو إقبال مبدئي مبني على شكل العربية الجذاب و سعرها المنافس جداً (نفس حالة الإيمجراند مع إختلاف الفئة السعرية)

لكن إثبات السيارة لنفسها منقدرش نتكلم عليه قبل 5 سنين من دلوقت و الطلب العالي مش مقياس لإعتمادية السيارة

المهم إستمرارية الطلب مع الإستخدام و قلة المشاكل مع مرور الزمن
و ده هيأثر فيه آداء العربية و الوكيل مع بعض

بيجو بدأت بالفعل في تغيير السياسة التسويقية من حيث أسعار السيارات و بدأت تخاطب فئات مختلفة و أقدر أقول أسعار قطع الغيار نسبياً أقل من الموديلات السابقة
لكن الصيانات و المصنعيات مازالت عالية و ده مش في صالح السيارة
خصوصا إن الأوروبي صعب صيانته خارج الوكيل

يا ريت بيجو تغيير سياستها في أسعار الصيانة و المصنعيات عشان تساند السيارات من الفئة دي أكتر

تحياتي

اتفق معاك تماما يا ابوهند يعني حرام ياخدوا 400 ج مصنعية تغيير شوية فلاتر وتيل