الغاء السخن سبب فى ضرب وش السلندر؟؟

**مصطفى-حسن** · 09-04-2014 07:06 PM

المشاركة الأصلية كتبت بواسطة borio1704

المفروض إن دايرة الدفاية هي دايرة فرعية من نظام التبريد في العربية، وبالتالي لما بتقفلها ما تأثرش على أداء التبريد في المحرك

وحتى لو أثرت... تأثيرها ضعيف جدا

على فكرة... العربيات اللي فيها محبس على الدفاية ما فيها حاجة تعمل باي باس by-pass والمية بتفضل راكدة في الدفاية وفي خط التدفئة بالكامل.

أنا أتوقع حاجة من اتنين..

إما إن الخرطوم لما اتركب ما كانش راكب كويس.. وبالتالي المية اتسربت.

أو إن فيه عيب في مكان تاني في دايرة التبريد.

...

على فكرة حضرتك مخدتش بالك من وصف صاحب المشكلة

المشاركة الأصلية كتبت بواسطة midofarh

.بس الخرطوم الى داخل لسربنتينة الميه السخنه قمت ركبت فيه سداده علشان الميه تقف ماتوصلش للسربنتينه الداخليه السخن سديت خرطوم

الراجل سد الخرطوم
مش وصل الطرفين ببعض

**فادى محمد** · 10-04-2014 08:10 PM

المشاركة الأصلية كتبت بواسطة midofarh

فعلا يا جماعه انا قفلت الخطوم الصغير الى بيوصل ميه للدفايه ...انا ليا وجه نظر تانيه خالص ممكن يكون فى تصميم الدايو لمى فى ثيرموستات الكوعه بيكون مقفول الميه بتمشى فى الدفايه علشان مايكونش فى حمل على طرومبة الميه .....هذه مجرد نظريه او رائى شخصى ربما يحمل الصواب والخطاء ....ممكن اعرف رائى حضراتكم وشاكر مروركم الكريم

اعتقد ان الدايو مافيهاش محبس حراري للسخن زي معظم الاوروبي ( تكنولوجيا جي ام)
ترموستات الكوع مالهاش اي تاثير علي خط عمل الدفايه . هي بتحافظ علي درجه حراره الميه في الموتور ولما تزيد عن المسموح بتفتح تبرد عن طريق الرادياتير ( الدوره تستمر وتمشي)
طرمبه الميه مش بتعاني من احمال لانها بتشتغل ميكانيكيا مش كهرباء . حركتها من سير الكاتينه
يعني مصاحبه الموتور في كل حركاته..

**مصطفى-حسن** · 10-04-2014 08:31 PM

المشاركة الأصلية كتبت بواسطة borio1704

ما أنا واخد بالي إنه سد الخرطوم... بس انهي خرطوم؟؟؟

لو سد الخرطوم اللي رايح أو جاي من الدفاية.. فالمفروض ما يحصلش حاجة... لإن دايرة الدفاية ماهياش دايرة أساسية... دي دايرة متفرعة من الدايرة الأساسية داخل المحرك... كل الموضوع إن المية لما تلاقي السكة مسدودة هتكمل مسارها عادي

السدد اللي يأثر فعلا هو لما تسد الخرطوم اللي رايح أو جاي من الرادياتير.. وده أشك إنه يكون فكه أساسا وأشك أصلا إنه يكون عرف يسده لإن قطره كبير.

عموما.. أنا دايما بقول إن الحكم من بعيد مش دايما صح.. محتاجين فعلا الدياجرام بتاع دورة التبريد.

ولو إني شبه متأكد إنك لو قفلت السخن بالطريقة دي ما يحصلش حاجة.

حضرتك ممكن تدخل على الموضوع ده لتوضيح الفكرة

http://www.nilemotors.net/Nile/408701-a.html

أو ده:

http://www.nilemotors.net/Nile/328708-a.html

...

طيب
واحدة واحدة
انا هوصف على عربيتى (لانوس 2002) لانى مفككها بايدى حتة حتة ولان النوبيرا قريبة جدا منها

عشان نلغى السخن بناخد من الطرف اللى على وش السلندر اللى هوة رقم 1 ندخلة علطول على الطرف اللى طالع من الشجرة بتاعة المية اللى هوة رقم 2

دة فى حالة لو هو لاغى المية من بوابة السخن

لكن لو المية بتاعة بوابة السخن موجودة هيبقى فية مشترك تحت البوابة هناخد منة وصلة مباشرة على الطرف اللى طالع من الشجرة رقم 2

او نلغى السخن بالطريقة البسيطة اللى انا حاطط صورة ليها فى المشاركة اللى فى الصفحة الاولى

فلو هو لغى السخن عن طريق انة يعمل سدد زى ما هو عمل فمعنى كدة ان المية اللى على وش السلندر (مخرج رقم 1 فى الصورة) هتفضل تغلى جامد جدا ومش هتتحرك من مكانها فمن هنا جوان الوش ممكن يضرب

او لو ممكن صاحب الموضوع يصور لنا المكان اللى هوة عمل فية السدد
ـــــــــــــــــــــــــ ـــــــــــــــــــــــــ ـ

بس على فكرة انا اول مرة اخد بالى من مواضيعك لما انت حطيت الرابط بتاع السر فى تفوق تكييف السيارات اليابانى

دخلت على مواضيعك كلها وبسم الله ما شاء الله عليك
شغلك جميل وسلس ومواضيعك معمولة بعناية واهتمام وبتوصل المعلومة ببساطة للشخص العادى

اى نعم هما كلهم 11 موضوع بس من الاخر

**مصطفى-حسن** · 12-04-2014 12:00 PM

المشاركة الأصلية كتبت بواسطة midnightman_74

هو فى تفسير تانى للحصل
الدفاية اللى جوة العربية اللى انت لغيتها كانت بتساعد الريدياتير الأساسى على خفض درجة الحرارة المية
يعنى بالبلدي كدة انت كان عندك اتنين راديتير واحد كبير برة الصالون وواحد صغير(دافاية) داخل الصالون

لما انت لغيت الدفاية اللى جوة الصالون ... المية السخنة كلها اتحولت للردياتر الأساسى برة الصالون ... وفى نفس اللوقت صاحبك سافر مشوار طويل ٤٥٠ كيلو .. ممكن يكون الريدياتير الكبير كانت حالتة تعبانة ومقدرش يبرد المية التبريد الكافى طول المشاور الطويل وحصلت المشكلة

يا جماعة موضوع التبريد والتكييف وتوزيع الحرارات دة موضوع كبير ومحسوب ... ياريت محدش يغير اى حاجة ...

اولا احييك عل اجتهادك
بس الموضوع مش كدة خالص

دورة المية بتاعة العربية بيتم تبريدها فى الريداتير اللى فى وش العربية عن طريق التبادل الحرارى

او بالبلدى كدة عشان الريداتير يبرد المية السخنة اللى جواة فلازم يكون هوا بارد جاى من قبل الموتور يخبط فية عشان يبردة وبالتالى يبرد المية اللى جواة

لكن سربنتينة السخن محطوطة جوة التابلوة بتاع العربية فى علبة مقفولة مبيعديش عليها اى هوا زى كدة فى الانوس مثلا

دة دليل
......
الدليل التانى ان ناس كتير بتلغى السخن فى عربياتهم عن طريق الغاء سربنتينة السخن والحياة بتبقى طبيعية جدا

**borio1704** · 13-04-2014 12:51 AM

أي سربنتينة في الدنيا الغرض منها حاجة إسمها "التبادل الحراري".. بمعنى إن يحصل إنتقال الحرارة من وسط لآخر.

وفي الحالة بتاعة السربنتينة فطبعا اللي بيفقد الحرارة هي السربنتينة واللي بيكتسب الحرارة هو الهوا المحيط... والنتيجة هي تبريد محتويات السربنتينة

التبريد بالطريقة دي مستخدم في تطبيقات كتير زي الرادياتير والـIntercooler بتاع التربو ... وحتى سربنتينة تبريد الثلاجات في ظهر كل ثلاجات البيوت.

إذا.. سربنتينة الدفاية فعلا ممكن تزود كفاءة دايرة التبريد بشكل غير مباشر... بس تأثيرها على التبريد ضعيف نسبيا.. أولا بسبب فرق المساحة وثانيا كمية الهوا اللي بيعدي عليها أقل من الرادياتير.

...

-

-

-

-

-

الموضوع: الغاء السخن سبب فى ضرب وش السلندر؟؟

LinkBack

أدوات الموضوع

عرض

-

-

-

-

-

المواضيع المتشابهه

كيفيه الغاء دوره التكييف السخن

فى حد لغى السخن من التكييف

سربنتينه السخن

التكيف السخن

الغاء التكييف السخن لوقف تسرب المياة

الكلمات الدلالية لهذا الموضوع

المفضلات

المفضلات

ضوابط المشاركة