اقتراح بتقديم شكوى جماعيه

**ibrahimsaad** · 14-04-2014 12:22 AM

ياريت اللى عنده اى مشكله يبعتها لميل حمايه المستهلك

info@cpa.gov.eg

ويرفق مع الشكوى الفاتوره

**mokh991** · 15-04-2014 03:16 AM

المشاركة الأصلية كتبت بواسطة ehab_hamed

انا غيرت تيل الفرامل مرتين والتالته فى القريب العاجل اهه. وغيرت الطنابير مرة واحدة والعربية عامله 30 الف كيلو.
علشان انا كده انا معاكوا فى اى شكوى جماعية......

و هل دفعت فلوس علي الحاجات دي؟ ولا كله تبع الضمان؟

**ramymoharram** · 15-04-2014 11:23 AM

أنا كنت امبارح بعمل صيانة ال 20 ألف وبلغوني اني محتاج تيل وطنابير وانها عليهم بس أنا اللي بفكر فيه هل تم حل المشكلة في التيل والطنابير الجداد ولا عند اللأربعين ألف هلاقي نفس محتاج أغيرهم تاني......أنا مع حضرتك في اي شكوي رسمية علشان نيسان تغير خامات التيل والطنابير لخامات أكثر احتمالا

**theblackpirate** · 15-04-2014 05:30 PM

انا غيرت التيل والطنابير مره على حسابهم فى اتوتو يجيب وكان العداد عامل 14500 سعتها وهما غيروها من نفسهم من غير مقول

**manwela8** · 20-04-2014 12:11 PM

يا جماعة هو الموضوع نام لية ؟؟ بجد الموضوع مهم ولازم نقدم شكوى جماعية عشان يلتزموا بتغيير نوع التيل والطنابير الرديئة !!

**edodahab** · 21-04-2014 08:56 AM

http://www.nilemotors.net/Nile/417055-a.html

انا معاكوا فى اى حاجه

**ibrahimsaad** · 21-04-2014 10:42 AM

بصوا ياجماعه انا من كفرالشيخ وعلشان كده فيه حلين

الاول ان واحد من القاهره يكون مسؤل عن تقديم الشكوى باليد واحنا هنجمع هنا من كل عضو
الاسم وموديل العربيه وسنه الصنع ورقم الرخصه وبياناته ونجمعها فى ملف واحد يتم تقديمه الى الجهات المسؤله

الحل التانى
كل واحد يبعث عن نفسه شكوى الى

وده مل حمايه المستهلك
info@cpa.gov.eg

نيسان موتور إيجيبت ش.م.م
المنطقة الصناعية الثالثة، قطعة 6 و 7
السادس من أكتوبر، الجيزة
مصر

تليفون :38340920 202+
بريد إليكترونى: info@nissan.com.eg

مع ارفاق فاتوره الشراء ويذكر المشكله وانها لم تحل حتى الان ويجب تغيير الطنابير والتيل الى نوعيه جيده

والكل يبعث حتى اللى ماعندوش مشكله وبكده تكون وسيله ضغط منا عليهم

**khalid tarek** · 19-05-2014 12:25 PM

انا شايف ان الاعضاء يتجمعو فى موضوع الشكوى الجماعيه ده فى اسرع وقت لحمايه المستهلك ولو مفيش استجابه سريعه يبقى تتفقو مع حمايه المستهلك لرفع قضيه على الشركه والتوكيل وتجمعو لناس الى بتشتكى كلها وتنزلو خبر بالقضيه فى جريده الاهرام مثلا او الاخبار وده هيخلى الشركه تستجيب بسرعه جدا لان كده اسمها هيتهز جامد بسبب القضيه دى ومبيعاتها هتقل كتير وشركه بحجم نيسان ده هتخاف اوى على اسمها بس المهم الجديه فى الموضوع عشان الشركه تعرف ان الناس مش هتسكت وتعدى الهبل ده الناس دافعه فلوس وعايزه مقابل ليها مش عايزه تفضل تدفع تانى واسف على الاطاله. وياريت كمان الموضوع يتثبت فى المنتدى هنا عشان يوصل لكل الاعضاء لان ممكن ناس متعرفش انكو بتعملو شكوى جماعيه وهيفضلو ساكتين

**Hulk 1** · 19-05-2014 01:31 PM

أنا مش عارف المشكله دي موجوده في كل العربيات النيو صني --- انا غيرت التيل مره قبل كده وكنت في التوكيل الاسبوع اللي فات قالولي الطنابير عيزه تتغير--- انا مش عارف في أيه في أأأأأأأأ/م الفرامل دي:019f3b~14:

الموضوع: اقتراح بتقديم شكوى جماعيه

LinkBack

أدوات الموضوع

عرض

-

-

المواضيع المتشابهه

فى حالة رغبتك بتقديم شكواك لجهاز حماية المستهلك تعمل ايه؟ هنا الحل

الكلمات الدلالية لهذا الموضوع

المفضلات

المفضلات

ضوابط المشاركة