اقتراح بتقديم شكوى جماعيه

**edodahab** · 11-04-2014 06:39 PM

المشاركة الأصلية كتبت بواسطة ibrahimsaad

منتظرين تقريرك بعد الزياره دى وياريت تقول لهم على الموضوع ده وان فيه ناس كثير بتشتكى منه

ان شاء الله هقولوكوا عملت ايه و ناوى فعلا ابلغهم ان فيه ناس كتير بتشتكى من المشكله دى
انا بس عايز اعرف لو قاللى ان التيل او الطنابير فيهم مشكله و محتاجين يتغيره كده هيتغيروا على الضمان على افتراض ان مفيش تيل بيتغير على 7000 ولا هيستهبلوا و يقولوا ده عيب سواقه و ادفع تمنه

**memmed_esmat** · 12-04-2014 01:55 AM

هو المفروض كل شويه نتابع زيت الفرامل ونشوف اذا كان بينقص بسرعه فده معناه ان معدل تأاكل التيل اسرع من الطبيعي وده معناه برضه ان خامة التيل سيئة

**ibrahimsaad** · 12-04-2014 02:59 PM

المشاركة الأصلية كتبت بواسطة edodahab

ان شاء الله هقولوكوا عملت ايه و ناوى فعلا ابلغهم ان فيه ناس كتير بتشتكى من المشكله دى
انا بس عايز اعرف لو قاللى ان التيل او الطنابير فيهم مشكله و محتاجين يتغيره كده هيتغيروا على الضمان على افتراض ان مفيش تيل بيتغير على 7000 ولا هيستهبلوا و يقولوا ده عيب سواقه و ادفع تمنه

لو حصل كده حاول تصر على ان لازم يتغير على الضمان لان مفيش تيل عربيه زيرو جديده بيخلص فى الوقت ده وقول لهم كمان ان دى مش مشكله شخصيه دى مشكله عامه وقول لهم ان فيه ناس ناويه تقدم شكوى جماعيه ضد نيسان

**ehab_hamed** · 12-04-2014 09:02 PM

انا غيرت تيل الفرامل مرتين والتالته فى القريب العاجل اهه. وغيرت الطنابير مرة واحدة والعربية عامله 30 الف كيلو.
علشان انا كده انا معاكوا فى اى شكوى جماعية......

**manwela8** · 13-04-2014 01:27 AM

يا شباب أنا طبعا معاكم..أنا معايا الشكل الجديد من يوليو 2012 وعامل 45 ألف وغيرت التيل تقريبا 4 مرات منهم مرة على حسابهم بعد ما عملت مشكلة في نيسان الشرق الأوسط وجهاز حماية المستهلك.

اللي أنا متأكد منه وده كلام ناس جوه مراكز الصيانة..إن التيل ده هندي وكمية النحاس اللي فيه عالية جدا..عشان كده بيصفر بعد ما بيركب بمثلا 3-5 آلاف كيلو وكل مرة في الصيانة يقولولي كان محتاج رجلاش وتنظيف ولكن المشكلة مستمرة.

**edodahab** · 13-04-2014 01:43 AM

واضح ان دى مشكله ازليه
التوكيلات بتسترخص و بتجيب تيل معفن و كله من حسابنا

**Ahmed Amin** · 13-04-2014 07:54 PM

المشاركة الأصلية كتبت بواسطة hany saad

الزميل العزيز دكتور إبراهيم سعد،
أنا زميلكم من قسم رينو
بالنسبة للبودرة السوداء ده ناتج عن احتكاك التيل بالطنبورة و ديه بودرة نازلة من التيل نفسة و هو شىء طبيعى جداً جداً و يحدث فى جميع السيارات و هذا هو السبب الذى من أجله نغير تيل الفرامل كل فترة زمنية و لا يدل إطلاقاً على رداءة خامة التيل

حسيت انه من واجبى نقل المعلومة بمنتهى الأمانة بغض النظر عن اى مشكلة ممكن تكون موجودة فى الصنى

تقبل خالص تحياتى

دا الكلام دا صحيح,
وكل العربيات اللي عليها جنوط أسبو هتلاحظ فيه الموضوع دا عن اللي بجنط حديد أسود وعليها طاسات.

فا لصاحب الموضوع أنت معندكش مشكلة, والبودرة دي ناتجة عن الأحتكاك وهتلاقيها بتزيد لما التيل بيبدأ بيخلص.

**Waleed Taleb** · 14-04-2014 12:15 AM

المشاركة الأصلية كتبت بواسطة edodahab

ان شاء الله هقولوكوا عملت ايه و ناوى فعلا ابلغهم ان فيه ناس كتير بتشتكى من المشكله دى
انا بس عايز اعرف لو قاللى ان التيل او الطنابير فيهم مشكله و محتاجين يتغيره كده هيتغيروا على الضمان على افتراض ان مفيش تيل بيتغير على 7000 ولا هيستهبلوا و يقولوا ده عيب سواقه و ادفع تمنه

هما أكيد هايحاولوا ماقيش مانع طبعا، بس إنت لسة في الضمان سواء سنين أو كيلومتر.

أما موضوع عيب الاستخدام دا لو معاليك مدخل نظام جديد على الفرامل أو خامة مش مصرح بيها أوبتستخدم شيء خارجي زي انك بتوقف العربية بأداه خارجية. إنما لو بتدوس زينا على الدواسة حط صباعك في عنيهم لأن دا تصميم نظام الفرامل في العربية انك تضغط على الدواسة وماحدش قال كام ضعطة ولا حدد سرعة مانغطش عليها، لو كدة انت غير مخالف ان شاء الله

**Waleed Taleb** · 14-04-2014 12:18 AM

المشاركة الأصلية كتبت بواسطة ibrahimsaad

نظرا لكثره مشاكل الاعضاء من فرامل النيو صنى وخصوصا التيل والطنابير

وانا شخصيا لم يحدث معى اى مشاكل حتى الان فى اى شئ وعربيتى نيوصنى ex 2014 ولكن لفت نظرى شئ مهم جدا الا وهو

وجود مسحوق اسود على الطاسات نتيجه احتكاك التيل بالطنابير وعندما وضعت اصابعى على الطنابير وجدت هذا المسحوق الذى لوث يدى بلون اسود وهذا مؤشر لشئ مهم الا وهو ان جوده التيل زباله وانه سئ جدا جدا وطبعا الطنابير ايضا قد يكون لها دور ولذلك اطالب الجميع بان يتم عمل شكوى جماعيه لنيسان مصر بضروره حل هذه المشكله فورا ولاباس ان نراسل ايضا نيسان اليابان وايضا شكوى لحمايه المستهلك

صدقونى هذا هو الحل الوحيد

انا لم يحدث معى اى مشكله حتى الان وانا لازلت امدح بالسياره وادافع عنها لانى لم يصادفنى معها مشكله لكن يبدوا فعلا ان جوده التيل مش كويسه ولذا يجب ان نبادر بها قبل ان نقع بتلك المشكله

أنا معاك وربنا يكرم ان شاء الله

010-2244-2242
012-8443-8443