حجزت السيراتو الحمدلله, المفروض اخد بالي من ايه عند الاستلام؟

**2014_a7mad** · 11-04-2014 08:39 PM

السلام عليكم يا جماعه, بعد بحث و تدوير و دوخه الحمد لله استخرت و استقريت على السيراتو و حجزت سيراتو خليجي 2014.
ممكن تفيدوني بالحاجات اللي المفروض اخد بالي منها؟
استلم ايه مع العربيه؟
هى المفروض كويتي اتأكد ازاي؟ انا دخلت على موقع كيا و مفهمتش حاجه

**OmarEzzat93** · 11-04-2014 09:48 PM

ممكن حضرتك تقولنا سعرها و موصافتها ايه

**Abraam95** · 11-04-2014 11:00 PM

اتاكد من جميع الانوار و التكييف و الكاسيت و ركز على كل جزء فى جسم العربيه من بره و ان مفيش اى خدوش او عيوب و كمان حوض الموتور و الشنطه و اتاكد من وجود الاستبن و العده و الكوريك و قاطره حديد و الكاتالوجات و الولاعه و الطفايه ...
و تتاكد من موضوع كويتى بال vin number اللى علي الزجاج الامامى ،،، ادخل علي Global Service Way - Technical Information و اعمل اكونت و اكتب الرقم هيجبلك كل المعلومات :)
و الفففف مبروك مقدما :) :) :)

**MR . Gold** · 11-04-2014 11:08 PM

الف مبروك ياباشا ربنا يديك خيرها ويكفيك شرها .. عربية ممتاذة ربنا يباركلك فيها

**Ahmed.Essam** · 11-04-2014 11:17 PM

الف مبروك تستلم على خير يارب :)
اتأكد من الاتي
ABS ( لمبة صفرة عبارة عن دايرة جواها كلمة ABS )
Immoblizer ( لمبة على شكل عربية جواها مفتاح )
Airbags ( ليها لمبة لون احمر عبارن عن شخص امامه ايرباج وتشوف كلمة الايرباج مطبوعة اكيد على الطارة والتابلوه )
والتلاتة اللي فوق دول اهم حاجة ..

وشف كمان دهان العربية ولو فيه اي ستيكر ابيض على العربية شيله عشان تتأكد ان مفيش خدوش او خبطات تحته
نور العربية الخارجي والداخلي
الكاسيت
التكييف
وبص على بيت الاستبن شوف الاستبن نفس مقاسات الكاوتش الاصلي ولا لا
والكوريك والعدة

**2014_a7mad** · 12-04-2014 08:51 AM

متشكر يا رجاله على المساعده وعلى الكلام الطيب
بس كنت عاوز اعرف كمان هو الكاوتش المفروض نوعه ايه (جنوط 16)؟ وهل في اريال خارجي بستلمه ولا لاء؟ و طفايه الحريق بستلمها ولا ده في السعودي بس؟ و هل العراقي يختلف عن الكويتي؟ وهل المفروض البيانات اللي على قايم العربيه تكون بالعربي؟

**Abraam95** · 12-04-2014 11:12 AM

المشاركة الأصلية كتبت بواسطة 2014_a7mad

متشكر يا رجاله على المساعده وعلى الكلام الطيب
بس كنت عاوز اعرف كمان هو الكاوتش المفروض نوعه ايه (جنوط 16)؟ وهل في اريال خارجي بستلمه ولا لاء؟ و طفايه الحريق بستلمها ولا ده في السعودي بس؟ و هل العراقي يختلف عن الكويتي؟ وهل المفروض البيانات اللي على قايم العربيه تكون بالعربي؟

الكاوتش غالبا هيكون نكسن كورى...و العربيه مفيهاش اريال خارجى علشان الاريال مدمج فى الزجاج الخلفى بتاع العربيه و المفروض لو العربيه كويتى هيبقى مكتوب على القايم انها تطابق المواصفات السعوديه زيها زى السعودي وباقى دول مجلس التعاون و هيبقى مهاها طفاية حريق و مثلث و شنطة اسعافات .
اما لو العربيه عراقى مش هيبقى معاها الكلام ده و مش هتلاقى اي كلام يخص المواصفات على القايم و غالبا مش هيكون فيها اموبليزر .

**2014_a7mad** · 12-04-2014 07:55 PM

فعلا العربيه طلعت عراقي و بدون ايموبيليزر و حاروح الغي الحجز بكره ان شاء الله.
المعرض اقترح على اني اركب حاجه بتفصل البطاريه (مش عارف اسمها ايه) بس بصراحه انا قفلت خلاص و مش عاوز العب في العربيه وهى جديده.

**Abraam95** · 12-04-2014 08:26 PM

المشاركة الأصلية كتبت بواسطة 2014_a7mad

فعلا العربيه طلعت عراقي و بدون ايموبيليزر و حاروح الغي الحجز بكره ان شاء الله.
المعرض اقترح على اني اركب حاجه بتفصل البطاريه (مش عارف اسمها ايه) بس بصراحه انا قفلت خلاص و مش عاوز العب في العربيه وهى جديده.

معاك حق و مفيش حاجه تغنى عن الايموبلايزر فا حاول تلاقى سعودى او كويتى هيكون فيها انشاء الله و شوف عند سمير ريان احتمال كبير تلاقى.

**MR . Gold** · 12-04-2014 08:54 PM

المشاركة الأصلية كتبت بواسطة 2014_a7mad

فعلا العربيه طلعت عراقي و بدون ايموبيليزر و حاروح الغي الحجز بكره ان شاء الله.
المعرض اقترح على اني اركب حاجه بتفصل البطاريه (مش عارف اسمها ايه) بس بصراحه انا قفلت خلاص و مش عاوز العب في العربيه وهى جديده.

ياباشا اطلع علي جابر عبد الشهيد هو مستورد الكيا الخليجي وماعندوش غير سعودي وسلطنة عمان والاتنين احلي بلدين وفيهم كل حاجة من وسائل امان وانا الحمدلله مشتري من عندة واحدة وارد سلطنة عمان وجميلة جداً بسم الله ماشاء الله