ارجو مساعده في الحاجات الي المفروض اخد بالي منها مع الصني الجديدة

**gomana85** · 10-01-2013 01:02 PM

السلام عليكم و رحمة الله و بركاته
من فضلكم انا كنت راكبه قبل كده 128 و كان كلها اصوات ... فدلوقتي ايه الاصوات الي المفروض اسمعها في العربيه فايه الصوت الي اسمعه اعرف ان الدنيا تمام و ايه الصوت الي المفروض اسمعه فاعرف ان في حاجه غلط ؟؟
انا سمعت صوت تخبيط الزلط الي بيخرج من الكوتش بس الحمد لله مديقنيش ..
بالنسبه لصوت الفرامل و التزيق انا الحمد لله مش حاسه اي سامعه حاجه هو احيانا بحس بتزيق بسيط جدا جدا من الدركسيون لما بلف ملف جامد كانه تريح بلاستيك و مش متكرر قوي
دلوقتي الحاجه بقه الي لفتت نظري ان بعد ممشيت مشوار و لما فتحت الكبوت لاقيته مطلع حراره و في ريحه بلاستيك مش جامده قوي بس موجوده ده طبيعي ؟؟ و اتاكد ازاي ان مروحه الريداتير شغال هاعرف اسمع صوتها و لا لازم اشوفها و الكبوت مفتوح ؟؟
بالنسبه بقه للفتيس الاتوماتيك ، انا لما اقف و ابطل العربيه و انا مخليه الفتيس علي n و لا علي ال p ?

و ارجوا لو في شويه نصايح تنصحوني بيها قوليلي عليها يبقي كتر خيركم
متشكره جدا

**Sehsss** · 10-01-2013 01:13 PM

بصي أنا هاريحيك، أي صوت تسمعيه ومش عاجبك وقليلهم عليه في صيانة الألف وهما هايظبطوا الدنيا

**saint2011** · 10-01-2013 01:23 PM

ألف مبروك يا أخت جومانه وربنا يباركلك فيها مبدئيا :
1-تروحى بريدجستون fix&fit وتحطى نيتروجين بدلا من الهواء وتظبطى ضغط الكاوتش أمامى 33 وخلفى 30
2-طقم دواسات للعربية ويفضل كاوتش عشان سهولة التنظيف ولو كسوة كمان للصالون يبقى تمام
3-يفضل وضع السيارة فى جراج
4-غطاء للسيارة مبطن داخلى وخارجى مشمع
5-يفضل تغيير الكاوتش الماكسيس الصينى وتركيب كاوتش محترم مثلا ميشلان أو بريدجستون أو كونتيننتال مع تعريض المقاس إلى 195-60-15 إذا كان فيه أمكانيه ماديه لذلك
6-بالنسبة للفتيس الأتو لو حضرتك وقفتى فى أشارة أكثر من 30 ثانية تجيبى الفتيس على n ومتبطليش العربية ولما الأشارة تفتح تجيبى ال d وتطلعى
7-لما تيجى تقفى بالعربية مثلا ركنتى بتجيبى الفتيس على p

وربنا يحفظك ويحفظنا من شر الطريق ولكى تحياتى

**Sehsss** · 10-01-2013 01:32 PM

المشاركة الأصلية كتبت بواسطة gomana85

مهو المشكله اني ممكن اسمع اصوات و افتكرها عادي انا عربيتي قبل كده كانت زفه متحركه

ماهو انا قلتلك اي اصوات قوليلهم عليها عادي ولو حاجة عادية هايقولولك عادية ولو فيه حاجة هاظبطوها.. عشان احنا مش سامعين اللي حضرتك سامعاه

**saidamer** · 10-01-2013 03:55 PM

ربنا يباركلك فيها ويقيكى شرها أما بخصوص الريحة فلازم تعرفى أنك مازلت فى فترة التليين وكل شئ فى العربية مازال ياخذ وقت حتى تتطبع جميع المكونات ولو كانت الريحة واضحة ومتكررة حاولى تخلى حد عنده خلفية ينظر فى الكبوت قد يرى شئ واضح وإلا إنتظرى حتى تذهبى إلى التوكيل.

سؤال لو تكرمتى هل بعد إستلامك للعربية قمت بتسجيلها فى المرور مباشرة أم انتظرتى فترة؟

**saint2011** · 10-01-2013 04:05 PM

المشاركة الأصلية كتبت بواسطة gomana85

دلوقتي الحاجه بقه الي لفتت نظري ان بعد ممشيت مشوار و لما فتحت الكبوت لاقيته مطلع حراره و في ريحه بلاستيك مش جامده قوي بس موجوده ده طبيعي ؟؟ و اتاكد ازاي ان مروحه الريداتير شغال هاعرف اسمع صوتها و لا لازم اشوفها و الكبوت مفتوح ؟؟

ارجو تفيدوني في النقطه دي

هو حضرتك بتفتحى الكبوت ليه !!!! 128 لسه تأثيرها مستمر معاكى موتور النيوصنى ألومنيوم وهو بيفرغ الحرارة بسرعة ولا يحتفظ بها مقارنة بالمواتير الزهر الموجودة فى العربيات التانية
ثانيا كومبيوتر العربية فى التابلوة بيشيك على كل حاجة اول محضرتك تحطى المفتاح فى الكونتاكت تلاقى كل حاجة نورت وبعدين تدورى العربية هتلاقى كل الأنوار أتطفت لو حاجة فضلت منورة يبقى فيها أشارة لوجود مشكلة ما وحضرتك ماشية بالعربية ولاقيتى لمبة الحرارة منورة مثلا تركنى على جنب لحد مالعربية تهدى والحرارة تنزل لو اللمبة منورتش تانى يبقى مافيش مشاكل وأنصح حضرتك تقرأى كتالوج العربية كويس وتتعرفى عليها أكتر ولكى تحياتى

**gomana85** · 10-01-2013 04:26 PM

اوك شكرا جزيلا
انا فتحت الكبوت لما كانوا يخدوا البصمه في المرور ..بس للاسف مرخصتش علشان السيستم كان واقع.. يارب علي السبت يكون اتصلح

**د.هشام** · 10-01-2013 04:31 PM

المشاركة الأصلية كتبت بواسطة gomana85

السلام عليكم و رحمة الله و بركاته

بالنسبه لصوت الفرامل و التزيق انا الحمد لله مش حاسه اي سامعه حاجه هو احيانا بحس بتزيق بسيط جدا جدا من الدركسيون لما بلف ملف جامد كانه تريح بلاستيك و مش متكرر قوي

متشكره جدا

ان عندي نفس الموضوع دا، بصراحة مش عارف دا طبيعي ولا لأ، ان شاء الله حبقى اسأل عليه في الصيانة
اما بقية الحاجات اللي انت قولتي عليها كلها طبيعي، متركزيش فيها