خبراء التيدا او من لهم خبرة بالشكمانات

**Omar_4ever** · 13-04-2014 06:29 PM

بسم الله الرحمن الرحيم

عربيتي تبدا 2006 عاملة 130 الف كيلو

عندي مشكلة وهي ان العربية مكتومة وصوت الموتور عالي جدا وخصوصا مع التكييف

عيرت البوجيهات وفلتر الهواء ونضفت البوابة وظبتها بالكمبيوتر وغيرت طرمبة البنزين

العربية اتحسنت جدا لكن لسا مشكلة صوت الموتور

رحت كشفت عليها عند ميكانيكي قالي صوت الموتور عالسلانسيه هادي جدا ومفيهوش اي مشاكل وان الصوت من الشكمان وقالي اروح اكشق على منظومة الشكمان كاملة

فلو حد يدلني على حد كويس بتاع شكمانات يبقى كتر خيره

وانا لاحظ فعلا ان الصوت من الشكمان كأنه مكتوم

العربية لحد 60 الف كنت بحطهلها بنزين 95 في السعودية ومن ساعة ما جبتها مصر وانا شغال على 92

**exact** · 13-04-2014 08:50 PM

طب جرب خللي حد معاك... ودور العربية وخليه يكتم الشكمان من ورا بحتة قماش كويس... وامشي جنب العربية واسمع كويس هل فيه تنفيس وللا لآ... نظريا المفروض الكتمة تخللي العربية تبطل... يا اما علبة البيئة مشخشخة... وما انصحش بفحصها الا عند حد ثقة جدا جدا جدا... لأن بتوع الشكمانات بيسرقوها ويقولوا لك دي بايظة عشان يبيعوها بعد كده