الى خبراء التيدا

**M.ABDOU** · 08-04-2010 01:10 PM

السلام عليكم
عااوز اعرف يا جماعه لو سمحتم ايه هيا الفروق بين التيدا التوب والتيدا اللور

حيث ان فرق السعر كبير
وهلا يستحق فرق السعر كل هذا

ثانيا هل يوجد اختلافات اساسيه فى التيدا 2006 عن تيدا 2009 او 2010

وشكرا

**Ahmed.TV** · 08-04-2010 03:05 PM

فى الاول احب ارحب بحضرتك فى قسم نيسان وتحية خاصة من ملاك التيدا لحضرتك

بالنسبة الى الموديل الاعلى والاضافات اللى فيه
تكيف اتوماتيك -جنوط سبور 15 - كاسيت 6 اسطوانات ب4 سماعات و2 تويتر فى القوايم - مالتى فنكشن - طارة مكسية بالجلد - الابواب مطعمة بجلد - الفرش مخمل فاخر - الطابلوه والابواب مطعمة بالالومنيوم - وسادة هوائية للراكب الامامى - فوانيس ضباب - مسند ذراع خلفى مع حامل اكواب , وده كل اللى اعرفه

اما بالنسبة لموضوع فرق السعر انه كتير ولالا؟
هو مش كتير لانك بتاخد بيهم حاجات تستاهل فرق السعر (ده من ناحية وجهة نظرى)

نصيحة منى:
ولوحسيت انه مش حيفيدك ومش حتسفاد بيه مثلا ومش فارق معاك يبقا اكيد انت الاحق بفرق السعر ده وتوفره وتخليك فى الموديل الاقل سعرا

اما بالنسبة للسيارة التيدا :
بصراحة عربية اكثر من رائعة بجد وتجمع بين القوة والنعومة فى نفس الوقت والحمد لله كل ملاك التيدا لما بيتكلموا عنها بيقولوا نفس الكلام تقريبا

ولو عايز اى حاجة تانى انا تحت امرك

**أحمد علاء** · 10-04-2010 10:23 AM

احب اضيف على كلام اخونا ahmed.tv ان الموديل البلاس فيه :
مخدع يدع بين الكرسيين الأماميين وده مش موجود في الموديل الأقل (شئ غير مبرر)
بالإضافة ان ظهر الكنبة الخلفية يمكن طيه

**Ahmed.TV** · 10-04-2010 02:38 PM

المشاركة الأصلية كتبت بواسطة ahmadalaaeldin

احب اضيف على كلام اخونا ahmed.tv ان الموديل البلاس فيه :
مخدع يدع بين الكرسيين الأماميين وده مش موجود في الموديل الأقل (شئ غير مبرر)
بالإضافة ان ظهر الكنبة الخلفية يمكن طيه

فعلا انا كنت ناسى المخدع الامامى , ويمكن الاهم من ده موضوع طى الكنب الخلفى , لانه فعلا مهم جدا وخصوصا لو حابب تخزن حاجات فى الشنطة طويلة

**Ahmed.TV** · 25-05-2010 10:58 AM

موضوع ان الكنبة بتتحرك لقدام عشان تقدرى توسعى بيها مساحة الشنطة موجودة فعلا فى الموديلات القديمة وفى الفئات العالية فى الهاتش باك
بصراحة اوسع عربية هاتش باك فى السوق وعربية محارمة جدا

شكل التيدا كدا عجبتك ودخلت دماغك , بس اذا كان كدا , اتفرجى على اللون الاحمر عليها روعةةةةةة

**MTAK** · 25-05-2010 11:25 AM

و الله وجعوا دماغ الناس
كل ما سبق "مخادع و طى كنبه و تلت و تلتين" موجودين معايا من 2007
ما احس انهم اضافوه هو التحكم بعجلة القيادة و التكاسيت سى دى و لون العدادات من الداخل و سمعت ان فى سى دى تشانجر و طبعا شكل الفوانيس الخلفية و الشبكة الامامية "دوول شوفته على السريع مرة فى التوكيل"
--
بس للأمانه عملية ان الكنبة تروح و تيجى لقدام جامدة جدا جدا
و كمان اللى عاجبنى اوى ان ظهر الكنبة له درجات ميل زى الكراسى الامامية بالضبط
انها التيدا :)