وداعا أيها الملص اللعين

**ahmscu** · 14-04-2014 04:07 AM

بعد شهور طويلة من البحث واللف عن حل لمشكلة ملص البيض الشهيره فى الادا وبعد السؤال عن اجود انواع بيض المقصات لقيت ان الانواع الموجوده فى السوق هى البلغارى والروسى والايطالى والتركى والصينى ونادرا ماهتلاقى الالمانى والكورى ،طبعا معظمهم من غير بطاقه استيراديه وﻻ محفور عليه بلد تلصنع ده غير التفاوت الرهيب فى السعر والشكل والتغليف من محل لاخر يعنى مثل التركى شفت منه اكتر من 3 انواع فى 3 محلات وكلهم مختلفين تماما فى الشكل والتقفيل وتلسعر وتسال صاحب المحل يقولك تركى اصلى وهو طبعا صينى وطبعا لانكم عارفين اد ايه بيض المقصات مهم جدا وخصوصا لو بتسافر كتير ومعاك اطفال يعنى مفيش هزار فى حاجه زى دىلا ممكن ببساطه العربيه تتقلب لاقدر الله او تملص منك فى وسط كوبرى اكتوبر الساعه 4 العصر فى عز الصيف والدنيا مووت ومعاك مراتك وعيالك طبعا موقف سخيف جدا،المهم يعنى دورت كتير ولفيت كتير لغاية لما لقيت بيض روسى اصلى معدل لا يملص والفكره ان بدل الكاوتشه فىه حديد محاوط صباع الحديد اللى بيمسك فى المقص من كل ناحيه وبكده البيضه عمرها ماتملص الا فى ظروف صعبه جدا،هغيرهم قريب ان شاء الله وانقلكم التجربه،عموما فيه نوع روسى نضيف فى علبه وردى ونوع تانى روسى بس اقل شويه
وموجود فى التوفيقيه فى محل جنب المركز الروسى

**goldengold4** · 14-04-2014 09:58 AM

انا تابعت الموضوع ده قبل كدة و كان برده فيه مشكله ان الحديد بيسخن و و احيانا بتملص

**ahmscu** · 14-04-2014 05:37 PM

المشاركة الأصلية كتبت بواسطة goldengold4

انا تابعت الموضوع ده قبل كدة و كان برده فيه مشكله ان الحديد بيسخن و و احيانا بتملص

هو الكلام ده نظريا صعب شويه لانك مده محتاج سخونه حامده حدا لدرجة انها تسيح الحديد فتخرج منه البيضه وعموما حتى لو ده ممكن فالسخونه دى هتسيح الكوتشه فى البيض التانى قبل الحديد بمراحل يعنى احتمالات الملص مع السخونه فى البيض العادى اضعاف وعموما لو فيه اى مشاركه للاعضاء ان النوع الجديد ملص معاه ياريت حضرتك تقولنا للاستفاده

**goldengold4** · 15-04-2014 11:15 AM

انا مش ضد الموضوع بالعكس ياريت يكون الكلام ده حل للمشكلة الكبيرة بس انا كان قصدى انى كان فى حد فى المنتدى قبل كدة اتكلم فى الموضوع ده و ذكر فيه عيوب هذا النوع من البيض
يارب يكون حل

**abokoko** · 15-04-2014 04:27 PM

الصور

**hassanin_lada** · 15-04-2014 09:22 PM

سيدي الفاضل

طالما بتغير البيض بمواعيد ثابته ماتقلقش

التركي والروسي والبلغاري كلهم كويسيين

الفكره انك بتغير البيض كل سنتين او 3 سنين او اكتر حسب طبيعة مشيك او الطرق اللي بتمشي فيها

نقطه تانيه وهي ان البيض عمره مايملص وانت ماشي بسرعه

العربية تملص في اول الطالعه بتاعت العربية بس

**ahmscu** · 16-04-2014 01:02 AM

المشاركة الأصلية كتبت بواسطة hassanin_lada

سيدي الفاضل

طالما بتغير البيض بمواعيد ثابته ماتقلقش

التركي والروسي والبلغاري كلهم كويسيين

الفكره انك بتغير البيض كل سنتين او 3 سنين او اكتر حسب طبيعة مشيك او الطرق اللي بتمشي فيها

نقطه تانيه وهي ان البيض عمره مايملص وانت ماشي بسرعه

العربية تملص في اول الطالعه بتاعت العربية بس

كﻻم حضرتك صح فعلا بس صدقنى انا لو متاكد انه تركى اصلى يبقى تمام وفعلا البيض مايملصش اﻻ مع واخد مهمل بس للاسف وانا ماشى على طريق بورسعيد لقيت ﻻدا بيضها مالص وكانت ماشيه على الشمال يعنى اكيد كان ماشى بسرعه وصاخيها واقف جنبها محتاس وللاسف لو نزلت التوفيقيه هتلاقى البيض الصينى مغرق السوق

**goldengold4** · 16-04-2014 12:39 PM

شكرا على المعلومة

**hassanin_lada** · 18-04-2014 03:16 AM

عليك وعلي المركز الروسي

حاجه مضمونه الف الاف

الموضوع: وداعا أيها الملص اللعين

LinkBack

أدوات الموضوع

عرض

-

-

-

المواضيع المتشابهه

Toyota Etios - وداعا لوجان ! وداعا ساجا ! وداعا للمنافسين !

انة اللعين wd40

وداعا اوماترا وداعا الفيات

المطب اللعين

إن لم تهتف اليوم "يا أيها النظام ارحل" ستصرخ غدا "يا أيها النظام ارحم"

الكلمات الدلالية لهذا الموضوع

المفضلات

المفضلات

ضوابط المشاركة