الموضوع: كيفية قياس مستوى و جودة زيت الجيربوكس و أيضاً تزويده فى الفلوانس فيس ليفت

نبتدى بقى نجمد قلبنا شوية و ندخل جوة الكبوت نشوف ايه الأخبار
طبعاً حاجة رائعة جداً ان رينو/نيسان حطه مقياس للسائق علشان يقيس منه مستوى زيت الجيربوكس و مدى جودته و ممكن أيضاً تزود منه الزيت و لكن التزويد بيتم عن طريق مراكز الخدمة فى حالة النقصان
يوجد عصاية مقياس زى عصاية الزيت العادية موجودة جنب البطارية



بتطلعها بأيدك و تشوف مستوى الزيت و مدى جودته و ممكن تزويده ان احتاج
طبعاً بما ان العصاية مرنة و نازلة لتحت قوى ناخد بالنا و احنا بنطلعها او بندخلها

تحياتى

المشاركة الأصلية كتبت بواسطة mohammedaladel

الواضح من خلال كلامك يا هندسة أنك متأثر جداً بميجان 2 أنه لا يوجد بفتيسها ال dp0 عصا قياس للزيت .... ولكن أغلب السيارات بها مقياس لزيت الجيربوكس ..... والموضوع كله متعلق بنوع وتصميم الجيربوكس ... فهو قد يكون إحساس رائع لمن كان يعانى من قياس مستوى الزيت بميجان 2 ولكن ليس بإبداع من رينو ونيسان

وهل حضرتك متأكد أن مقاس الزيت هو نفس مكان التزويد ؟
فميجان 2 مثلاً بها فتحة فايص للزيت بقطر يسمح بوضع قمع وصب الزيت ولكنها غير مصممة لذلك وبها أيضاً طبة تزويد للزيت بجانب فتحة الفايص

الأخ الفاضل محمد،

قد أكون مش متابع جيد لكل السيارات الموجوده فى السوق و لكن مصادفنيش عربيات بها مقياس زيت جيربوكس ناهيك عن وجود المقياس فى مكان واضح جداً يسهل الوصول إليه و بجانب مقياس الزيت العادى
حضرتك أشرت فى كلامك أن أغلب السيارات بها مقياس لزيت الجيربوكس و دى معلومة جديدة بالنسبة لى....يا ترى زى أيه من العربيات اللى موجودة فى السوق حالياً فيها مقياس لزيت الجيربوكس فى مكان يسهل للقائد الوصول إليه و دون الحاجة لرفع العربية؟

أنا لم أذكر أنه إبداع من رينو/نيسان....أنا ذكرت أنه رائع جداً و أعتقد فرق المعنى كبير بين الأتنين

أنا مش متأكد أن دى فتحة التزويد الوحيدة و لا بنصح أى حد يزود هذا الزيت من دماغه و غالباً أى شغل هيكون فى التوكيل و الزيت بتاعه صعب جداً تلاقيه فى السوق
كل الفكرة هى الأطمئنان على مستوى الزيت و مدى جودته بطريقة سهلة جداً و هذا ما قصدته بكلمة رائع جداً

تحياتى