الموضوع: طريقة قياس مستوى الزيت فى الفلوانس فيس ليفت

المشاركة الأصلية كتبت بواسطة Meggieboy

أؤكد على كلامك يا أحمد بيه و أنا هحكى عن تجربتى الشخصية.....

أنا الزيت عندى على المقياس فى النصف بالظبط من ساعة ما أستلمت العربية
و حتى الأن مش عارف أطلع المقياس ال digital على الشاشة....يعنى مفيش أى تحذير أو كور بتظهر عندى و أعتقد ده اللى هما كاتبينه:
"أنه فى حالة نزول الزيت عن علامة ال MIN بتبتدى تظهر العلامات تدى و تبقى ناقصة" أو بمعنى أخر:

عمر ما الست كور بيظهروا مليانيين.....يا ريت الوحوش يشاركونا تجاربهم مع المقياس الديجيتال

هاني بيه بالنسبه لتجربتي في عربيتي خلال 15 الف كيلو من اول ماستلمتها كان مستوي الزيت تحت ال max بحوالي من 2-3 مللي وديجيتال ناقص كوره من اول ماوصلت 3 الاف كيلو تقريبا وكان بينقص بالتدريج لحد ماوصلت 10 الاف بقي في التلت او الربع الاخير من المنطقه المشرشره (بين علامهmin و max )وديجيتال ناقص كورتين الحمد لله عمري ماشفت تحذير ان الزيت ناقص

وبعد تغير الزيت اول مره شفت ال 6 كور مليانين لكن بعد مامشيت بالعربيه كام كيلو وبطلت شفتهم

واي وقت بحب اشوف فيه مقاس الزيت ديجتال بشوفه من اول ما استلمت العربيه لغايه دلوقتي و في طريقتين بتبعهم

1-وضع الكارت في المكان المخصص ليه تحت الكاسيت واثناء ظهور رساله Checking all functions بضغط علي زرار رقم 4 (الزرار السفلي لذراع المساحات ) بسرعه قبل ما اشوف كلمه OK بخط كبير.

أو

2-بدور العربيه اول ماركب ونفس القصه اثناء ظهور رساله Checking all functions بضغط علي زرار رقم 4 (الزرار السفلي لذراع المساحات ) بسرعه قبل ما اشوف كلمه OK بخط كبير.

خلاصه الكلام ظهور الكور بغض النظر عن عددهم او مستوي الزيت الحالي غير مرتبط برساله التحذير باي صله


تحياتي