ساعدوني في شراء سياره جديده

**Iso Man** · 16-04-2014 03:02 PM

السلام عليكم

باختصار شديد انا لسه متعلم السواقه جديد من اسبوع واحد فقط وعاوز اشتري عربيه جديده
ناس كتير شكرت في اللوجان الهاي لاين وحجزتها بالفعل من الطارق للسيارات الشكل الجديد 2014
لكن للاسف مفيش منها اوتوماتيك ... في ناس قالتلي الاوتوماتيك هتفرق معاك جدا على الطريق وانت لسه بتتعلم وهات النيسان صني 2014 ... لكن دخلت هنا لقيت مشاكل فيها من ناحية التيل والفرامل وكده
فلو امكن تفيدوني هل اضحي باللوجان واجيب الصني علشان الاوتوماتيك ؟؟
وهل اجيب الصني الاوتوماتيك ولا السوبر صالون ..؟؟ يعني هل الفرق بينهم يستاهل فرق السعر ده ؟؟
وشكرا جزيلا ليكم

**السعيد عيد** · 16-04-2014 03:47 PM

الاوتو مش هيفرق كتير اوي لان بمجرد ما هتاخد ع النقل والدبرياج والطلعه وكده هتلاقي كلو تمام معاك وربنا يوفققك

**م.أحمد الدسوقي** · 16-04-2014 03:54 PM

المانيوال اهم ليك عشان تاخد عليه

هات لوجان استعمال 2012 ولا حاجه سنتين كدا لحد ما تتمكن عشان حتخبط كتير

كمان اللوجان فراملها كويسه جدا وحتساعدك

بعد سنه او اتنين هات اللي انت عاوزه زيرو

واسمع مني بلاااااش زيرو من اول مرة

هات كسر زيرو

**mostafa magdy** · 16-04-2014 03:58 PM

الأوتوماتيك هيفرق مع حضرتك .. خصوصا في الزحمه اللي في شوارعنا ..
و هيفرق معاك في البيع ..
و الصني جميله ..
تحياتي

**ibrahimsaad** · 16-04-2014 04:16 PM

والله انا ماانصحكش تجيب زيرو وانت لسه بتتعلم هتزعل جامد لو حصل لاقدر الله حاجه جيب حاجه استعمال كويس الاول وبعدين جيب زيرو زى ماانت عايز

**مانويل مايكل** · 16-04-2014 05:16 PM

المشاركة الأصلية كتبت بواسطة Iso Man

السلام عليكم

باختصار شديد انا لسه متعلم السواقه جديد من اسبوع واحد فقط وعاوز اشتري عربيه جديده
ناس كتير شكرت في اللوجان الهاي لاين وحجزتها بالفعل من الطارق للسيارات الشكل الجديد 2014
لكن للاسف مفيش منها اوتوماتيك ... في ناس قالتلي الاوتوماتيك هتفرق معاك جدا على الطريق وانت لسه بتتعلم وهات النيسان صني 2014 ... لكن دخلت هنا لقيت مشاكل فيها من ناحية التيل والفرامل وكده
فلو امكن تفيدوني هل اضحي باللوجان واجيب الصني علشان الاوتوماتيك ؟؟
وهل اجيب الصني الاوتوماتيك ولا السوبر صالون ..؟؟ يعني هل الفرق بينهم يستاهل فرق السعر ده ؟؟
وشكرا جزيلا ليكم

الموضوع راجع لحضرتك . أنت أحساسك أية فى السواقة حاسس بثقة ولا لسة شوية .
لو لسة شوية متجيبش زيرو . لو أتمكنت أتكل على الله . وسوق بحذر فى اول كام شهر . ويفضل ما تنزلش بيها فى الأول فى الزحمة . يعنى أختار أماكن ومواعيد تكون الدنيا هادية شوية عشان ثقتك تزيد وتنقل بسلاسة اكتر.
النصيب . يعنى ربنا يستر طريقنا جميعا . ممكن واحد يكون بيسوق مستعمل 10 سنين وأول ما يجيب زيرو تتخبط . وممكن واحد يجيب زيرو من أول مرة وميحصلش حاجة.
كل ما بخرج بقول يارب رجعنى بالسلامة .

**Iso Man** · 16-04-2014 05:25 PM

متشكر جدا على الردود ... انا الحمد لله حاسس ان مفيش مشكله بالنسبالي في السواقه وحاسس ان الموضوع بسيط وهاخد بالي في اول كام شهر وهسوق بالراحه بس كنت حابب اطمن اكتر على موضوع الاوتو والمانوال
انا حجزت اللوجان المانوال 2014 هاي لاين فهل دي كويسه ولا ادفع الفرق ال 15 الف علشان الصني الاوتوماتيك
هل تستاهل يعني علشان الاوتوماتيك ولا دي كويسه وخلاص ؟

**مانويل مايكل** · 16-04-2014 05:33 PM

المشاركة الأصلية كتبت بواسطة iso man

متشكر جدا على الردود ... انا الحمد لله حاسس ان مفيش مشكله بالنسبالي في السواقه وحاسس ان الموضوع بسيط وهاخد بالي في اول كام شهر وهسوق بالراحه بس كنت حابب اطمن اكتر على موضوع الاوتو والمانوال
انا حجزت اللوجان المانوال 2014 هاي لاين فهل دي كويسه ولا ادفع الفرق ال 15 الف علشان الصني الاوتوماتيك
هل تستاهل يعني علشان الاوتوماتيك ولا دي كويسه وخلاص ؟

أبعد عن الصنى الجديدة . وصعب نقول ان الشكوى فردية . لأن الأغلبية بتشكى منها.
الاوتو أفضل من المانيوال . (نظرا للزحمة)
الصنى الجديدة مش أفضل من اللوجان .
وربنا يوفقك .

**Iso Man** · 16-04-2014 06:05 PM

تمام جدا
اذن نخلينا في اللوجان هاي لاين ومش لازم صني
بس هجيب اوتو منين للاسف مفيش منها غير مانوال والاوتو بيقولوا مش هتنزل غير على اخر السنة مش عارف ليه
فمش لاقي حاجه في امكانيات اللوجان بس اوتو .. فهل في حاجه كويسه كده اوتو ولا استمر على نفس الحجز على نفس السياره عند الطارق وخلاص ؟

**mhkorayem** · 16-04-2014 07:21 PM

شوف يا باشا طبعاً لو تقدر تجيب اوتوماتيك يبقى افضل كتير
بس ده مش معناه ان انت تجيب عربيه عليها كلام كتير عن مشاكل وفي ناس كتير من ملاكها بيشتكوا منها
فلو انت عاوز اوبشنز وشكل جديد في حدود السعر ده يبقى هات اللوجان مانيوال (مش مشكله المانيوال)
لو مش فارق معاك الشكل والوبشنز اوي وعايز عربيه محترمه وقويه واتوماتيك يبقى شوف الصني الشكل القديم
الصني الشكل الجديد مش وحشه بس لازم وانت بتجيبها تبقى عامل حسابك ان في احتمال مش قليل ان يبقى فيها مشاكل