الموضوع: مقبل علي شراء سياره جديده

و الله انا كنت دايخ زيك كده و كنت محتار بين النيسان صني و البيجو بس بعد بحث و تدقيق و نصايح من الناس هنا انا حجزت البيجو 301 و هي حلوه و حسيت ان الخامات بتاعتها من جوه اجود من النيسان رغم اني شايف ان النيسان حلوه و شكلها مش وحش و كنت حجيبها بس اللي خوفني كلام الناس عن الثبات و الصاج الضعيف و موضوع الفرامل و الكلام ده...

يا باشا حمد الله على السلامة رجوعك لمصر
البيجو بدون تفكير وده مش علشان انا حاجزها . انا كنت حاجز قبلها النيسان سوبر صالون البيجو افضل بكل المقاييس فرق السما والأرض مينفعش تتقارن بيها من الأساس شكل ومضمون وخامات داخلية وصاج خارجى وقطع غيار . ولو بتفكر تجيب البيجو وامكانياتك تسمح جيب الهاى لاين مش هتندم ولا هتحتاج تجيب حاجة بعد كدة كل اللى بتتمناه هيكون موجود فيها بإذن الله ولو الأمكانيات متسمحش جيب المانيوال انا فى راى الشخصى انهم افضل فئتين فى العربية دى المانيوال والهاي لاين وربنا يوفقك للأصلح

ما انا بقول لحضرتك "انا خريج 128" فكانت مرضيه بالنسبة لي، يمكن لناس تانيه ساقت عربيات اعلي تكون وحشه
بس بصراحه انا شفتها في معرض... أفخم من نيسان جوه وبره كانت معايا بقي وحافظ تفاصيلها
المهم ما هو بعد لاني مش من هواه التغيير، كانت ظروف فقط

آمين، ويوفقنا جميعا
ويصلح حال البلد

المشاركة الأصلية كتبت بواسطة limo81

ما انا بقول لحضرتك "انا خريج 128" فكانت مرضيه بالنسبة لي، يمكن لناس تانيه ساقت عربيات اعلي تكون وحشه
بس بصراحه انا شفتها في معرض... أفخم من نيسان جوه وبره كانت معايا بقي وحافظ تفاصيلها
المهم ما هو بعد لاني مش من هواه التغيير، كانت ظروف فقط

وانا والله العظيم كان معايا 128 ولسة بايعها اول الشهر كانت زيرو كنت جايبها من سنة 1992 جراند لوكس وجبت عليها بيجو 405 وبعتها وفضل معايا 128 ومع ذلك قررت احجز بيجو 301 هاي لاين بعد ما شوفتها ودخلتها فى مقارنة مع النيسان اللى كنت حاجزها بالعافية وبحمد الله انى مستلمتش النيسان كان زمانى بعيط على الفلوس اللى دفعتها فيها