تركيب كاست بريليانس v5 وكاميرا خلفية

**ahmednabeel** · 20-04-2014 10:53 PM

بسم الله الرحمن الرحيم

اعضاء المنتدى الكرام تحية طيبة مني لكم جميعا واتمنى ان تكونوا بخير جميعا

وكل سنه والجميع بخير وشم نسيم جكيل علينا جميعا

ندخل في الموضوع

الموضوع أ لما كنت بدور اون لاين على كاست للعربيه وكمت رايح التوكيل عشان اعمل صيانه الالعشرين الف

لاقيتهم حاطين بوستر كبير للكاست وانه متوفر ،،فرحت جدا لاني كنت خلاص قبلها بيوم هعمل الاوردر وهو

بيني وبينكم لما عرفت سعره لاقيت انه نفس السعر لو جبته من بره بعد 40% ضرائب على اكسسوارات

العربيه بس الفكره في الانتظار وده من اصعب الحاجات عندي الانتظار وكان هيأخد من اسبوعين لشهر

المهم

بكام الكاست يا باشا ...؟

ب 5000 جنية من غير الكاميرا ،، وبالكاميرا 5500 جنية وبتحجز وتيجي تركب بعدها بيومين تلاته

ليه حاضرتك هو مش جاهز دالوقتي ...؟

لا بنبعت نجيبه وتيجي تركب

طيب شكرا لحضرتك

العفو

مشيت من التوكيل وتاني يوم نزلت على شارع دمشق وسئلت هناك عند السجان

قالي يومين وهيجي الكاست ،،قالت له ماشي هكلمك ،،تاني يوم لاقيته بيكلمني

بيقولي الكاست موجود عند واحد جمبي طيب بكام قالي 5400 جنية قالت له ما اركبه من التوكيل

قالي تعالي بس ونتفق ،،،المهم رحت له واخدني وداني لمصطفى بانلسونك على اسم محله

المهم بعد مناقشات اخدته منه وركبت مخادع ورى عرض وتشغيل

الاسعار

الكاست بالشاشة بالكاميرا بالتركيب 5000 جنية وشاشات المخادع 1000 جنية الاجمالي 6000 جنية

نيجي للصور بقى

مركز تحميل الصور

مركز تحميل الصور

دي صورة الدي بي اس اول ما يشتغل بيظهرة علامة العربيه بشكل رائع ومميز

مركز تحميل الصور

الخرائط شغاله وعليها خرائط مصر احدث خرائط igo premo 2013

مركز تحميل الصور

مركز تحميل الصور

ده الكاست بعد التغيير وفيه تغيير في بعض الازرار طبعا

زي الرد على التلفون والنافيجيشن وغيره

مركز تحميل الصور

الكاميرا الخلفية

مركز تحميل الصور

توضيح مكان تركيب الكاميرا الشكل ممتاز وبروفيشينال واوريجينال جدا

مركز تحميل الصور

مركز تحميل الصور

المخادع الخلفية

مركز تحميل الصور

اشكركم على وقتكم واسف للاطالة بس الصور بناء على رغبة الاعضاء الكرام اللي اتشرفت بيهم وبمعرفنهم في هذا القسم الاكثر من رائع بناسه واعضائه

واتشرف اني انتمي لكم

واي استفسار انا اخوكم
احمد نبيل

**bikaso** · 20-04-2014 11:05 PM

مساء الخيرات
احمد بيك
بسم الله ما شاء الله
كده الدلع متكامل
هاي لاين بجد
عقبال الموتور ال 2000سي سي
اتدلع يا كبر

**Mohsen ahmedKi** · 25-04-2014 11:52 PM

الف شكر على الموضوع الجميل و جزاك الله خيرا و عموما انا اتصلت بمصطفى و انا أساسا من اسكندرية و أخدت ميعاد و حركبه الأسبوع الجاى ان شاء الله انا و واحد صاحبى كمان و فعلا مصطفى راجل محترم جدا و قالى يكفى ان حضرتك جاى من طرف أستاذ احمد و الف شكر مرة تانية

**مدحت البلبيسى** · 26-04-2014 12:01 PM

مبروك يااحمد بية وروعة وياريت انا محتاج اكلمك اسالك على حاجة ياريت لو تبعتلى رقمك ودة رقمى01000989814وشكرا لحضرتك

**J A G U A R** · 27-04-2014 02:35 AM

موضوع جميل
تسلم ايدك

**Father Fam** · 27-04-2014 01:35 PM

الف مبروك

لكن اخبار الفيديو ايه؟

بيدعم اي صيغ ملفات الفيديو؟

وهل نستخدم نفس مكان الفلاشة في المخدع ام بطرأ تغيير؟

بصراحة رائع واكبر ميزة انه بيركب اصلي كل حاجة في مكانها دون تعديل

شكرا لتعبك

**ahmednabeel** · 05-05-2014 02:13 PM

المشاركة الأصلية كتبت بواسطة mohsen ahmedki

الف شكر على الموضوع الجميل و جزاك الله خيرا و عموما انا اتصلت بمصطفى و انا أساسا من اسكندرية و أخدت ميعاد و حركبه الأسبوع الجاى ان شاء الله انا و واحد صاحبى كمان و فعلا مصطفى راجل محترم جدا و قالى يكفى ان حضرتك جاى من طرف أستاذ احمد و الف شكر مرة تانية

[ألف مبروك مقدما وياريت لو حاضرتك ركبته تقولنا رأيك ايه ...وفعلا الاستاذ مصطفى راجل محترم فوق الوصف

المشاركة الأصلية كتبت بواسطة مدحت البلبيسى

مبروك يااحمد بية وروعة وياريت انا محتاج اكلمك اسالك على حاجة ياريت لو تبعتلى رقمك ودة رقمى01000989814وشكرا لحضرتك

ياباشا انا تحت امرك وهبعتلك رقمي حاضر

المشاركة الأصلية كتبت بواسطة j a g u a r

موضوع جميل
تسلم ايدك

تسلم لمرورك الجميل

المشاركة الأصلية كتبت بواسطة father fam

اشكرك مستر احمد لتعبك واهتمامك

بناءا على تقريرك انا رايح اعمل زيك بالظبط

شكرا مرة اخرى

المهم تبلغنا اخباره ايه بعد التركيب واحساسك اختلف بالعربيه والصالون قد ايه ؟

المشاركة الأصلية كتبت بواسطة father fam

الف مبروك

لكن اخبار الفيديو ايه؟

[color="rgb(46, 139, 87)"]الفيديو بيشتغل زي الفل بس عن طريق وصله داخليه من الكاست لدرج التابلوه [/color]

بيدعم اي صيغ ملفات الفيديو؟

avi

وهل نستخدم نفس مكان الفلاشة في المخدع ام بطرأ تغيير؟

[color="rgb(46, 139, 87)"]في البداية كنت موصل الكاست على وصله اليو اس بي في المخدع الجانبي ولكن كان الفيديو بيقطع ويعلق

واستاذ مصطفى قالي نعمل الوصله من الكاست للتابلوه وبعدها معلقش تاني الفيديو

وبيني وبينك مكان اليو اس بي في المخدع مزعج جدا عشان تغيير فلاشه للتانيه تفضل تحسس ولو سايق بقى مقولكش توهان عشان تعرف توصله فا انا شايف انه في التابلوه فكره ممتازة ومكان واسع وسلك طويل مش باين اصلا قدامك [/color]

بصراحة رائع واكبر ميزة انه بيركب اصلي كل حاجة في مكانها دون تعديل

[color="rgb(46, 139, 87)"]وده كان سبب رفضي تركيب الشاشه بتاعت المرايا او الشماسة او على التابلوه والفرق بين دول والشاشه دي حوالي 4500 جنيه فأكيد المبلغ ده كله عشان شئ يستحق والمظهر العام اهم شئ [/color]

شكرا لتعبك

[color="rgb(46, 139, 87)"]لا شكر على واجب كلنا اخوات وبنفيد ونستفيد من بعضنا هنا وده سبب وجود المنتدى العظيم والعريق ده [/color]

**Father Fam** · 10-05-2014 01:00 AM

فعلا استاذ احمد عندك حق

انا ركبت الكاسيت عند مصطفى والفني كان عبدالله

منتهى الذوق والدقة

عندك حق احساس تاني خالص
العربية كأنها عربية تانية والاطفال طايرة بشاشات الخلفية
وال GPS رائع استخدمته من القاهرة لبورسعيد زي الفل والخريطة حديثة

على فكرة الفيديو شغل mp4 الى جانب avi

الكاميرا رائعة في اقل اضاءة الصورة واضحة جدا

لكن سؤالي

في بداية تشغيل الكاسيت مش بيجيب لوجو برليانس هل فيه اعدادات معينه عشان يبدأ بيه؟

وشكرا لنصيحتك مع انها كلفتني كتير :) لكن بصراحة مش خسارة

**ahmednabeel** · 13-05-2014 12:52 PM

المشاركة الأصلية كتبت بواسطة father fam

فعلا استاذ احمد عندك حق

انا ركبت الكاسيت عند مصطفى والفني كان عبدالله

منتهى الذوق والدقة

عندك حق احساس تاني خالص
العربية كأنها عربية تانية والاطفال طايرة بشاشات الخلفية
وال gps رائع استخدمته من القاهرة لبورسعيد زي الفل والخريطة حديثة

على فكرة الفيديو شغل mp4 الى جانب avi

الكاميرا رائعة في اقل اضاءة الصورة واضحة جدا

لكن سؤالي

في بداية تشغيل الكاسيت مش بيجيب لوجو برليانس هل فيه اعدادات معينه عشان يبدأ بيه؟

وشكرا لنصيحتك مع انها كلفتني كتير :) لكن بصراحة مش خسارة

الف الف الف مبرررروك عليك وعلى الولاد

بخصوص اللوجو عند بدء التشغيل مش بتظهر اللوجو

اللوجو ده موجود لما بتشغل الجي بي اس بس

ومره تانيه انا تحت امركم كلكم في اي استفسار

وعايزين صور بقى كام صورة كده

وركبت الشاشت ورى العرض فقط وله العرض والتشغيل

وياترى عمل معاك واجب في السعر ؟؟

الموضوع: تركيب كاست بريليانس v5 وكاميرا خلفية

LinkBack

أدوات الموضوع

عرض

تركيب كاست بريليانس v5 وكاميرا خلفية - انشر الموضوع فى :

مبروك -

-

-

-

المواضيع المتشابهه

معايا ماروتي جديدة ... عاوز لها كاسيت وسماعات وكاميرا خلفية للركن بشاشتها

تقرير مصور تركيب بارك سنسور وكاميرا خلفية للفلوانس 2014

تركيب كاسيت اندرويد دي في دي وكاميرا خلفية ريو 2013

سينسور بارك وكاميرا خلفية

تركيب دى فى دى وباركنج سنسورز وكاميرا خلفية لبى واى دى

الكلمات الدلالية لهذا الموضوع

المفضلات

المفضلات

ضوابط المشاركة