الموضوع: تفتكر الكورولا بتمسك سعر

على فكره موضوع الجمارك اللي كل سنه تقل على الاوربي فقط هتخلي كل الياباني و الكوري خارج المنافسه
تعالوا نحسبها من ١٥ سنه الكورولا الكامله كانت عامله ٦٤ الف جنيه و الباسات كانت ب ١٤٥ الف جنيه يعني ٢٢٥ في الميه من سعرها
النسبه دي نزلت ل١٥٠ في الميه و اعتقد هتقل كمان عن كده بحيث ان فرق السعر هيبقى مش كبير لدرجة انك تركب الماني محترم بيزلاين بسعر قريب من الياباني الهايلاين

المشاركة الأصلية كتبت بواسطة mohamed.hany

انا رأي هتمسك سعر ، لان السوق متغيرش و المستهلك فكره متغيرش و مش هيتغير.
وده ظاهر في كمية المبيعات الرهيبة و الاقبال الغير مسبوق علي العربية اللي مخلي الحجز ٤ شهور و الاوفر برايس ١٥ و ٢٠ الف.
اما بخصوص ارتفاع الاسعار فهو علي الكل مش الكورولا فقط فالزيادة علي الكل و لاحظ الدولار كان من شهرين في السوق السودا ب ٧.٣٠ و النهاردة ب ٧.٤٥ متخيل الفرق يعني لو حسبتها بالورقة و القلم سعر العربيات هيغلي علي الاقل ٢ ٪
انا بقول لحضرتك الكورولا بالذات لما بتشتريها مبتخسرش و بالعكس بتكسب.
و اقرب مثال كورولتي ٢٠١١ جبتها يوم منزلت ب ١٥٠ الف و بعتها بعد ٣ سنين ب ١٦٥ الف يعني كسبت فيها ١٥ الف و علي فكرة بتتباع دلوقتي ب ١٧٥.

انا عارف ان الموديلات القديمة ماسكة سعر بس الكورولا للطبقة الوسطى ..يعني الاسعار بتزيد والفلوس ما بتزدش بعكس اصحاب المشاريع وبالتالي سوق الكورولا هينحصر بين شريحه تقولك انا اركب اوروبي احسن وبالتالي صعب تيوتا تغامر وتزود السعر عن كده يعني بالميت اخرهم 10 تلاف وده مش فمصلحه الموديل القبله بعكس موديل 2013 اللسعر شطح بعده وبقى بيكسب مرتاح ... المستهبك فكره متغيرش بس الفلوس البتحكم فالاول والاخر ...
وانا شايف انك طالما جايب العربية وهدفك اعاده بيع يبقى لازم تدرس السوق الاول