الموضوع: تغيير ماستر فرامل + مشكله فى علو صوت العربية

المشاركة الأصلية كتبت بواسطة mr.mhdy

يا جماعة الخير
اخوكم فى الله عنده استفسار
النهاردة انا جبت ماستر عمومى لعربيتى اللانوس
بصراحه كده جبت واحد المانى ب 300 جنيه مجبتش الاصلى لانى كنت عاوز اغير كاوتش العربيه
الميكانيكى ركب و بعد ما زودنا الخزنة لقينا الزيت بينقص
4 علب موبيل dot4 والله اترموا ف الارض و بعدها شال الماستر قالى الماستر بيسرب للسيرفو وده بايظ روح رجعه
رجعته و خوفت جدا قولت ف داهية الفلوس اهم حاجه حياه ولادى

جبت الاصلى بتاع النوبيرا بالبلوف والخزان بتاعه و ركبت و خدت هواء من الماستر العمومى و الميكانيكى قالى جرب جربت لقيت الفرامل اتحسنت كتيييير اوى والحمد لله

ايه الفرق تحديدا بين ماستر النوبيرا واللانوس ؟؟

انا ركبت النوبيرا ببلوفه وخزانه هل ده كان يستدعى تغيير خراطيم ؟؟ على الرغم من ان خراطيم الفرامل عندى لسه مغيرها من شهرين ؟؟

قاقى من حاجتين محتاج مساعدتكم فيها :-

1 - فى زيت لسه بييجى من تحت الماستر من السيرفة والميكانيكى قاللى ان ده من الزيت اللى كان ف السيرفو و هيمنع ومتقلقش طالما الخزنة مش بتنقص ...... الكلام ده صح ؟؟

2 - اول ما دورت العربية بعد ما ركبت الماستر صوت الماتور كان عاااالى اوى و ال ار بى ام كان بيبقى 2 و 2.5 على السلانسيه ف الميكانيكى وطى العربية لحد الار بى ام ما بقى 0.9 وده المظبوط المشكلة بقى ايه سبب علو العربية ... ودلوقتى اول ما بشيل رجلى من على الدبرياج بحتاج دوسه بنزين علشان اتحرك على الرغم من انى الاول مكانش ده بيحصل معايا كنت اول ما بشيل رجلى العربية بتتحرك عادى

ف اعمل ايه فى الموضوع ده اعلى العربية تانى و لا امشى كده ولا كان فى سبب هو اللى مخلى العربية عليت .. ولو كده ايه السبب ؟؟

معلش طولت عليكم واتمنى استفيد من خبراتكم بالله عليكم علشان انا متعكنن جدا يعنى بنصرف فلوس على العربياات كتير علشان نلاقى نتيجه و للاسف .....

بالنسبه للحاجات دى واحده واحده من وجهت نظرى
1 _ ده بيعتمد على ان الزيت الى بيجى ده كتير ولا نقط بسيطه واكشف على الزيت يوميا شوفه بينقص ولا لا

2 _ المفروض ظبط البنزين ف الاوتوماتيك غير المانيوال لان مع نقلك من n ل d المفروض البنزين بيعلى او بيوطى حاجه زى كده تقريبا كل الى هتحتاجه تروح لميكانيكى يظبطلك البنزين ده لو مضايقك يعنى

وان شاء الله حد من خبراء الدايو يفيدك

المشاركة الأصلية كتبت بواسطة moumen_shafik

بالنسبه للحاجات دى واحده واحده من وجهت نظرى
1 _ ده بيعتمد على ان الزيت الى بيجى ده كتير ولا نقط بسيطه واكشف على الزيت يوميا شوفه بينقص ولا لا

2 _ المفروض ظبط البنزين ف الاوتوماتيك غير المانيوال لان مع نقلك من n ل d المفروض البنزين بيعلى او بيوطى حاجه زى كده تقريبا كل الى هتحتاجه تروح لميكانيكى يظبطلك البنزين ده لو مضايقك يعنى

وان شاء الله حد من خبراء الدايو يفيدك

الف شكر ياباشا على الاهتمام بس الزيت اللى بييجى بييجى من المنطقة بين السيرفو و الماستر و الميكانيكى بيقولى انه بسبب الزيت اللى نزل ف السيرفو و هيروح

وانشاء الله هراقب الخزنه يوميا و اشوف لو فى نقص

المشاركة الأصلية كتبت بواسطة JAM

الفرق بين ماستر النوبيرا وماستر الانوس هو ان ماستر النوبيرا ٢٢مم فيما إن الانوس ٢٠ مم.. فا دا بيحسن مشوار الدواسة بتاعة الافرامل مما يدعم الاحساس بتحسن الفرامل... وبننصح كل اللى راكب لانوس إنه فى حالة تغيير ماستر الفرامل العمومى ... إنه يجيب بتاع النوبيرا ويكون الأصلى.
الحاجة المهمة بقة تقولى إزاى الميكانيكى وطى العربية..؟؟... لإنى شامم ريحة غباوة وخايف إنك تقولى وطى العربية عن طريق المسمار اللى على المانفولد

الف شكر على المشاركة

فعلا فى ريحه غباوه فى الموضوع وهو وطى العربية من المسمار اللى على المنافولد ومن ساعتها و انا حاسس ان عزم العربية قليل .

لازم ادوس سنه بنزين محترمة علشان اتحرك ده غير انى و انا راجع على السلانسية بحس ان العربية بتتبرجل كانها هتبطل

ولو علاها الصوت و الار بى ام بيعلو ... مش عارف ايه الحل واعمل ايه ؟؟

تفتكر اوريها لكهربائى احسن ولا أرجعله تانى ؟

بس الصراحه فرق شاسع بين السحب قبل الماستر الجديد وبعده .. ياباشا انا كنت حاسس بالماستر القديم ان فى حد دايس فرامل وانا سايق والعربية كانت بتعانى وهى طالعه اى كوبرى