صور مقابلة قسم تويوتا بالتجمع الخامس 1/5/2014

**Mohamed.Hany** · 02-05-2014 03:56 AM

بسم الله الرحمن الرحيم

زملائي الاعزاء بمنتدي نايل موتورز ,,,

سعدت جدا بلقاء ناس في غاية الاحترام و الرقي النهاردة امام توكيل تويوتا بالتجمع الخامس , اي نعم في ناس واخد علي خاطري منهم و مجوش وكان نفسي اشوفهم جدا لكن اتعوضت بشخصيات محترمة اتعرفت عليهم النهاردة من قسم تويوتا و قسم رينو .

وهم من اليمين للشمال :

1. الاستاذ يوسف كامل
2. الاستاذ جورج يوسف
3.الاستاذ باسم نجيب
4. الاستاذ احمد عامر (رينو)
5. الدكتور مصطفي مجدي (رينو)
6. الاستاذ محمد حامد (رينو)
7. الاستاذ خالد الفولي (رينو)
8. الاستاذ وائل
9. الاستاذ احمد رمضان
10. البشمهندس محمود

في المقابلة تم تجربة العربية المعدلة و مقارنتها مع الغير معدلة و بكرة ان شاء الله نعمل تقرير بحيث الكل يستفيد .

و كمان تم تجربة عربية الاستاذ خالد الفولي الرينو فلوانس , و صمم الاستاذ باسم نجيب اني اتصور و انا بجرب العربية و بوثق الخيانة لعربيتي الكورولا و قسمي العزيز تويوتا و اني انزل الصور كمان علي المنتدي وانا مقدرش اكسر له كلمة ههههههه

كل الشكر و التقدير لكل الناس للي حضرو بما فيهم رجالة الرينو و خصوصا الاستاذ خالد الفولي المحترم اللي ادالي شرف تجربة عربيته الفلوانس .
ان شاء الله اشوفكم علي خير تاني و المرة القادمة هنلغي كايرو فيستيفال سيتي من الاستطلاع عشان حبايبنا اللي ساكنين في اكتوبر .

**nazar muharram** · 02-05-2014 04:15 AM

خيااااااااااانه ههههههههههههههههههههههههه هههه

المره الى جيه باذن الله لو موجود مش مسافر هكون اول واحد فى المكان الى هتحددوه ان شاء الله

**bassem.naguib** · 02-05-2014 04:17 AM

دائماً مجمعنا في الخير يا هندسة .. كان يوم جميل والله .. وقعدة الناس كلها متتعوضش .. وإن شاء الله تتكرر تاني وتالت ومليون

**Yousef.Kamel** · 02-05-2014 10:25 AM

شرفت وسعدت باللقاء مع الشخصيات المحترمه وكنت اود لقاء المزيد منهم كانت جلسه مفيده وجميله اتمنى من الله ان يديم هذه المحبه لدوام التقدم والمعرفه التمسنا ظروف الناس هذه المره على امل اللقاء المره القادمه (مش نفس المكان البعيد ههههه)

**abofandy** · 02-05-2014 12:16 PM

ماشاء الله
صور جميلة والاجمل تجمع الناس على الحب والود والمعرفه
ان شاء الله نتجمع على خير المرات القادمه باذن الله واكون معاكوا بامر المولى ان شاء الله
بس تخلوا المقابلة يوم الجمعة بقى علشان اقدر اكون معاكوا علشان مينفعش كدة
والجمعة اكيد الناس كلها بتبقى فاضية فيها فيكون عدد الناس كتير ودائرة المعرفة تزيد وتبادل الخبرات يزيد اكتر ... اتمنى الزياره الجاية تبقى فى القريب العاجل وتكون يوم جمعه كدة علشان تبقى راحه الناس كلها من الشغل وكل الناس تقدر تيجى

كل الشكر والتقدير لكل من ساهم فى انجاح المقابله
1 - محمد باشا هانى : منسق القسم الجميل ربنا يعينك ياريسنا وان شاء الله المقابله الجاية يبقى فيها عدد اكبر
2 - باسم باشا نجيب : اخويا الكبير طبعا منور المقابلات دايما وان شاء الله نبقى مع بعض الزياره الجاية بس تشوفلى عروسه بقى هههه
3 - وائل باشا : اهنيك على تجربه السيارة المعدله وكل القسم شاكر ليك نقل التجربه يا صديقى
4 - بشمهندس محمود : طبعا كل الشكر لحضرتك على انك سمحت لينا ولكل القسم التجربة بالجميلة كورولتك على معرفة الفروق بين المعدله والغير معدله
5 - اجمل تحيه لاجمل ناس فى قسم رينو الى شرفوا ونورا المقابله وكذلك التحيه للاستاذ جورج والاستاذ يوسف

**bassem.naguib** · 02-05-2014 12:23 PM

المشاركة الأصلية كتبت بواسطة abofandy

ماشاء الله
صور جميلة والاجمل تجمع الناس على الحب والود والمعرفه
ان شاء الله نتجمع على خير المرات القادمه باذن الله واكون معاكوا بامر المولى ان شاء الله
بس تخلوا المقابلة يوم الجمعة بقى علشان اقدر اكون معاكوا علشان مينفعش كدة
والجمعة اكيد الناس كلها بتبقى فاضية فيها فيكون عدد الناس كتير ودائرة المعرفة تزيد وتبادل الخبرات يزيد اكتر ... اتمنى الزياره الجاية تبقى فى القريب العاجل وتكون يوم جمعه كدة علشان تبقى راحه الناس كلها من الشغل وكل الناس تقدر تيجى

كل الشكر والتقدير لكل من ساهم فى انجاح المقابله
1 - محمد باشا هانى : منسق القسم الجميل ربنا يعينك ياريسنا وان شاء الله المقابله الجاية يبقى فيها عدد اكبر
2 - باسم باشا نجيب : اخويا الكبير طبعا منور المقابلات دايما وان شاء الله نبقى مع بعض الزياره الجاية بس تشوفلى عروسه بقى هههه
3 - وائل باشا : اهنيك على تجربه السيارة المعدله وكل القسم شاكر ليك نقل التجربه يا صديقى
4 - بشمهندس محمود : طبعا كل الشكر لحضرتك على انك سمحت لينا ولكل القسم التجربة بالجميلة كورولتك على معرفة الفروق بين المعدله والغير معدله
5 - اجمل تحيه لاجمل ناس فى قسم رينو الى شرفوا ونورا المقابله وكذلك التحيه للاستاذ جورج والاستاذ يوسف

يا ريت متعملوش مشاركات أنت ويوسف علشان قلبي يهدى من ناحيتكم وأنسى شوية .. علشان كل ما أشوف مشاركات ليكم بتغل منكم .. ههههههههههه

كنا مفتقدينكم ود. أحمد خليفة

**abofandy** · 02-05-2014 12:38 PM

يا ريت متعملوش مشاركات أنت ويوسف علشان قلبي يهدى من ناحيتكم وأنسى شوية .. علشان كل ما أشوف مشاركات ليكم بتغل منكم ..

متقولش كدة ياعم باسم .. دة انت حبيبى من ايام الجيزة
وبعدين العرق الصعيدى هيطلع وانت عارف بقى ...
حبيبى يا باسم والله .. ربنا يديم المحبه والود بس خلوها المره الجاية الجمعة بقى ان شاء الله وهتلاقونى معاكوا

-

الموضوع: صور مقابلة قسم تويوتا بالتجمع الخامس 1/5/2014

LinkBack

أدوات الموضوع

عرض

صور مقابلة قسم تويوتا بالتجمع الخامس 1/5/2014 - انشر الموضوع فى :

-

-

-

-

-

-

المواضيع المتشابهه

صور مقابلة قسم تويوتا الخميس 2014/2/27 بتوكيل تويوتا التجمع الخامس

ميعاد و تفاصيل مقابلة تويوتا الاولي في 2014

شقة بالتجمع الخامس

مقابلة صقور نيسان السادسة يوم الجمعة 16/9 بالتجمع الخامس

الكلمات الدلالية لهذا الموضوع

المفضلات

المفضلات

ضوابط المشاركة