الموضوع: ميعاد و تفاصيل مقابلة تويوتا الاولي في 2014

بسم الله الرحمن الرحيم

زملائي الاعزاء , يسعدني اني اقولكم ان ميعاد المقابلة ان شاء الله هيكون يوم الجمعة 28/2/2014 بعد صلاة الجمعة مباشرة , وذلك :
لأن اي يوم وسط الاسبوع بما فيهم الخميس مش هيكون مناسب عشان مواعيد الشغل و زمايلنا الكرام اللي هيجولنا من خارج القاهرة, و الجمعة بعد صلاة الجمعة عشان نتقابل بدرى في النور و قبل اي قلق او مشاكل ممكن تحصل يوم الجمعة و عشان دي فرصة للاخوة الكرام يروحو في النور بسلام.

بالنسبة للمكان فهو فيه اقتراحيين :

1. التجمع الخامس امام توكيل تويوتا وكارفور كايرو فيستيفال سيتي.
2.الشيخ زايد عند مول العرب.

المكانين ممتازين و ليهم باركنج واسع و ليهم مداخل سريعة.

انا عن نفسي افضل التجمع الخامس لكذا سبب :
1.بعيد عن قلق المحور اليومين دول.
2. بعيد عن وصلة المريوطية اللي كل يوم جمعة بيحصل عليها قلق.
3.بعيد عن شارع الهرم اللي فيه قلق برضو.
4.اقرب للاخوة اللي جايين من خارج القاهرة.

علي العموم اللي ان شاء الله هيشرفنا يعمل هنا مشاركة :
بالاسم بتاعه و يقول هو بيفضل انهي مكان و يبعتلي لو تكرم رقم موبايله علي الخاص لو مش عاوز يبعته هنا لسهولة التواصل ان شاء الله.

في انتظار المشاركات بتاعتكم و بكرر الدعوة عامة لكل الناس .
المكان اللي هيجتمع عليه الناس هو اللي هنروحه ان شاء الله.