الموضوع: إستفسار تاني عن باسات 2008

المشاركة الأصلية كتبت بواسطة hitmangate

بص يا سيدي بالنسبه للبنزين 92 بيخاليها تسقف شويه بس التسقيف ده يجيب على عمر الموتور على المدى البعيد انا كنت رديت عليك قبل كده في الموضوع اللي حضرتك عملته قبل كده وقولتلك بيشتغل عادي لانها مع 2 صحابي بس في واحده عند والدي في الشغل 2007 جابت موتور وكانت عامله 300000 كم تقريباً المكنه رزعت ولما انفتحت لاقو بستم متفتفت جوه فطبعا اتغيرلها موتور وعلشان حكومه جابوه عن طريق التوكيل بس سبب اللي حصل ده ايه الله اعلم والعربيه طبعا كان بيتغيرلها الزيت دوريا ومنتظمه في الصيانه بس السبب ايه مش عارفين البنزين ولا ايه لانها كانت شغاله 92 فلما لاقيت حضرتك كتبت تاني فقولت لازم احكي الموضوع للإفادة ولأن برضه محدش تقريبا شفته عامل الكيلومترات الكتير دى فى عربيه زي دي وربنا يوفقك

شكراً يا باشا على الرد

و الله لو الموتور مشاكله بتبتدي على 300 ألف فده حاجة كويسة :)

بس هى عامة العربيات اللى عليها سواقين عادة بتكون متبهدلة

كان عندنا فى الشغل عربية 525 بتاعة رئيس مجلس الإدارة و أتباعت لواحد معانا فى الشغل لما حبوا يغيروها.

أخدها ماشية أقل من 200 ألف كيلو.....تقريباً 150 أو 170 ألف

بعد أقل من سنة غير الفتيس علشان كان فيه مشاكل و مش بيعمل كيك داون

المشاركة الأصلية كتبت بواسطة myself112

ممن اعرف معروضة على خضرتك بكام , او الحالات الكويسة بتعمل كام ؟ لانى بدور الايام دى على باسات و رنج السعر كبير يعنى بشوف عربيات من اول ال 120 لغاية ال170
و لو ربنا ييسر و لقيت حاجة كويسة اكشف عليها فين علشان اطمن من حالتها , و الكشف ده بيكلف فى حدود كام تقريبا ؟

بص يا باشا............أنا فى نفس حيرتك بالظبط

أنا أول ما أتعرضت عليا قالولي 140 ألف......و الموضوع نام بتاع شهر

لما جيت أتكلم فى الموضوع تاني الكلام أتغير و قالولي أصل فيه واحد سعرها و قالنا 165 ألف.

طبعاً 165 ألف كتير جداً عليها.....خصوصاً أن فيه فئة نازلة من الباسات الجديدة أسمها trendline تقريباً ب 239 ألف.....يعني فرق 75 ألف في مقابل عربية موديل أحدث ب 6 سنين
و موتور 1400 تربو و فتيس dsg ضمان مدى الحياة و شكل أجدد.

المشاركة الأصلية كتبت بواسطة Mohamedjetta

حضرتك جيب جيتا 2008 وحطلها 92 ومش هيأثر

و الله يا باشا أنا بحب الجيتا أكتر من الباسات.....بس اللي شاددني في العربية دي هو الكيلو متر القليل.

السؤال اللى بيطرح نفسه حالياً..........هو أيه الفرق بين موتور الجيتا و موتور الباسات اللى يخلي ده شغال 92 و ده شغال 95 ؟؟