إستفسار تاني عن باسات 2008
السلام عليكم
كنت من فترة سألت عن الباسات 2008 علشان معروض عليا واحدة ماشية 30 ألف كيلو.
الموضوع كان نام و أفتكرت اللى قالي عليها بيفشر :)
بس أمبارح جربتها و سقتها شوية.......بصراحة العربية زي الفل و مفيهاش الهوا.
الأسئلة اللى فى بالي حالياً من ناحيتها هي :
1- هل لازم بنزين 95 ؟ أنا عارف أنه المفروض أيوه......بس مش هقدر أحط 95.....
واحد أعرفه كان معاه العربية موديل 2006 و قالي بتمشي عادي بس ممكن كل سنتين كده تحتاج طرمبة....و سعرها فى التوكيل 6 ل 7 ألاف جم.......طيب برة بكام ؟
2- لو حطيت 92 هل هيأثر على حاجة غير التسقيفة الخفيفة و الأداء ؟ هيأثر على عمر الموتور على المدى الطويل يعني ؟
3- أسعار قطع الغيار الإستهلاكية أيه ؟ تيل....طنابير مساعدين الخ.
و أي أراء تانية أحب أسمعها منكم.