الموضوع: تجربتى باختصار فى تنظيف فلتر طلمبة بنزين سيينا 1400 بالصور..

الاخوة الاعزاء بالمنتدى الغالى ازيكم
حبيت النهاردة اعرض تجربتى المختصرة فى تنظيف فلتر طلمبة بنزين السيينا 1400 و ارجو انها تفيدكم.

مقدمة
ماشى لحد دلوقتى 155000كلم تقريبا و الحمد لله محافظ على تغيير فلتر البنزين كل 10000 كلم .، بس طلعت فى دماغى انظف فلتر البنزين اللى فى طلمبه البنزين و كمان انظف الطلمبه بالمره.
و اخدت ميعاد يوم الجمعة من الميكانيكى اللى بتعامل معاه و هو الحقيقة متخصص سيينا و فيات عموما و من 9.30 صباحا بدانا بالتالى :

1 رفعت الكنبة الخلفيه علشان نفك الطلمبه بالشكل ده






2- نفك الاول بالمفك الصليبه المسامير اللى فى الجوان الحديد بالشكل ده






3- نفك الكلبسات بتاعه سوكتات الكهرباء بحرص شديد و العربيه لازم تكون بارده علشان الكلبسات متتكسرش.





4- نفصل خراطيم التغذية بحرص شديد كما هو واضح بالشكل ده









5- نفك الصواميل اللى ماسكة الطلمبة ببيبة 7 بالشكل ده





6- بكدة طلعت الطلمبة بالشكل ده و بالمناسبة طلعت بوش المانى

وشكل التنك ظهر كده




7- نفك الفلتر البلاستيك كما هو مبين بالشكل اللى جاى و نغسله بفرشاة سنان ناعمة و الحقيقة الصوره قبل التنظيف موش لاقيها انما ده شكله بعد التنظيف بالشكل كده






8- نخش بقى للاصعب .. موتور الطلمبه محطوط فى علبه - ( خزان بلاستيك ) و ده له سبب وجيه من وجهى نظرى الا و هو تخزين كميه بنزين علشان الموتور ( الطلمبة ) تكون محضرة باستمرار لو العربيه مبطله و طبعا بنفك و انا قلبى فى مصاريينى للاسباب التاليه
1/ البلاستيك ممكن يكون ناشف من مده التشغيل ( 2004 ) و ممكن الحروف تتكسر بسهوله.
2/ لو حاجه نطت كده و الا كده هتطر اشترى طلمبة كامله بالعوامة ب 750 جم تقريبا و اليكم الصور و هى بتشرح نفسها









ونكمل فى الجزء التانى