الموضوع: تنظيف فلتر طلمبة البنزين بالصور خطوة بخطوة

بسم الله الرحمن الرحيم

اولا / وقبل كل شىء يجب التنبية ان الموضوع يتطلب خبرة وصبر عشان ابقى اخليت مسئوليتى ان حد يبوظ عربيتة
ثانيا / الاطلاع على طريقة فك طلمبة البنزين من العربية ودى موجودة فى اهم الموضوعات ودة اللينك بتعها
http://www.nilemotors.net/Nile/102602-a.html
ثالثا / ندخل فى الموضوع
1 - تجهيز الادوات المطلوبة وهى
أ - مفك عادة سن رفيع
ب - طبق بلاستك كبير عشان الطلمبة لما بتتفك هتغرق الدنيا بنزين
ج - مكنسة كهربية يكون فيها طارد هواء او بللور
د - منظف كاربرتير او تنر انا عن نفسى استخدمت تنر كان عندى (عشان هنضف بيهم الفلترين)
2 - بعد فك الطلمبة من العربية ذى ما هو موجود فى اللنك اللى فوق كان دة شكلها



3 - طبعا دى طرمبة لانوس 1 فيها اتنين فلتر واحد خارجى والتانى داخلى راكب على الماتور داخل جسم الطلمبة
ودة شكل الفلتر الخا رجى



4 - الفلتر الخارجى ثابت على جسم الطرمبة من تحت بسنين تثبيت وطبعا وضحين فى الصورة (لازم تخلى باللك وانت بتفكهم عشان متكسرش حاجة) وبعد ماتفك الفلتر هتلاقى جوان اوعى يضيع منك ودى الصور





5 - نجى بقى على الجزء الصعب وهو فك جسم الطرمبة وهى عبارة عن ثلاث سنون للتثبيت ويجب مرعاة ترتيبهم فى الفك عشان يتفك الجسم بدون خسائر والصور هتوضح







6 - بعد فك الجسم هيبقى المنظر كدة



7 - خلى بالك لحسن تقطع سلك العوامة

8 - ودة شكل الاجزاء الداخلية للطلمبة



9 - الجزءالعلوى للطلمبة دى مكوناتة



10 - طبعا زى ما انتو شيفين ان فى شرخ بسيط جدا فى مكان تثبيت خرطوم البنزين وهيتم التعامل معاة
11 - نجى بقى للماتور هنفك فيشة الكهرباء بشويش ونفك خرطوم البنزين اللى راكب فى الماتور وبعدين نبتدى نسحب الماتور بشويش وبدون عنف خلى بالكم فى جوان حواليين الماتور هيعاكس شوية فى طلوع الماتور لاكن على مين .
ودة شكل الماتور لما طلع





12 - طبعا اثناء عملية الشد طلع الماتور من غير الفلتر كان الفلتر مزنوق داخل جسم الطلمبة وانا طلعتة بالمفك



13 - وكدة يبقى طلعنا الفلترين ودة شكلهم



14 - طبعا خدتهم وسبتهم فى طبق مليان تنر لمدة ساعة
15 - رجعت عشان اشوف موضوع الشرخ اللى موجود فى منطقة تثبيت خرطوم البنزين داخل الطلمبة وكان الحل انى رحت لمحل بويات وسألتة على ايبوكسى عشان الحم بية الشرخ وتم تنفيذ عملية اللحام ودى الصورة بعد اللحام



16 - ودة الايبوكسى للى ميعرفهوش



17 - واخيرا بعد الايبوكسى ما نشف رحت جبت الفلاتر من التنر كانو طبعا خلو التنر لون الاسفلت ونشفتهم بالمكنسة وركبتهم وقفلت الطلمبة بعد ما رجعت كل حاجة زى ما كانت
18 - رحت العربية ركبت الطلمبة ودورت العربية وكانت النتيجة الاولية ان صوت الزنة بتاع الطلمبة بقى اوطى من الاول كتير
طبعا كنت تعبت جدا وملحقتش اطلع بالعربية عشان اشوف اخبار سحب العربية اية .
طبعا الكلام دة فى لانوس 1 لاكن لانوس 2 فى فلتر واحد بس داخل الطلمبة بس هى نفس الخطوات
نصيحة اللى معندوش صبر ميعملش الموضوع دة