الملازم اول احمد محمد احمد حيدر

**eng.m7md.ali** · 14-05-2014 02:32 PM

على موقع اليوم السابع لقيت خبر استشهاد الملازم اول احمد محمد احمد حيدر

طبعاً اللي فاكر الموضوع بتاعي عن حادثة التثبيت هيفتكر ان المكان كان في شبين القناطر هو نفس مكان استشهاد الظابط وكمان نفس ظروف الحادثة بالظبط وارجح انها نفس العربية اللي اعترضت طريقي

http://www.nilemotors.net/Nile/411474-a.html

هو ده الظابط اللي قابلته ساعتها في مركز قليوب وانا بعمل المحضر وهو من ضمن اللي نصحوني اني استعوض ربنا ومعملش محضر عشان البهدلة

http://www.youm7.com/News.asp?NewsID...1#.U3NQaPmSyZA

ننشر صور الشهيد ملازم أول أحمد محمد أحمد حيدر، الضابط بقطاع الأمن المركزى، والذى استشهد حال سيره بسيارته الخاصة بطريق شبين قليوب، بالقرب من مزلقان كفر طحا دائرة مركز شرطة شبين القناطر، بعد أن اعترض طريقه عدد من الملثمين، وقاموا بإطلاق أعيرة نارية تجاهه فى محاولة لاستيقافه، إلا أنه تبادل معهم إطلاق الأعيرة النارية، وأسفر تبادل إطلاق النيران عن مصرع أحد الجناة، واستشهاد الضابط متأثراً بإصابته بطلق نارى.

حسبنا الله ونعم الوكيل

هل ده يعتبر عقاب من ربنا سبحانه وتعالى على تقصيرهم في عملهم ام هما فعلاً مغلوب على امرهم ومش عارفين يعملو حاجة؟؟

ربنا يرحمه

**akmm** · 14-05-2014 02:55 PM

الف رحمه ونور على الشهيد ... وكل شهيد مدنى او تابع لجهه عسكريه .... المهم ضباط الامن المركزى لايعملون بالاقسام او المراكز او تحرير محاضر بها الا لو كان تقابل مع حضرتك صدفه .... ربنا يرحم الجميع ويسترها مع الجميع .

**aymanshebl** · 14-05-2014 02:56 PM

ربنا يرحمه احنا لسه دولة من دول العالم التالت ده حال البلد

**eng.m7md.ali** · 14-05-2014 02:58 PM

المشاركة الأصلية كتبت بواسطة akmm

الف رحمه ونور على الشهيد ... وكل شهيد مدنى او تابع لجهه عسكريه .... المهم ضباط الامن المركزى لايعملون بالاقسام او المراكز او تحرير محاضر بها الا لو كان تقابل مع حضرتك صدفه .... ربنا يرحم الجميع ويسترها مع الجميع .

هما كانوا 3 ظباط في المكتب قاعدين مع بعض اصحاب تقريباً .. حكيت حكايتي ردو عليا بنفس الكلام واني هتبهدل والعربية هتتبهدل

**nesr6060** · 14-05-2014 03:01 PM

الله يرحمه طبعا ولكل زملائى الشهداء وانا زيهم مستنى اليوم اللى استشهد فيه هى موته مش اكتر يبقى اموتها شهيد
المهم بالنسبه للظابط فهو ظابط امن مركزى مالوش اى دعوه بالاقسام وعمر مافى ظايط هيقولك متعملش محضر وحاصه ضباط الامن المركزى
وبعدين ازاى فى موقف زى ده متعملش محضر وبعدين انت زعلت لما حد قطع الطريق عليك فبالك بقى احنا حياتنا كلها كده متشمتش فى حد وخاصه انه شهيد

**eng.m7md.ali** · 14-05-2014 03:05 PM

المشاركة الأصلية كتبت بواسطة nesr6060

الله يرحمه طبعا ولكل زملائى الشهداء وانا زيهم مستنى اليوم اللى استشهد فيه هى موته مش اكتر يبقى اموتها شهيد
المهم بالنسبه للظابط فهو ظابط امن مركزى مالوش اى دعوه بالاقسام وعمر مافى ظايط هيقولك متعملش محضر وحاصه ضباط الامن المركزى
وبعدين ازاى فى موقف زى ده متعملش محضر وبعدين انت زعلت لما حد قطع الطريق عليك فبالك بقى احنا حياتنا كلها كده متشمتش فى حد وخاصه انه شهيد

انا مسمحلكش تقولي بشمت لاني مشمتش في موت حد

ياريت تقرى كلامي كويس

وده فعلا اللي حصل معايا ومعرفتش اعمل محضر خوفاً على نفسي اني مباتش في الحبس مع المجرمين لتاني يوم وخوفاً على عربيتي اللي اتبهدلت اصلاً

**eng.m7md.ali** · 14-05-2014 03:08 PM

المشاركة الأصلية كتبت بواسطة amr011111

طبعاً لا شماته فى الموت
بس رغم ان ناس من الشرطه وقرايبهم برضه اضيروا من عدم وجود الامن الا انه لا يحدث جديد

واللى اعرفه ان اماكن الحراميه دول معروف للناس العاديه تلاقى ناس تقولك راحوا يستلموا العربيه من اماكن فيها عربيات كتير مسروقه
يعنى لو نزلت حمله للمناطق ديه ويخلصوا عليهم
وربنا يرحم الجميع

والله معروفين وانا عرفت مكان الموبيل فين بس للاسف لو عملت محضر محدش هيتحرك ولعلمك ياباشا المكان ده حصل في حوادث زي دي كتير جداً على حسب كلام الناس اللي ساكنة هناك

ربنا يرحمهم وحسبي الله ونعم الوكيل في اللي كان سبب في كدة