استفسار عاجل للاستاذ احمد عاشور و الاستاذ احمد فهمي

**haythamolwan** · 06-08-2013 12:36 AM

السلام عليكم

عندي استفسار سريع و ملقتش افضل منكم اخد رايه .

انا كان معايا تويوتا كورولا ٢٠٠٤ ، العربيه كانت زيرو Stability و الفرامل مش حلوه برده بس بصراحه عمري ما زودت فيها اي سوائل او غيرت فيها اى حاجه غير المعتاد زى التيل طنابير سيور فلاتر و العفشه يمكن مغيرها على ١٧٠ الف ، المهم قررت اغيرها بالرغم من اعتماديتها الكبيره عشان الاستابيلتي و الفرامل و عشان نقص الوأبشنز برده .

حاليه انا بدور علي عربيه مستعمله فى حدود ال ٨٠ الف فمعروض عليا اوبا استرا اتش ٢٠٠٨ استيشن العربيه فابريكا بره و جوه بس فيها شويه خبطات متفرقه صغيره نوعا ما ، العربيه من جوه فرش الابواب متبهدل شويه و الزجاج الامامي في كذا نقره و خدشين ، العفشه سليمه و لسه متغيرلها طقم دبرياج و دينامو و جوان وش سلندر و العربيه عامله ١٢٠٠٠٠ بالظبط

سؤالي لحضراتكم صاحب العربيه عاوز فيها ٨٠ الف ، هل العربيه بالحاله دى تستاهل ٨٠ و لا اكتر ولا اقل ؟؟

تاني سؤال انا عارف قصص الايزى ترونك الطويله العريضه بس السؤال هنا انا طريقي يوميا للشغل حوالي ١٨٠ كيلو تقريبا تلت داخل المدينه و الزحمه و التلتين سفر مع العلم ان انا من الناس اللى بتجري فهل الفتيس ده ممكن طقم الدبرياج يعمر معاياه ١٠٠ الف مثلا و لا اقل ؟؟ الميكانيكي اللي كنت عنده بيقولى في ناس جت تغيره علي ٢٨ الف وفى ناس بيقعد معاها فوق ال١٠٠ الف ، فبظروفي دي ممكن يقعد معايا قد ايه ؟؟ و هل في حل مثلا ان اغير الفتيس لواحد اوتوماتيك عادى لاني شوفت كذا فتيس نزلوا فى الاسترا دى منها فتيس استبترونيك ست سرعات فهل ممكن ابقي اغير الفتيس الايزي ترونيك بالفتيس ده ؟؟

اسف للتطويل .

**tananybasha** · 06-08-2013 12:43 AM

اعتقد ان السعر على الحاله دى كتير
بس هى اكيد اثبت من التويوتا
و ان كانت التويوتا سيارة اعتمادية من الدرجة الأولى

**ashourashour** · 06-08-2013 03:38 AM

عليكم السلام ورحمه الله

اولا شكرا لثقتك و ربنا يجعلنا قدها

1- سيبك من العربيه دي ال 80 تجيبلك استرا اتش هاتش باك نضيفه اكتر من 80 بتبقى نضيفه قوي في ناس بتطلب 90 بس بتبقى عربيات زيرو بجد

ف 80 كتير عالعربيه دي الصراحه من وجهت نظري انا مع طناني

2-الايزي ترونك مشكلته مش في اعطاله مشكلنه في انك تتقبله وتتأقلم معاه و طقم دبرياج عالكم القليل دا صاحبها مقضيها فرك وامركه

3-على فكره الكورولا مش زيرو ستابلتي خالص !!! انت سقت فيرنا قبل كدا ؟ لكن طبعا مفيش نسبه بينها و بين ثبات الاستر اتش خالص

4- الكاوتش مهم في الثبات لكن مش للدرجادي مكنش حد غولوب !

5-موضوع الجوان ببساطه العربيه سخنت لاي سبب مشكله مراوح الميه نقصت بسبب تسريب اللي سايق مخدش باله جابت جوان ببساطه شديده و تحصل في احسن العائلات لكن الخوف من اللي عمل الجوان فك وركب الدنيا صح ولا لا ... مش معنى العربيه غيرت جوان ان الموتور يترمي في الزباله يعني

6- الاهم في الموضوع الاوبل ميركبهاش غير النزيه مالاخر واللي مش مزنزق في مصاريف ربنا يوسع رزف الناس جميعا و مهم جدا جدا جدا الاوبل ميتركبش متهان خالص يا زيرو با عربيه نضيفه و صاحبها كان مهتم بيها

7- كشكل و صالون و تكنولوجي الاسترا تكسب بكتير قوي كفايه الاوبن اند ستارت

الخلاصه

جرب الايزي ترونك لو متقبله دور على استرا نضيفه بال 80 الف دول بس زي ماتفقنا حوار انك تحط بنزين وتمشي وخلاص مضحكش عليك لكن قطع الغيار لو جبتها اصليه معمره جدا

اتمتى اكون وضحتلك الصوره ولو ليك اسئله تانيه قول و انتظر احمد فهمي

حاجه اخيره محدش بياخد كل حاجه مش انت عايز تركب عربيه محترمه و متصرفش !!! مفيش الكلام دا و لو جبت اعظم العربيات و مهتمتش بيها هتتبهدل و هتبقى كنبه فالاخر

سامحوني قي الكلمتين دول "اللي يحب الدح ......." لامؤاخذه

**ashourashour** · 06-08-2013 03:41 AM

صحيح لو عاوزي اوتو عادي هتسقط موتور بفتيسه غلبا 1800 سي سي ... ممكن اصلا الايزيترونك يعجبك

**mohamedhagrass** · 06-08-2013 04:02 AM

وجه نظري المتواضعه الاوبل عربيه محترمه بسي تتركب زيرو او ورا واحد عجوز او بمعنى اصح حاجه عارف اصلها
وفصلها تكنولوجيا وكماليات عاليه لاكن فالمقابل قطع غيار غاليه وقرف ميكانيكيه وعشان كدا بقول تتركب زيروا السعر ده
ممكن تجيب حاجه احسن ان شاء الله وربنا يوفقك

ثانيا تويوتا زيرو استابليتي ازااااااي انا سقتها كتير وصلت بيها 160 وعادي جدا وكان ممكن اشد كمان
ممكن يكون الكاوتش قديم عاوز يتغير او المقاس متغير لحاجه مش مناسبه الفرد عاوزه ترصيص
يعني انا مثلا عندي الكاوتش من الاستهلاك هو مكملش 30 الف كيلو رقم عادي لاكن بقاله 5 سنين وفرك وهرت
فمع الوقت العربيه بمشي بيها 130 طبعا بالنسبه للماروتي ده شيء كبيير من اسبوع بالظبط اخري 90 ومفيش ثبات
خالص لسبب عاوزه ترصيص والكاوتش لوح ممكن يكون عندك مشكله

170 الف كيلو ومغيرتش زيت فرامل خالص ؟ وبقاله سنين كتيير غلط طبعا المفروض يتغير كل سنتين تقريبا انا غيرته بعد خمس سنين لاني مكنتش اعرف وفرق معايا

**haythamolwan** · 07-08-2013 11:55 AM

المشاركة الأصلية كتبت بواسطة ashourashour

عليكم السلام ورحمه الله

اولا شكرا لثقتك و ربنا يجعلنا قدها

1- سيبك من العربيه دي ال 80 تجيبلك استرا اتش هاتش باك نضيفه اكتر من 80 بتبقى نضيفه قوي في ناس بتطلب 90 بس بتبقى عربيات زيرو بجد

ف 80 كتير عالعربيه دي الصراحه من وجهت نظري انا مع طناني

2-الايزي ترونك مشكلته مش في اعطاله مشكلنه في انك تتقبله وتتأقلم معاه و طقم دبرياج عالكم القليل دا صاحبها مقضيها فرك وامركه

3-على فكره الكورولا مش زيرو ستابلتي خالص !!! انت سقت فيرنا قبل كدا ؟ لكن طبعا مفيش نسبه بينها و بين ثبات الاستر اتش خالص

4- الكاوتش مهم في الثبات لكن مش للدرجادي مكنش حد غولوب !

5-موضوع الجوان ببساطه العربيه سخنت لاي سبب مشكله مراوح الميه نقصت بسبب تسريب اللي سايق مخدش باله جابت جوان ببساطه شديده و تحصل في احسن العائلات لكن الخوف من اللي عمل الجوان فك وركب الدنيا صح ولا لا ... مش معنى العربيه غيرت جوان ان الموتور يترمي في الزباله يعني

6- الاهم في الموضوع الاوبل ميركبهاش غير النزيه مالاخر واللي مش مزنزق في مصاريف ربنا يوسع رزف الناس جميعا و مهم جدا جدا جدا الاوبل ميتركبش متهان خالص يا زيرو با عربيه نضيفه و صاحبها كان مهتم بيها

7- كشكل و صالون و تكنولوجي الاسترا تكسب بكتير قوي كفايه الاوبن اند ستارت

الخلاصه

جرب الايزي ترونك لو متقبله دور على استرا نضيفه بال 80 الف دول بس زي ماتفقنا حوار انك تحط بنزين وتمشي وخلاص مضحكش عليك لكن قطع الغيار لو جبتها اصليه معمره جدا

اتمتى اكون وضحتلك الصوره ولو ليك اسئله تانيه قول و انتظر احمد فهمي

حاجه اخيره محدش بياخد كل حاجه مش انت عايز تركب عربيه محترمه و متصرفش !!! مفيش الكلام دا و لو جبت اعظم العربيات و مهتمتش بيها هتتبهدل و هتبقى كنبه فالاخر

سامحوني قي الكلمتين دول "اللي يحب الدح ......." لامؤاخذه

انا روحت عشان اجرب العربيه و اكشف عليها و طبعا بعد تجربه الايزى ترونك قررت انى مجبهاش ,, الفتيس و حش جدا كل بتحس بكل نقله بينقلها بينقل فى توقيت غلط خالص ,, مره جاب الخامس و السرعه كانت 70 !!!!! جربت اسوقها مانيوال عجبتنى جدا جدا لو شلت رجلك وانت بتنقل مبتحسش بالنقلات خالص ,, بس بصراحه معنديش استعداد انى اقعد انقل و اركز مع العربيه خاصة انى زى ما قولت مشوارى للشغل 180 كيلو يوميا ..

سؤالى معلش الماتور و الفتيس اللى ممكن اسقطهم دول هيكلفو كام تقريبا بالكونترول يونت بكل حاجه تقريبا ؟؟ و هل الفتيس الاوتوماتيك ده كويس رياضي يعنى ولا مش اد كده ؟؟ و هل خاصيه السبورت هتشتغل معاه هيه و الستارت و استوب انجين ؟؟

**ashourashour** · 07-08-2013 05:51 PM

المشاركة الأصلية كتبت بواسطة haythamolwan

انا روحت عشان اجرب العربيه و اكشف عليها و طبعا بعد تجربه الايزى ترونك قررت انى مجبهاش ,, الفتيس و حش جدا كل بتحس بكل نقله بينقلها بينقل فى توقيت غلط خالص ,, مره جاب الخامس و السرعه كانت 70 !!!!! جربت اسوقها مانيوال عجبتنى جدا جدا لو شلت رجلك وانت بتنقل مبتحسش بالنقلات خالص ,, بس بصراحه معنديش استعداد انى اقعد انقل و اركز مع العربيه خاصة انى زى ما قولت مشوارى للشغل 180 كيلو يوميا ..

النقلات محسوسه بين الاولاني والتاني بس !!! موضوع الخانس على 70 دا لما بتكون ساند بنزين بسيط قوي فالعربيه بتعرف انك مش عايز تشد بتحط خامس عشان توفرلك بنزين وتريح الموتور
الفتيس محتاج تقبل و تعايش ! لو قفلت منه هتكره العربيه كلها
في السفر اصلا مبتحسش بحاجه خالص

سؤالى معلش الماتور و الفتيس اللى ممكن اسقطهم دول هيكلفو كام تقريبا بالكونترول يونت بكل حاجه تقريبا ؟؟ و هل الفتيس الاوتوماتيك ده كويس رياضي يعنى ولا مش اد كده ؟؟ و هل خاصيه السبورت هتشتغل معاه هيه و الستارت و استوب انجين ؟؟

معرفش التكلفه كام بس هتبقى في حدود 10
الفتيس معرفش طبعا هيبقى ازاي عشان مجربتوش لكن هوا تورك كونفرتر ستب ترونك عادي
الخواص دي بقى نظريا هتشتغل لكن وقت الجد موعدكش ممكن تقابلك مشاكل الموضوع فيه مجازفه يعني عامتا انت بتشترى كل حاجه في النص اللي فيه الموتور

وانا رأيي تشتري عربيه ويكون في نيتك تسقطلها موتور دور على عربيه موتورها مدمر اصلا عشان تشتريها رخيصه او شوف عربيه تانيه مواصفتها تريحك

**haythamolwan** · 08-08-2013 12:20 AM

المشاركة الأصلية كتبت بواسطة ashourashour

معرفش التكلفه كام بس هتبقى في حدود 10
الفتيس معرفش طبعا هيبقى ازاي عشان مجربتوش لكن هوا تورك كونفرتر ستب ترونك عادي
الخواص دي بقى نظريا هتشتغل لكن وقت الجد موعدكش ممكن تقابلك مشاكل الموضوع فيه مجازفه يعني عامتا انت بتشترى كل حاجه في النص اللي فيه الموتور

وانا رأيي تشتري عربيه ويكون في نيتك تسقطلها موتور دور على عربيه موتورها مدمر اصلا عشان تشتريها رخيصه او شوف عربيه تانيه مواصفتها تريحك

باشكرك جدا للافاده

-

الموضوع: استفسار عاجل للاستاذ احمد عاشور و الاستاذ احمد فهمي

LinkBack

أدوات الموضوع

عرض

-

-

-

-

-

المواضيع المتشابهه

احمد فهمي بالعجوزه

الي الاستاذ احمد سامي

ارقام تليفونات احمد فهمي و ابو حوا و ايمن فوزي

الى الاستاذ / احمد اسماعيل

تهنئة للاستاذ احمد zizo

الكلمات الدلالية لهذا الموضوع

المفضلات

المفضلات

ضوابط المشاركة