مقبل على شراء عربية اونو .. ومحتاج رأيكوا ضرورى

**bigbibo** · 16-05-2014 10:16 PM

السلام عليكم ورحمة الله وبركاته ...
ان شاء الله مقبل على شراء عربية اونو .. بس الحقيقة هى محتاجة عمرة .. كنت عايز اعرف تتكلف اد ايه وهل فى مغامرة من انى اشترى عربية محتاجة عمرة ولا رأيكم ايه .. ارجو الرد للأهمية وجزاكم الله خيراً

**إبراهيم المصرى** · 16-05-2014 10:53 PM

المشاركة الأصلية كتبت بواسطة bigbibo

السلام عليكم ورحمة الله وبركاته ...وعليكم السلام ورحمة الله وبركاته
ان شاء الله مقبل على شراء عربية اونو ..الف مبروك وبالتوفيق يارب فى الشراء بس الحقيقة هى محتاجة عمرة .. نصيحة احسبها كويس اوى الاول ثمن العربيه + تكلفة العمرة ( ميكانيكى وخراط وقطع غيار وعطلة كام يوم ) و هكذا كنت عايز اعرف تتكلف اد ايه احسب تكلفة العمرة ولو حتجيبه استيراد من بورسعيد اعتقد الاوفر والافضل استيراد من بورسعيد بس يكون معاك ميكانيكى ثقه وهل فى مغامرة من انى اشترى عربية محتاجة عمرة ولا رأيكم ايه .. ارجو الرد للأهمية الافضل لو حالة العربية تكون سليمة ومش محتاجة مصاريف وجزاكم الله خيراً واياكم

وبالتوفيق

**مواطن مصرى** · 17-05-2014 12:10 AM

نصيحه لوجه الله تعالى : ما تشتريش اى عربيه الا لو كانت سليمه ...
انت مش بترمى فلوسك فى الارض او عندك وقت فراغ و هوايه تصليح العربيات ..

انت علشان تعمل عمره محتاج 3000 ج على الاقل غير المصنعيات و العطله امام الصنايعيه و عمر الموتور ما يرجع 100% زى الاول ..

و لو العربيه موتورها مخلص تماماً و اشتريت موتور استيراد مش هايقل عن 4000 جنيه ده غير تركيبه و مشوار تغيير ورق العربيه لاثبات الموتور الجديد على الرخصه ...

دور على عربيه تانى و لو كانت اقل فى المواصفات و بحاله كويسه احسن ...

**bigbibo** · 17-05-2014 05:47 AM

جزاكم الله خيراً على ردكم ... طيب هى موديل 2000 وحالتها كويسة كل اللى محتاجاه عمرة الموتور ... ايه انسب سعر اخدها بيه بوضعها ده

**ENG.MaRk** · 17-05-2014 08:16 AM

العمرة وجع دماغ .... اشتري حاجة حالتها كويسة أحسن

**إبراهيم المصرى** · 17-05-2014 11:51 AM

المشاركة الأصلية كتبت بواسطة bigbibo

جزاكم الله خيراً على ردكم ... طيب هى موديل 2000 وحالتها كويسة كل اللى محتاجاه عمرة الموتور ... ايه انسب سعر اخدها بيه بوضعها ده

كام السعر المطلوب فيها ؟

**bigbibo** · 17-05-2014 11:39 PM

المشاركة الأصلية كتبت بواسطة إبراهيم المصرى

كام السعر المطلوب فيها ؟

السعر المطلوب فيها 24.500 هى كربارتير مفيش تكييف ولا اوبشنز .. فهل السعر ده مناسب ولا ايه ؟؟

**إبراهيم المصرى** · 18-05-2014 02:00 AM

المهم تكون دواخل فابريكه ويكون الصالون نضيف مش محتاجة مصاريف مفيهاش سمكرة ولا محتاجة دهان من بره لو كده اخصم حق العمرة او موتور استيراد والعطله يعنى متعديش العشرين والله اعلم واستنى برضه رأى اعضاء القسم من الملاك هما اكيد عارفين اكتر انا بحاول اجتهد وبالتوفيق ان شاء الله
وعلى فكرة خد رأى أ/ شريف وهبه فى قسم تسعير السيارات من الاخر