إستفســار غن صيــغة توكيــل البيــع

**ZIMOFOX** · 11-10-2008 02:15 PM

انا بعت عربيتى الحمد لله
طبعا عارفين ان المشترى طلب طبعا توكيل وانا طبعا عشان اخلص
رحت وافقت بدون تردد
فهو عمل ناصح وكان معه صديق قالى خد الورقه ديه فيها صيغه التوكيل وانت بتعمله تكتبها
نص الصيغة(البيع والشراء للنفس وللغير والتوكيل للغير والتجديد والترخيص)

فحبيت اروح المرور سألت موظفة قاعدة فى الاستقبال قالتلى لا اوعى تكتب التجديد والترخيص قلتلها طيب فيه ناس قالتلى اكتب التعامل مع المرور قالتلى ايوا فعلا كلمة (التعامل مع المرور لا يعطيه الحق فى التجديد والترخيص دا بس بيعطيه الحق فى استرجاع الخصة لو اتسحبت و استخراج شهادة البيانات زى ما قال الاخ ماتريكساوى

-وبالفعل ماخدتش بس بكلامها انا رحت لاكتر من شخص اساله التعامل مع المرور يرخص كلهم يقولوا لا فتوكلت على الله روحت الشهر العقارى
بردوا سالت الموظفة اكتب ايه انا مش عايز المشترى يجدد الرخصة باسمى تانى قالتلى انا هكتبلك المتعارف عليه الا وهو (البيع لنفسه وللغير والتعامل مع المرور)

بعد كدا قابلت شخص شغال فى المرور قالى لا التعامل مع المرور يشمل التجديد والترخيص طبعا انتابنتى حاله من الضيق..........!!!!
هل هذا الشخص صادق والباقى مش فاهم ولا العكس .....؟؟؟
لان اخى ماتريكساوى نوه عن الموضوع دا شاكرا بس فى الاعادة افادة
ارجوا افادتى عاوز الجواب الفصل فى الموضوع
(البيع للنفس وللغير والتعامل مع المرور) يخلي المشترى يرخص تانى باسمى ولا لا؟؟؟؟
افيدونى وطمئنونى الله يكرمكم

طولت عليكم بس الموضوع دا فيه افادة مش بس لي ولكن للجميع

**ramyfawzy** · 11-10-2008 07:52 PM

اخي العزيز
اطمن - الصيغة الاصح للتوكيل عشان اللى اشترى منك العربية ما يعرفش يجددها هيه :
له حق البيع لنفسه وللغير والتعامل مع المرور
ولما يتنطط مش هيعرف يجدد الرخصة
واي خدمة يا باشا

**ZIMOFOX** · 12-10-2008 03:20 AM

بجد يارامى انا مش بحيي لانك طمنتنى وبس
لا لانك انسان فيك نزعة حب مساعدة الناس
يعنى بعد سبعه وعشرين قراءة للموضوع مفيش الا ردك انت
طبعا دا عندى بالدنيا يا باشا ربنا يخليك
فعلا انا كتبت الصيغة ديه
(له الحق للبيع لنفسه وللغير والتعامل مع المرور)
:err:

**ramyfawzy** · 12-10-2008 05:39 AM

تحت امرك يا زيمو في اي وقت
كل الناس هنا اخواتي و لو فيه اي حد عايز يستفسر عن معلومة انا عارفها ومتأكد منها مش ممكن ابدا اتأخر عنه
وطالما انت كتبت اللى انا قلت لك عليه - انت كده في السليم ان شاء الله
اطمن اطمن اطمن
واي خدمة يا باشا

**ahmed_bq** · 25-11-2008 10:11 AM

طب انا التوكيل بتاعي البيع لنفسه وللغير وتوكيل الغير

هل كده معرفش اجيب الرخصة بتاعتي لو اتسحبت ؟
وهل كده بردو معرفش اطلع شهادة مخالفات والكلام ده؟

حد يطمني ويكون متأكد الله يكرمكو

**ramyfawzy** · 25-11-2008 07:59 PM

عادي يا احمد باشا
تقدر تعمل كل الحاجات ديه
البند بتاع (التعامل مع المرور) ده جديد شوية انما الصيغة المستخدمة عامة هي:
البيع لنفسه وللغير وتوكيل الغير
وماتقلقش من حاجة ان شاء الله

**flymido** · 26-11-2008 01:07 PM

راى ابعد عن التوكيلات ووجع الدماغ

اعمله عقد بيع وسجله فى الشهر العقارى انا لما اشتريت سجلت على طول فى الشهر العقارى بس
لم اضع توفيعى على العقد هوقع لما اجدد الرخصة واحولها باسمى عشان استفاد بالسنه اللى الرخصه فيها

**mo7a_mo7a** · 27-11-2008 12:04 AM

المشاركة الأصلية كتبت بواسطة ZIMOFOX

(له الحق للبيع لنفسه وللغير والتعامل مع المرور)

هي دي الصيغة الصح وبيها ميقدرش يرخص باسمك تاني ابدا
ومتقلقش
هو الراجل اللي معاه كان عايز يضحك عليك وطبعا دي دقة نقص منه وحركة مش لطيفة
بس انت عملت المظبوط

:wacko: