رفرف خلفى شمال لانوس1

**magdy gaafar** · 27-05-2014 12:12 AM

الحمد لله رب العالمين
من كام يوم عملت حادثة فى طريق القناطر القاهرة
شاب الله يسامحة راكب ميكروباص راما ماشى عكس الاتجاه الى القاهرة
تخطى الرصيف الفاصل بينة وبينى وخبط العربية من ورا
الله يسامحة لامعاه رخصة قيادة ولا عربيتة فيها رخصة اصلا وماشى عكس الاتجاه
واتصاب واحد من الركاب معاه.. وطبعاً ما اخدت معاه حق ولا باطل!
مجرد محضر فى قسم شرطة القناطر ثم اتحول للنيابة ثم افراج بضمان محل اقامتة!
وثانى يوم مهندس الفحص افرج عن عربيتى وعربية كانت قدامى انما العربية الراما لأ
وطبعا العربية اخدتها بعد مصاريف اجارك الله تحت مسمى اكرميات وشاى واسماء غريبة
فى قسم الشرطة( مفيش فايدة)
الحمد لله تعالى انا خرجت برضوض وكدمات بسيطة جسمنياً بس نفسياً مش مبسوط
والحمد لله هحتاج باب الشنطة الخلفية ودورت عليه استيراد ولاقيتة ب 400 ج
فى الحرفيين واكصدام خلفى استيراد برضوا موجود
مشكلتى فى انى محتاج رفرف خلفى شمال لانوس 1. بس للاسف دورت كتيير ف الحرفيين
ومش لاقية وكمان دورت فى عزبة شلبى وشارع الكابلات مش موجود
وكله بيقولى خد نص ورا كامل! وطبعا انا مش محتاج ده كله
فهل ياترى ممكن الاقيه جديد فين؟ طالما الاستيراد مش متوفر
لو حد من الزملاء يعرف مكانة بيتباع فين جديد يدلنى عليه لانى نازل بكرة ادور عليه
ولو حد يعرف انه موجود استيرد يدلنى عليه فين

وشكرا ليكم جميعا وربنا يكفيكم شر الحوادث وشر الناس اللى بتمشى عكس الاتجاه
وتخبط فى خلق الله ويكفيكم شر التعامل مع اقسام الشرطة
منتظر الرد من اى زميل
بارك الله فيكم

**ahmedsamy90** · 27-05-2014 12:54 AM

الحمد لله ان انت سليم قدر الله وما شاء فعل
شوف ممكن تلاقيه في الوكالة

**hateeem** · 27-05-2014 01:31 AM

حمدلله ع السلامه يا باشا اهم حاجة

وان شاء الله تلاقى الرفرف

**eng.salama93** · 27-05-2014 02:29 AM

حمدلا علي سلامتك .. انا شفت الحادثة علي فكره عربيتك كانت سودا و العربية الراما بيتهيألي لونها كان أبيض ف أزرق
بجد ربنا يعوضك خير عن المصيبه دي و كويس انك خرجت منها سليم
الطريق كان واقف جدا اليوم دا بصوره غريبة و اللي يجنن انه كان واقف ف الإتجاة التاني اللي مش فيه الحادثة أصلا بس الناس واقفه تتفرج و معطلانا
ربنا يخلفك خير و في علي فكره ناس بتوع تقطيع قريب من المنطقة اللي حصلت فيها الحادثة بيشتغلو ف الدايو بس
في واحد بعد نزله الدائري علي طول ف الإتجاة القادم للقناطر أكيد انتا عارفه
و في واحد تاني عند مدخل ابو الغيط

**magdy gaafar** · 27-05-2014 03:28 AM

المشاركة الأصلية كتبت بواسطة eng.salama93

حمدلا علي سلامتك .. انا شفت الحادثة علي فكره عربيتك كانت سودا و العربية الراما بيتهيألي لونها كان أبيض ف أزرق
بجد ربنا يعوضك خير عن المصيبه دي و كويس انك خرجت منها سليم
الطريق كان واقف جدا اليوم دا بصوره غريبة و اللي يجنن انه كان واقف ف الإتجاة التاني اللي مش فيه الحادثة أصلا بس الناس واقفه تتفرج و معطلانا
ربنا يخلفك خير و في علي فكره ناس بتوع تقطيع قريب من المنطقة اللي حصلت فيها الحادثة بيشتغلو ف الدايو بس
في واحد بعد نزله الدائري علي طول ف الإتجاة القادم للقناطر أكيد انتا عارفه
و في واحد تاني عند مدخل ابو الغيط

صح كلامك يا م سلامة
هى الحادثة دى بالضبط والله كنت واقف والطريق كله واقف خالص!
شفت ياعم اللى حصل:)
الحمد لله على حال قدر الله وماشاء فعل
وبما انك من القناطر عارف الطريق ومشاكلة كويس
وان الحتة دى بالذات بتكون واقفة من قبل 6 صباحاً وكل يوم على القرف ده
الله المعين . وربنا يسترها على الجميع يارب
وكويس انك نبهتنى على اللى بيبعوا استيراد فى المنطقة دى كنت مفكرهم لعربيات نص نقل بس
عموما بكرة اعدى اشوف ربنا يسهل..شكرا ليك ولكل اللى رد قبلك
وقاكم الله شر الحوادث اللهم آمين

**eng.salama93** · 27-05-2014 04:11 AM

المشاركة الأصلية كتبت بواسطة magdy gaafar

صح كلامك يا م سلامة
هى الحادثة دى بالضبط والله كنت واقف والطريق كله واقف خالص!
شفت ياعم اللى حصل:)
الحمد لله على حال قدر الله وماشاء فعل
وبما انك من القناطر عارف الطريق ومشاكلة كويس
وان الحتة دى بالذات بتكون واقفة من قبل 6 صباحاً وكل يوم على القرف ده
الله المعين . وربنا يسترها على الجميع يارب
وكويس انك نبهتنى على اللى بيبعوا استيراد فى المنطقة دى كنت مفكرهم لعربيات نص نقل بس
عموما بكرة اعدى اشوف ربنا يسهل..شكرا ليك ولكل اللى رد قبلك
وقاكم الله شر الحوادث اللهم آمين

الحته دي فيها محلين شغالين ف الهيونداي كله و الدايو كله و اللانسر التسعينات

**magdy gaafar** · 28-05-2014 12:02 AM

للأسف طول اليوم من الحرفيين الى الكابلات بالمطرية
الى عزبة شلبى الى التوفيقية البنا عزيز سليمان_ العمدة_ الاخلاص
خالد لطفى_ ثم الى الوكالة لم اعثر على رفرف خلفى شمال لانوس 1
لا استيراد ولا جديد!
وكله يقول خد نص فاضى اقطع منه اللى انت عاوزة؟
ومش عارف شكلى هضطر لكدة ولا ايه؟
ياريت لو حد يعرف ف اى مكان

**JAM** · 28-05-2014 07:49 AM

إبعد عن الولد اللى عند الدائرى... أسعاره غالية جدآ جدآ وبيتأمر على الناس... عندك الراجل اللى عند أبو الغيط ولو إنتا من القناطر ممكن أشوفلك عند واحد أسعاره ممتازة فى طريق الوقف - شلقان
انا شوفت عربيتك وربنا يقويك
على فكرة .. الرفرف ممكن يتعمل ويرجع زى ما كان

**agaty1st** · 28-05-2014 10:42 AM

أولا حمدا لله على سلامتك
ثانيا اعتقد ان لو سمكري نضيف بيفصله

**mostafa mahmod** · 28-05-2014 11:04 AM

طبعا انا مشوفتش عربيتك بس ممكن تصورها و تنزلها و تخلى الناس تشوفها .. القصد : هى مينفعش تتعمل خالص ؟؟!!
ما فيه سمكريه كويسين ممكن يعملوهالك و يرجعوهالك زيرو كمان
حاول تصورها و تنزل الصور هنا و الناس تشوفها يمكن يساعدوك

الموضوع: رفرف خلفى شمال لانوس1

LinkBack

أدوات الموضوع

عرض

-

-

-

-

المواضيع المتشابهه

رفرف شمال واكصدام 92

رفرف شمال لانوس

عاوز اكصدام لانوس و رفرف شمال امامى و مرايا شمال

تغيير رفرف خلفى لل128

عاوز اكصدام لانوس و رفرف شمال امامى و مرايا شمال

الكلمات الدلالية لهذا الموضوع

المفضلات

المفضلات

ضوابط المشاركة