مشكله فى فيكترا بى..تسريب بنزين بعد التفويل ..

**m7nsh** · 27-05-2014 09:24 PM

ازيكم يا شباب .. كيف الاحوال يارب يكون كله تمام ..

من يومين كده رحت اشتريت جوان لطرمبه البنزين ب 20 جنيه بالمناسبه من الحرفيين و ركبته عشان مكنتش باعرف افول العربيه بسبب انها بتجيب بنزين كتير و اتقالى انه بسببه فمكنتش بافول و باحط 50 جنيه ب 50 جنيه لحد ماشيعت طرمبه البنزين نفسها لأنها بتعتمد ع البنزين فى تبريدها (لازم ماتخليش اقل من ربع التانك ع الاقل معاك حفاظا عليها ) .. المهم غيرته ورحت فولت (لأول تكه فالمسدس )و لقيت فى برده بتاع ربع او نص لتر كده وقعو فالارض بس بطلت بعدها ( قبل كدا كانت بتجيب بتاع 5 لتر ع الارض او اكتر وبتبقى مصيبه )

طبعا رجعت للميكانيكى وكشف لقى مفيش بنزين من تحت الكنبه ولا اى حاجه وانا كبرت دماغى برده ومشيت..السؤال بقا فى ايه تانى ممكن يعمل كدا غير الجوان ؟ تانى حاجه .. لما بفول العربيه بتاخد بتاع 42 لتر بس (لأول تكه برده ومش بزود عشان بيقع ع الارض ) !! ومكانش دا بيحصل قبل كدا (كان 60 لتر عادى).. هل دا ليه علاقه بالموضوع ؟؟

افيدونا افادكم الله

**Omar Mahmoud** · 27-05-2014 10:12 PM

انا كان عندي مشكلة ان مينفعش احط اكتر من 30 لتر والا البنزين هينقط في الارض غيرت الخراطيم بتاعت حاجة ورا مش فاكرها ايه بالظبط الطرمبة او العوامة او حاجة تالتة مبقاش في تسريب ورا(انا مش فاكر علشان كان من فترة).و العربية لو اتفولت علي الاخر المؤشر عمره ما بيوصل ل60 لازم يبقي قبلها و مش عارف ليه و معتقدش التفويلة بتوصل ل 60 لتر فكبرت دماغي.

**ENG\AHMED** · 27-05-2014 10:18 PM

الخراطيم الواصلة من الزور للتانك

**Omar Mahmoud** · 27-05-2014 10:22 PM

المشاركة الأصلية كتبت بواسطة eng\ahmed

الخراطيم الواصلة من الزور للتانك

هي دي اللي كان قصدي عليها

**m7nsh** · 27-05-2014 10:42 PM

الله ينور يا شباب يعنى الموضوع مش هندور وراه كتير .الله يطمنكم ,, طبعا بتتجاب جديده صح وسعرها بيكون فى حدود كام ؟

**Omar Mahmoud** · 27-05-2014 10:44 PM

المشاركة الأصلية كتبت بواسطة m7nsh

الله ينور يا شباب يعنى الموضوع مش هندور وراه كتير .الله يطمنكم ,, طبعا بتتجاب جديده صح وسعرها بيكون فى حدود كام ؟

تتجاب جديدة طبعا
السعر مش فاكر بس ماكانتش غالية اوي

**Raef.Atia** · 28-05-2014 12:01 AM

الموضوع ده ليه كذا سبب
ممكن يون جوان غطا التنك اللي تحت الكنبه اللي ورا مش كويس او مش مطبع كويس
ممكن يكون من كلبس بتاع خراطيم الطرد او الراجع او ممكن يكون الخرطوم نفسه
ممكن يكون في خبطة حجر جامده في التنك و دي عملت بطن في بدن التنك لجوه مع خرم بسيط في التنك وده اللي مخليه ياخد اقل من 60 لتر

**m7nsh** · 28-05-2014 12:03 AM

احنا ممكن نستبعد جوان غطا التنك لأن بعد التسريب ملقناش بنزين من فوق ..
و الخبطه وارده جدا وتقريبا الحوار ده حصل بعد ماكلت مطب محترم .. بس ملوش حل ؟

**Hesham.H** · 28-05-2014 12:07 AM

المشاركة الأصلية كتبت بواسطة eng\ahmed

الخراطيم الواصلة من الزور للتانك

بالظبط كده ... اسمها خراطيم زور التانك ... لما بتكون بايظه بتعمل كده ... ممكن تغيرهم استيراد بس تفتش فيهم كويس
تمسك الخرطوم بإيدك الاتنين وتتنيه للآخر وتلاحظ كويس لو فيه شرخ او قطع لان هو ده اللى بيعمل التسريب
الجديد مهما كان كويس برضو بس عمره ما هيبقى فى خامه الجى ام الأصلى
سعرهم استيراد تقريبا ١٠٠ ~ ١٥٠ جنيه ... بيبقو اتنين واحد رفيع والتانى اتخن شويه
تحياتى