حيرة في شراء اوكتافيا a4 عداد قليل و حاله فبريكه و مضمونه

**aymankhalifa** · 01-06-2014 03:48 PM

السلام عليكم و رحمه الله و بركاته
اصدقائي الاعزاء انا طالب مساعدتكم
انا معايا لانسر 2009 كلاسيك من الزيرو و بفكر اغيرها باوكتافيا a4 بتاعه واحد صحبي قوى عامله 45000 كيلو و فبريكه و معاه من الزيرو بس بصراحه سمعت ناس كتير بتتكلم علي الفتيس بتاعها و انه مش بيعيش خالص فبصراحه انا خفت و قلقت و مش عايز اجازف بفلوسها فياريت تقولولي اعمل ايه؟؟

**Moratoz** · 01-06-2014 06:05 PM

لو العربيه ال a4 نظيفه أتكلم علي اللهو متنساس تكشف عليها ومشاكل فتيس ال a4 مش كتير وخاصه لو العربيه متحافظ عليها
بالتوفيق ان شاء الله

**amrelsaqqa** · 01-06-2014 06:30 PM

لا الـ a4 مفيهاش المشكلة دى
وبعدين لو زي ما بتقول صاحبك اوى و 45 الف كيلو بس فابريقة يعنى العربية متصانة مش متهانة واصلا ميعاد تغيير زيت الفتيس الفبريقة لسة مجاش ، وكمان من صاحبك وانت واثق فيه انا شايفها لقطة بصراحة وكمان هتعرف تاخدها بسعر حلو بعيد عن المبالغات اللى بنسمعها اللى تجيب الضغط دى ..

عامة عشان ما يبقاش في اي مشكلة او احراج مع صاحبك بعد كدة اعمل الصح ، اللى هو تجربها بنفسك ولو استريحتلها تروح تكشف برضه كأجراء عشان حقك وحقه وبعد كدة تتوكل على الله
الـ a4 عربية زي الفل