الموضوع: الوداع يا حبيبة الملايين ... توقف إنتاج سوزوكي ماروتي 800 نهائيا بعد 31 عام

يارب بس يبقي ليها قطع غيار بعد الموضوع ده ربنا يستر

الوداع ياسوزى

المشاركة الأصلية كتبت بواسطة lidosasa

الوداع يا توتة
بس ياترى الخبر ده حيكون تأثيره أيه على سعر العربية ؟؟؟

أظن يا صاحبي بمجرد ما تبطل تنزل زيرو العربية هتزيد شويا (مش كتير)، لان الزيرو دايما بيقلل حاجة المشتري للمستعمل، فبيقل الطلب على المستعمل، فبيقل سعره، خاصة مع تقسيط البنوك.
ومظنش الزيادة هتبقى كبيرة، حاجة كده هامشية.

المشاركة الأصلية كتبت بواسطة elpilot

يارب بس يبقي ليها قطع غيار بعد الموضوع ده ربنا يستر

شوف يا صاحبي، الاتفاقات التجارية الدولية ان قطع الغيار الأصلية (السوزوكي) بتفضل تنزل 8 سنين إلى 10 سنين من تاريخ آخر تصنيع، وده اللي اعلنه المصنع انه هيفضل ينزل قطع غيار اصلية من 8 إلى 10 سنين
....
طيب بعد ما ال10 سنين يخلصوا هنعمل ايه؟ ولا هتعمل حاجة، مش هيبقى فيه قطع غيار اصلية، الصين هتخش بتقلها، وناس تانية كتير، اللي هيشتري سطامبات الماروتي من المصنع عشان يصنع هو قطع الغيار، واشي قطع غيار اصلية للألتو 800 هتستعمل مع الماروتي، وإلصين هتخش بتقلها طبعا ما هتصدق، عادي يعني، شوف الفيات 127، وغيرها كتير من العربيات اللي بقالها 30 سنة موقفه تصنيع ومازال ليها قطع غيار، وده بس عشان ليها ثقل في السوق فأي مستورد يحب يجيبلها، ده سوق اتعمل مش هيتفض بسهولة.