الموضوع: الوداع يا حبيبة الملايين ... توقف إنتاج سوزوكي ماروتي 800 نهائيا بعد 31 عام

المشاركة الأصلية كتبت بواسطة amr axel

كفاية عليها كده
و المفروض نشوف موديلات تانية احدث

حس بالغلابة اللي بتحلم بيها يا متر

المشاركة الأصلية كتبت بواسطة kar!m

عادي كانت زمان اسمها سوزوكي اف اكس واتوقف انتاجها و نزلت الماروتي.

لا تتخيل العربية دي منتشرة في الهند و باكستان أد ايه .. بس اسمها مهران mehran

أنا أحيانا كنت بمشي في الشارع الاقي الشارع كله العربية دي .. هي والألتو.

أعتقد ممكن ينزلوا عربية تانية في نفس الفئة .. بس تابلوة مختلف و شكل متغير شوية.

انا شايف (كصاحب سيارة ماروتي)، إن توقف تصنيعها عيب بالنسبالي، عشان بعد فترة (10 سنين) هبدأ ملقيش قطع غيار الا صيني مثلا، مستحيل الاقي ماتور حالته حلوة استيراد خارج (كله هيبقى جاي مهري)
....
إنما مع استمرار وجود العربية فترة طويلة، سوقها بيوسع، وناس كتير بتتملكها، وناس كتير تتاجر في قطع غيارها (فتقوم ترخص اكتر)، وناس كتير تشتغل في ميكانيكتها (فيقوموا يزدادوا حرفة، ويقل المصنعية)، وكذلك كهربتها وسمكرتها، وكمالياتها، وناس كتير تبقى فاهمة فيها، تتكعبل في واحد تشتكيله يقولك اعملها كذا وكذا، تخيّل لو كل العربيات اللي في الدنيا دي نوع واحد فقططططط، كانت الناس كلها هتبقى ميكانيكية وكهربائية، أو بمعنى أصح، مكانش هيبقى فيه صنعة اسمها ميكاني أو كهربائي سيارات، لان مفيش مبادئ هتتحفظ هو معروف السلك الأحمر بتاع كذا، والاخضر بتاع كذا، وهكذا

طب وايه البديل ليها