مشكلة غريبة العربية بتسخن وتبرد تانى بشكل غريب اوووى

**Veroman** · 02-06-2014 10:13 PM

السلام عليكم ورحمة الله وبركاته

كنت راجع من اسكندرية امبارح و اول ماعديت الكارتة على طول لقيت التكييف قلب بيطلع هوا سخن بصيت على الحرارة لقتها عالية شرطتين عن الطبيعى ركنت وطفتها على طول نزلت و فتحت الكبوت ملقتش ترسيب خالص و دورت تانى العربية لقيتها نزلت للطبيعى تانى و بصيت تانى على المية مظبوتة و بتتقلب عادى جوة القربة و المروحة شغالة تمام و مفيش ترسيب اومال فى اية معرفش كملت تاتى براحة لحد اول بنزينة عشان ينظف السربنتينة و الردياتير بالهوا و طلع تراب كتير اوى قولت يبقى كدة حلو اوى يبقى التراب كان كاتم الدنيا مشيت و لقيت ان الفرق انى لما كنت بمشى ٨٠ الاقى الحرارة بتعلى و بعد ما اتنظف بالهوا بمشى من ١٠٠ ل ١٢٠ و الاقى الحرارة بتعلى بس كملت للقاهرة بناءا على الحرارة اول ماتعلى اهدى و ارجع اسرع تانى لل١٢٠ تسخن اهدى تانى و هكذا لحد القاهرة و مشيت حلو جوة البلد لحد النهردة و بقت بتسخن فى الزحمة بس بقت مزاجها بقت مش فاهم شوية تعلى و شوية توطى و انا زى مانا فى ماشى فى الزحمة و التكيف مشغلو على اخرو و الحرارة تعلى و توطى و فكرت فى كذا حاجة يعنى يعنى المؤشر مش بايظ عشان لو بايظ او مهيس كانت بعد ما تسخن ترجع تانى لطبعتها مش اقل و المرحوحة شغالة الدرجتين تمام و روحت لواحد قالى لازم افك الردياتير و السربنتينة و اغسلهم و اقعد اتابع العربية و انا مش حاسس انو هيجب العيب بردو و ناس بتقلى حطها على جهاز بس هل لو حتطها هطلع العيب و لا لا انا مش عارف و مش فاهم حاجة خااااالص

**bassem.naguib** · 02-06-2014 10:38 PM

المشكلة بسيطة إن شاء الله .. واتوقع أنها ممكن تكون ترموستات المروحة .. او ترموستات الكوعة .

**Veroman** · 02-06-2014 10:55 PM

فى ناس بتقلى الغى الترموستات اصلا مش عارف صح ولا غلط

**Veroman** · 02-06-2014 10:57 PM

فكرت فى موضوع افصل البطاية و ارجعها تانى بس لسة معملتهاش و انتا شجعتنى و هجربها يارب تتعدل بعدها

**ahmed_moeaz** · 02-06-2014 11:03 PM

والله ترموستات الكوعة معمول عشان يحافظ على درجة حرارة ثابتة للمحرك بس 90 % من الناس شايلاه وانا واحد منهم لان اعتقد ان درجة الحرارة ف مصر حر صيف شتا

**kokowasfy** · 02-06-2014 11:27 PM

ترموستات الكوعة .مهيس لازم يتغير

**Veroman** · 03-06-2014 12:33 PM

طب و لو شلت التروموستات دى اصلا هتمشى عادى

**M.ABDOU** · 03-06-2014 01:06 PM

الموضوع واضح جداااااااا

حضرتك بتقول بعد ما نضفت الردياتير من بره بس من التراب وكان وسخ جدا الحراره ابتدت تعلى بعد سرعه 120 والاول كانت بتعلى عند سرعه 80

يا باشا المشكله عندك مش فى الكوعه ولا الترموستات ولا الحاجات دى

انت مشكلتك فى الردياتير

روح نضفه بس نضفه من جوا سيخخ الردياتير عند واحد بتاع ردياتيرات كويس وجرب وقولنا

**bassem.naguib** · 03-06-2014 02:00 PM

المشاركة الأصلية كتبت بواسطة veroman

فى ناس بتقلى الغى الترموستات اصلا مش عارف صح ولا غلط

المشاركة الأصلية كتبت بواسطة veroman

طب و لو شلت التروموستات دى اصلا هتمشى عادى

لا طبعاً متشلش ترموستات الكوعة .. لو بايظة حاول تجيب الأصلية وركبها وكله حيبقى تمام إن شاء الله .

وظيفة ترموستات الكوعة أنها بتحافظ على درجة حرارة الموتور الثابتة والمثالية اللي المفروض الموتور يديك أحسن أداء عندها .