كربراتير 1600 بيجو على مكنه 1400 ستروين

**Ahamdy** · 03-06-2014 05:21 PM

ارجو المشاركه فى الموضوع فى قسم المحركات

http://www.nilemotors.net/Nile/424573-1600-1400-a.html

**rotanamasoud** · 03-06-2014 07:33 PM

عمليا الكاربراتير حيشتغل عادى جدا مع عيب زياده استهلاك بنزين(ده الفرق بينه وبين ال1400) انت عندك مشاكل فى كاربراتير 1600 او كهربه العربيه

**Ahamdy** · 03-06-2014 08:01 PM

السحب جميل و العربيه بتجرى حلو الحمد لله

بس المشكله الرئيسيه لما اجرى مثلا و عدد لفات الموتور يوصل 4 او اكتر و دوست دبرياج غشان امور الامبير ينزل للصفر و تبطل منى , لكن و هى واقفه مش بتبطل عادى

تانى حاجه الاستهلاك طبعا

تالت حاجه رجه السلانسيه

بالنسبه للكاربيراتير سليم و الكهربا سليمه بس يمكن هو مش عارف يظبطهم عشان الكربيراتير كبير على الموتور

**rotanamasoud** · 03-06-2014 08:56 PM

كده نحدد السبب اكتر
لما تشيل رجلك بك السرعه بيقفل ويفتح بك السلانسيه (احتمال قوى بك السلانسيه)
ممكن الار بى ام السلانسيه مش متعير(750 ار بى ام)ميقلش عن 750
ممكن صمام التكييف مفتوح وظيفته هنا يعلى الار بى ام للسلانسيه عند تشغيل التكييف ولو مفتوح اللى بيظبط حيوطى اكتر يبوظ النسب فيعمل المشكله
اخيرا انا لسه من فتره قريبه منضف وحده الوقود بالكامل
حطيت منظف من اللى بينضف الدوره وحرقته وحرقت بعديه تانك وفكيت الكاربراتير بتاعى مسمار مسمار(وغسلت التانك)
فى فلتر شديد الصغر محطوط قبل البكات داخل الكاربراتير الفلتر عباره عن ماسوره شبه بنطه شنيور 2 ملى صغير جدا جدا كان مليان بلاوى ولما نظفت الكاربراتير (3 علب منظف كاربراتير وكمبريسور هواء)وجبت فلتر جى ام ب45 (مبثقش فى الفلتر اللى ب5 جنيه)وركبت كنت متخيل انها مش حتدور اصلا
بس النتيجه خرافيه كانك عمرت مكنه ومكنتى اصلا زيرو فالاداء اختلف تماما وسحب البنزين اصبح قليل ربنا يباركلى فيها
من اهم الاختلافات اللى مكنتش لاقى ليها سبب علمى ان التانى كان بيحتاج دوسه جامده عشان العربيه تطلع عليه او تشبع الاول صح دلوقت التانى بيطلع عادى جدا لان بك السلانسيه مكنش قبل التنظيف قادر انه يدى المكنه اللى تطلبه فى اللحظه المناسبه
للاسف معرفتش اصور اللى عملته عشان ايدى كانت متوسخه

**Ahamdy** · 04-06-2014 01:52 AM

تمام ياباشا ربنا يباركلك فى العربيه

فعلا لما بشيل رجلى ال rpm بينزل جامد اوى , و حتى لو مقرصتش و شلت رحلي بينزل تحت السلانسيه و يطلع حبه حبه

احتمال كبير يكون هو , كان الميكانيكى قالى ان مقاس البكات ال 1400 لل ax كان 122 للسرعه و 120 للسلانسيه

هل المقاسات دى مظبوطه ؟

انا بحب اعمل كل حاجه بنفسي بس نظرا لضيق الوقت مش بعمل حاجه :(

شكرا لاهتمامك

**rotanamasoud** · 04-06-2014 01:41 PM

بصراحه انا نضفت عندى ومبصتش على المقاسات بتاعت البيكات فمقدرش افيدك فى المقاس المظبوط

**Ahamdy** · 04-06-2014 09:35 PM

تمام ياباشا انا رفعت صور للكاربيراتير فى الموضوع الاصلي

الموضوع: كربراتير 1600 بيجو على مكنه 1400 ستروين

LinkBack

أدوات الموضوع

عرض

-

-

-

المواضيع المتشابهه

كربراتير 1600 على مكنه 1400

بولو 96 مكنه 1400 بضفيرتها بكنترولها ولا بلوكه بالفتيس 1400

للخبراء تركيب وش سلندر 1400 على مكنه 1600

سؤال مهم فى تعديل مكنه بيجو 504 الى تركيب مكنه 505

جراند بونتو 1400 سي سي ولا ابيزا 1400 ولا بيجو 307 1400 برضو؟؟؟

الكلمات الدلالية لهذا الموضوع

المفضلات

المفضلات

ضوابط المشاركة