الموضوع: الدنيا لسه بخير

بصراحه مريت بتجربه مكنتش اتخيل ان فيه لسه فيه ناس بالاخلاق دي
الموضوع ببساطه ان العضو toomagic كان عامل اعلان عن بيع عدد 2 فرد كاوتش المهم اتصلت بيه علشان اعرف التفاصيل وفي وسط الكلام بقوله طريقة التخزين ازاى قالى انا معرفش اذا كنت مخزنهم صح ولا غلط خدهم لبتاع كاوتش يكشف عليهم واصر فى المكالمه انه مش هياخد حسابهم الا لما اركبهم واجربهم الاول
قلت دا من زوقه بيقول كدا وفي قرارت نفسي قلت لما اقبله نطلع علي بتاع كاوتش يكشف عليهم - وعند المقابله طلع الفردتيين وقالى سلاموا عليكم يهديك يرضيك طب خد حاجة تحت الحساب رفض تماما وقالى لما تجربهم وتتطمن عليهم ابقي كلمني
بصراحه احرجني بزوقه جدا وقلت الدنيا لسه بخير
واحب اشكر العضو toomagic وابشره بقول رسول الله صلى الله عليه وسلم ( التاجر الصدوق الأمين مع النبيين والصديقين والشهداء ) حيث انه مقاليش دا انا مخزنهم علي اصول الصنعه والكلام الي انته عارفينه وقالى انا معرفش وكان صادق معايا
وابشره برده بقول الرسول الله صلى الله علية وسلم حيث قال:((رحم الله رجلا سمحا إذا باع وإذا اشترى وإذا اقتضى )) حيث انه ترك الفردتيين معايا بدون اى ضمانات ولا حتي يعرف ليا طريق