الموضوع: تقرير صيانة 80000 كم نيسان صني ex اوتو الشكل القديم

السلام عليكم ورحمة الله وبركاته
اعضاء الجروب المحترمين ,,,

كنت عامل موضوع بخصوص الزيوت التي سوف يتم تغيرها في صيانة 80,0000 كيلومتر في نيسان صني اوتوماتيك الشكل القديم ,
وتم حجز الصيانة في مركز السبع في زهراء المعادي .
وزي طبعا ماحضراتكم عارفين في عرض علي المصنعية والصيانة 20% , وكشف علي التكييف والكشف علي العربية علي الحهاز (consultant III).

انا طلب تغيير جميع الزيوت الي في العربية نظرا لانه لم يتم تغيير زيت الفرامل ولا الباور من وقت شراء السيارة.

اولا : الزيوت
-زيت الموتور : Liqui Moily Top Tech 4100 – 5w 40 , العربية بتحتاج 3 لتر بالفلتر .
- زيت الفتيس : Liqui Moliy Top Tech 2100 , العربية بتحتاج 3 علب زيت حجم العبوة الواحدة 1 لتر.
- زيت الباور ستيرينج : Liqui Moily Top Tech 2100 , العربية بتحتاج تقريبا علبة , وزيت الباور نفس زيت الفتيس.
- زيت الفرامل : Liqui Moliy DOT 4 , العربية بتحتاج 3 علب زيت.
ثانيا : قطع الغيار
- تيل فرامل امامي.
- كوتش تراب مساعد امامي شمال
- فلتر زيت
- فلتر هواء
- سير المجموعة / سير الدينامو
- بوجيهات
- مياة تبريد ريداتير

ثالثا : التكاليف

-تكاليف الزيوت :
- زيت الموتور : 285 جنية
- زيت الفتيس 80 جنية للعلبة
-زيت الباور 80 جنية للعلبة
-زيت الفرامل 25 جنية للعلبة

-تكاليف قطع الغيار :
-تيل فرامل امامي (كنت شاريه من فترة طويلة ومش متذكر السعر بس اعتقد 520 جنية ). 
-كوتش تراب مساعد 85 جنية
-فلتر زيت 61 جنية
- مياة تبريد 65 جنية
- سيور 293 جنية
-بوجيهات 88
-فلتر هواء 166

اجمالي المصنعيات 575 جنية
اجمالي قطع الغيار 759 جنية
اجمالي الخصم 267 جنية
اجمالي الضريبة 107 جنية

الاجمالي 1174 جنية



نيجي لتفاصبل الصيانة :

اولا عرض الصيانة والمصنعية ممتاز ...
المركز زحمة جدا نظرا لأن كل الناس عاوزه تعمل صيانة ف ممكن يكون فيه استعجال في الكشف او الصيانة .
انا عادة بروح 90% من صيانات العربية في السبع علي الرغم اني ساكن في 6 اكتوبر واوتو ايجيب اقربلي بكتيير بس مش عارف دايما بحص ان السبع عنده ناس صنيعية ومهندسين فاهمين بعكس اوتو ايجيب بيعتمد علي ان رفاهية المكان اكتر من الصيانة والحرفية نفسها ..... وفيه كام مهندس للأسف مينفعوش يبقي مهندسين .. بس كل قاعدة ليها انحرافات.
بس حتي الان مش عارف اقول السبع ولا اوتو ايجيب احسن وده ممكن احد اكثر المميزات في ماركة نيسان ان ليها اكثر من وكيل وده بزوت المنافسة الي بتصب في مصلحتنا ومتابعة نيسان الدائمة لمستوي الخدمة.

اسف علي الاطالة كالمعتاد . واسف برده علي التأخير في اعداد التقرير ..

واي استفسار انا في الخدمة