الموضوع: سكودا 96 دايما مغلباني وموقفاني

المشاركة الأصلية كتبت بواسطة ehab mobarak

السادة الأعضاء ارجوكم انقذوني من اللي انا فيه كل حاجة عملتها في العربية تغيير كربراتير باستعمال خارج وتنظيف تانك اكثر من مرة وكمان تنظيف الكربراتير الجديد وتغيير فلاتر وضبط كهرباء مع العلم اني باحط بنزين 80 والعربيه تتظبط يوم وترجع تبرجل تاني فولت من كذا بنزينة مختلفة والعربية تمشي كويس وسحبها كويس وبعد ما اجري بيها واجي بعدها علي مطبات بعد فترة الاقي العربية برجلت والعداد بقي في الأرض وتبطل ولازم اقف في الطريق وانضف بك السلانسيه وبرضه مفيش فايدة تدور وتبطل وما تدورش الا اذا عطستها عملتها معايا كتير في اماكن زحمة جدا ارجوكم انصحوني اعمل ايه الميكانيكي اقوله يقول بنزين كام عربية في مصر بتستخدم ال 80 وما بتعطلش في السكة زي عربيتي انا تعبت ارجوكم دلوني واسف علي الاطالة وشكرا

طيب واضح جدا من كلامك ان المشكله فى الكربراتير نتيجه البنزين ال80 .. جرب كده تفويله 92 وشوف ايه الاخبار .
على فكره نظريه التوفير فى البنزين ال80 فاشله جدا والدليل اهوه .
- تغيير كربراتير بكام ؟؟؟؟؟ كل شويه عند الميكانيكى برضه بكام ؟؟؟ صدقنى دا حتى البنزين ال92 بقى فى منه كتير مغشوش .. لو مصمم على ال80 خلى الميكانيكى يلغيلك البك الكهربا ( يقصف السن بتاعه ) علشان مايقعدش يقرفك كل شويه ويفصل .

انا جربت ال92 لفترة وللاسف كان مغشوش اما بميه او سولار ولقيت اني باتكلف كتير ونفس المشكلة رجعت لل 80 تاني ومش عارف اعمل ايه

المشاركة الأصلية كتبت بواسطة ehab mobarak

انا جربت ال92 لفترة وللاسف كان مغشوش اما بميه او سولار ولقيت اني باتكلف كتير ونفس المشكلة رجعت لل 80 تاني ومش عارف اعمل ايه

خلاص زى ماقولتلك .. اقصف سن بك السلانسيه الكهربا وان شاء الله مشكلتك هاتتحل

حاول فعلا تحط بنزين 92
وشوف بنزينه كويسه مش هيكون مغشوش ان شاء الله

السلام عليكم
لاتنسوا ان الشوائب ممكن تيجى كمان من فلتر الهواء لو كان بايظ او غير محكم وبالمره غير فلتر البنزين