الموضوع: تكييف البيكانتو 2014 ..محتاج لخبرتكم

المشاركة الأصلية كتبت بواسطة hany_maged

سلام عليكم...
وعليكم السلام ورحمة الله وبركاته
انا يا جماعه لسه مستلم عربيه كيا بيكانتو 2014 وكيل..
الف مبروك .. ربنا يكفيك شرها ويطعمك خيرها
لفت نظري إن التكييف بيسقع وانا باجري و لما اهدي يضعف و لما اكون لسه بادور العربيه مش بيسقع خالص..ارجو الافاده..
دي حاجة موجودة في كل العربيات الصغيرة .. وكان فيه مهندس بيقول ان الكمبريسور هو السبب في كده علشان الكمبريسور ده كهرباء مفهمتش وجهة نظرة بالقوي .. ولكن الموضوع عادي مش سيء وهي العربيى واقفة
الي جانب سؤال تاني ..ايه اللي بيخللي لمبة ال eco تنور و تطفي وانا ماشي مع إنني إتاكدت ان الeco معمول on

لمبة الايكو بتشتغل طول ما العربية ماشية ورجلك خفيفة على الدواسة
اول ما يزيد الحرق بتطفى علشان كده مفيش توفير في الوقود او الاستهلاك الاقتصادي مش موجود

مﻻحظة حضرتك على التكييف عامه على كل مﻻك البيكانتو الجديدة الوكيل منها وال خليجي .....وده لصغر حجم كويل التكييف ( الثﻻجه ) وكمان الكباس بتاع العربيه .....
بس هما مﻻئمين جدا لحجم الصالون وحوض العربيه وحجم الموتور 1250 cc وعليك وعلي النصائح العاديه زي ما تركنش العربيه في الشمس المباشره قدر المستطاع ول لو حصل

تفتح شبابيك العربيه لمدة دقيقيه مثﻻ اول ما تتحرك بالعربيه وتشغل التكييف عشان الهوا السخن يخرج من الصالون ومن الكويل وبعد كده ترفع الزجاج عادي ....حاول تقلل دخول الشمس للعربيه عن طريق ستاير الكبس مثﻻ ( تتشال بسهوله لو حد اعترض عليها من المرور ) ..... واعرف ان امثل سرعه للمروحه للحفاظ علي درجة تبريد الهوا اللي خارج من التكييف هي السرعه 2 ..
مش اكتر من كده ... اكتر من كده الهوا هايبقى كتير بس برودته قليله .... كل دا في الشمس بس مع غياب الشمس مش هاتﻻقي عندك اي مشكله في التكيف ....وشكراً

المشاركة الأصلية كتبت بواسطة baherhassan30

لمبة الايكو بتشتغل طول ما العربية ماشية ورجلك خفيفة على الدواسة
اول ما يزيد الحرق بتطفى علشان كده مفيش توفير في الوقود او الاستهلاك الاقتصادي مش موجود

كﻻم حضرتك مظبوط ..... اﻻيكو ده دليل للسائق علي ان سواقته اقتصادية في استهﻻك الوقود او ﻻ علي حسب ضغطه على دواسة البنزين

يا جماعه انا متشكر جدا علي ردودكم المهمة اللي طمنتني..انا كنت خايف يكون ده عيب في عربيتي بس الحمد لله طمنتوني الف شكر لكلامكم و مجهودكم في الرد