الموضوع: هوندا سيفيك ولا استرا كوزمو ساعدونى

المشاركة الأصلية كتبت بواسطة adnfalcon

استرا .. محتاجه بنزين 95 لأن في ناس حطط 92 العربيه اتبرجلت و ناس 92 كان كويس
الهوندا عيبها انها واطيه جدا عن الأرض
العربيتين ممتازين ولك الاختيار

معلش حضرتك بتتكلم على السيفيك موديل ٢٠٠٨ الشكل القديم لان بدايه من ٢٠٠٩ الشكل القديم برضه العيب اتعالج عن طريق تعديل في انضغاط المساعدين و الجنوط الاكبر و انا راكب الشكل ده مو ٢٠١٠ بقالي ٤ سنين حكت فيهم يمكن مرتين مع العلم اننا بنركب فيها ٤ افراد و نحملها في السفر بعكس الباسات و الجيتا اللي كانوا بيسلموا على كل مطب عندنا في الساحل الشمالي
ده بالتسبه للشكل القديم
اما بقى بالنسبه للشكل الجديد فحضرتك شفت العربيه ؟
اشك ان حضرتك شفتها اصلا لانها ببساطه اعلى عربيه ليموزين موجوده حاليا و مش فاكر خلوصها كام بس دول حطوا فيها esp تجهيز اساسي لما عليت عشان الثبات
فمش معقول كل ما تييجي سيرة الهوندا نقول و احنا مغمضين انها واطيه
ارجوا انك ما تزعلش بس لما المفروض الواحد يكون دارس كل كلمه عشان فيه الناس بتاخد كلامنا ثقه
اما بالنسبه للزميل صاحب الموضوع اقول له بكل ثقه هات الهوندا و سيبك من موضوع الشكل و البلاستيك العربيه في منتهى الجمال و عالجوا فيها مل الملاحظات البسيطه الموجوده في الشكل القديم و انا عن نفسي بفكر جديا اجيبها بالاضافه للي معايا عشان بصراحه اكتر عربيه اعتماديه و ممتعه في سواقتها جدا جدا و لعلمك انا كل اللي صرفته غير الزيت و الفلتر ١٢٠٠ جنيه تمن طقم تيل امامي و خلفي و فلتر هوا و الكلام ده و انا عامل ٦٠ الف
و القرار يرجع لك

هوندا طبعا ... بعد تعديل ارتفاعها و إضافة الESP العربية بقت روعة ده غير إن سحبها أحسن بكتير من الأسترا و كمان الأسترا محتاجة بنزين 95 و مصر داخلة علي أزمة ... اعقلها و شوف الأنسب ليك ... الأسترا تتفوق في حاجات كتير كفاية شكلها مقارنة بالهوندا اللي لما بتغير الشكل بترجع لورا مش بتتقدم مع العلم إنها بتعمل كده عشان الaero dynamics

أما أنا فعايز أسأل السيفيك كده - بعد التخفيض الأخير ده - بقت بكام ؟!

زملائى الاعزاء اشكركم على نصائحكم الغاليه هو فعلا الهوندا ظبطو موضوع اها واطيه عن الارض ده وبقت اعلى فعلا انما العربيه دى فيها حاجتين متناقضين اوى الاولى انك تحس ان التابلوه بتاعها فيه بلاستيك كتير وتحس برده انه من النوع اللى مش ولابد اوى ده احساسى مقارنه بالا سترا بس برده تابلوه العربيه بكميه العدادات اللى فيها اول ما تدورها تحس انك راكب سفينه فضاء تابلوه كبير فيه ميل بطريقه حلوه مع الوان وعدادات مشفتهاش فى اى عربيه مينفعش مايشدكش
اخى العزيز اللى بيسأل السيفيك بكام هى ياباشا كانت ب 215 الهاى لاين الف وكانت بره تفكيرى انما نزلت دلوقتى ل 204 الف وياريتها مانزلت ووقعتنى فى الحيره دى مع الاسترا