اوبل استرا كوزمو 2014

**mmesbah7** · 25-03-2014 06:39 AM

السلام عليكم
بفضل الله ، اشتريت أوبل استرا 2014 كوزمو، وما شاء الله عربية ممتازة جدا وثابتة على الطريق والاوبشنز اللي فيها ممتازة. بس انا عندي 3استفسارات ارجو الافادة عليهم:
1- أوبشن مانع السرقة ( جهاز الإنذار) حاسس انه مش شغال. انا بقفل العربية ويحاول اعملها اختبار كده واجي جنبها أو ادخل مفتاح مش بتاعها عشان اسمع الإنذار.... مفيش استجابة خالص ?
2- مرايات الكهرباء مش بتقفل مع السنتر لما اسيب العربية وأخرج. ? عشان اقفلها لازم أكون جوه العربية واقفلها
3- البلوتوث شغال وكل حاجة بس مش بيطلع أسماء الكونتاكت اللي عندي في التليفون . بيطلعهم نمر بس.

**برنس الليالي** · 25-03-2014 07:15 AM

هي فعلاً عربية ممتازة بس اللي مزعلني منها انها ناشفة جداً حسب رأي احد الملاك

بس شياكة .. وإن شاء الله الاخوة يفيدوك بخصوص المشاكل دي

في امان الله

**hossam_elwani** · 25-03-2014 08:53 AM

اداء الموتور ايه معاك؟؟

وسعر الشراء كام؟؟

**mfousha2000** · 26-03-2014 10:03 AM

الف مبروك أولا و هرد لحضرتك على استفساراتك
1-العربيه مفيهاش جهاز إنذار
2-لازم تقفل مرايات الكهرباء من وه بس فعلا و ده انا شيفوه عيب فيها
3-البلوتوث اديلوه فرصه بس هيطلع أسماء الكونتاكت اللي عندك في التليفون لوحده

**haisam ali** · 26-03-2014 10:28 AM

المشاركة الأصلية كتبت بواسطة mfousha2000

الف مبروك أولا و هرد لحضرتك على استفساراتك
1-العربيه مفيهاش جهاز إنذار
2-لازم تقفل مرايات الكهرباء من وه بس فعلا و ده انا شيفوه عيب فيها
3-البلوتوث اديلوه فرصه بس هيطلع أسماء الكونتاكت اللي عندك في التليفون لوحده

الف مبروك ياغالى على العربيه وربنا يديك خيرها ويبعد عنك شرها ..... انا بس هرد بتخمين منى على موضوع البلوتوث ده لأنى قريت حاجه مشابهه على قسم الرينو وهيا ان حضرتك لو مسجل الاسم وجواه رقمين بمعنى تليفون عمل وتليفون منزل مثلا فبكده البلوتوث عند حضرتك هيبقى مش قادر يقرا البيانات فالبلتالى انت تحفظ كل اسم عندك برقم واحد بس وطبعا لازم يكون باللغه الانجليزيه ..... ممكن تجرب كده وان مانفعش يبقى هتستنى حد فاهم او عارف يرد على حضرتك .... تقبل مرورى هذا وبالله التوفيق