اسعار نيسان صني 2014 اتغيرت بزياده الفين جنيه ؟؟؟

**محمد 2014** · 27-06-2014 12:20 AM

بسم الله الرحمن الرحيم

انا غيرت اسم الموضوع يا جماعه المعرض النهرده كلمني بيقولي ان انت لازم تستلم العربيه قبل يوم 1-7
عشان هيحصل زياده في سعر العربيه من الف ونص لالفين وانا مش عارف كام بالظبط بقوله حضرتك بس انا حاجز من قبل الزياده بيقولي هتتطبق من يوم 1-7

هل الكلام دا فعلا حقيقي حد كان حاجز وحصله الكلام دا بيقولي انا لو مش كنت قولتلك وسلمتك في ميعادك بعد شهرين كنت هتدفع الزياده انا بفيدك انا عايز افهم هو ازاي يحصل زياده في سعر العربيه
ولا هما بيخلصوا عربيات عندهم ؟؟

**hossam_elwani** · 27-06-2014 12:57 AM

مادام حدد 7/1 يبقى الزياده دى من الحكومه فى شكل رسوم او ضرايب او ماشابهه تزامنا مع السنه الماليه الجديده وزيادة اسعار البنزين والسولار خد الامر بجديه بشكل كبير

**محمد 2014** · 27-06-2014 02:05 AM

المشاركة الأصلية كتبت بواسطة hossam_elwani

مادام حدد 7/1 يبقى الزياده دى من الحكومه فى شكل رسوم او ضرايب او ماشابهه تزامنا مع السنه الماليه الجديده وزيادة اسعار البنزين والسولار خد الامر بجديه بشكل كبير

كلامك دا قلقني فعلا ربنا يستر بقي فعلا واعرف اتصرف انا هكلم نيسان يوم السبت ان شاء الله اتأكد كمان شكرا ليك يا باشا
ياريت لو حد يعرف اي حاجه حاليا يبلغنا

**ahmed0100** · 27-06-2014 08:44 PM

انا كنت بشتري العربيه من منصور ورحت حجزت علي مالعربيه تجهز ولقيت مكتوب اخر الوصل تحديد السعر عند الاستلام استعجلت في موضوع الشراء وجبتها بنفس الثمن ودلوقتى هي زادت 4000 جنيه لو تعرف تستعجل وتخلص يبقي احسن

**Msanad** · 27-06-2014 11:54 PM

حصل معايا نفس الموقف مع شراء السيارة منذ عام مضى بالتمام والكمال - ولولا ان سعر السيارة محدد فى ورق البنك كان المعرض زود عليا 2000 جنيه على الاقل يومها - وفعلا الزيادة كانت رسمية من الشركة وليس للحكومة وقتها دخل فى الزيادة

**shady_mohamed** · 28-06-2014 06:37 PM

هي وصلت لكام دلوقت يا جماعه 2014 و 2015

**hossam_elwani** · 28-06-2014 09:21 PM

المشاركة الأصلية كتبت بواسطة ahmed0100

انا كنت بشتري العربيه من منصور ورحت حجزت علي مالعربيه تجهز ولقيت مكتوب اخر الوصل تحديد السعر عند الاستلام استعجلت في موضوع الشراء وجبتها بنفس الثمن ودلوقتى هي زادت 4000 جنيه لو تعرف تستعجل وتخلص يبقي احسن

اوبترا ؟؟