سنسور الحرارة بيجو 208 !!!!

**shadeofvodoo** · 05-07-2014 12:59 PM

أنا جبت بجو 208 من حوالي 7 شهور وللأسف كنت ناوي اعمل تقرير هنا عنها بس ظروف شغلي كطبيب مش مديني وقت كبير ....

المهم هي كانت ماشية كويس جدا ومعدي بيها ال 10000 عادي ..

كنت ركنها في الجراج اسبوعين بعدين مرة واحدة وانا طالع بيها مكملتش 20 متر لقيتها سخنة وكل حاجة بتذمر المهم رجعتها تاني مكانها وجبت كساحة ورحت بيها على التوكيل ..

هناك كشفوا عليها وقالولي المشكلة أن الموديل ده نازل من غير سنسور حرارة وانها هتحتاج سنسور ودة هيجي لسة كمان 10 أيام على حسابهم ...

الفكرة أني مش مقتنع لاني كنت بمشي بيها الشهر اللي فات 8 ساعات متواصل في عز الشمس على الطريق مابين مطروح والاسكندرية رايح جاي كذا يوم ورا بعض مكنش فيها مشكلة ... والعربية عدت ال 10000 من غير مشكلة فلسا فاكرة أن مفيهاش سنسور دلوقتي ؟!!!

هل ممكن تكون المشكلة فعلا في السنسور ؟؟؟

اسف للاطالة

**eleanor** · 06-07-2014 04:14 AM

مافيش عربيه مافيهاش سنسور حرارة
ده استهبال اكيد فى احاجه تانى او هما عارفين ان السنسور بتاعها فيه مشكله وهايستبدلوه
امال المراوح كانت بتشتغل ازاى وتبرد العربيه اذا كان مافيهاش سنسور حراره
هما الناس بيستخفوا بعقولنا ولا شايفنا ايه يعنى

**shadeofvodoo** · 06-07-2014 12:07 PM

المشاركة الأصلية كتبت بواسطة eleanor

مافيش عربيه مافيهاش سنسور حرارة
ده استهبال اكيد فى احاجه تانى او هما عارفين ان السنسور بتاعها فيه مشكله وهايستبدلوه
امال المراوح كانت بتشتغل ازاى وتبرد العربيه اذا كان مافيهاش سنسور حراره
هما الناس بيستخفوا بعقولنا ولا شايفنا ايه يعنى

أنا الصراحة مبفهمش في الميكانيكا بس منطقيا الكلام معجبنيش ... طب كده أسيبهالهم لحد مشوف أخرة حوار السنسور ده؟

**shadeofvodoo** · 06-07-2014 12:10 PM

المشاركة الأصلية كتبت بواسطة dhb

إن شاء الله تتحل المشكله و نرجو منك افادتنا بالتجربه مع السياره ... شكرا

هي مفيهاش حاجة مديقانى الصراحة قبل المشكلة دى .... و بحمد ربنا أنها جت في سكتي و جبتها .. قولي عايز تسأل علي إيه و علي أد مقدر هأرد ان شاء الله

**Ammpage** · 06-07-2014 12:58 PM

موضوع تغيير حساس الحرارة حصل معايا في ببجو ٣٠٠٨ بعد ١٣٠٠٠ك ، ونفس اللحصل معاك فجأة بعد ركن العربية أسبوع بالجراج عند تشغيل العربية مؤشر الحرارة علي الاحمر وستوب انجين وطبعا الماتور لسا بارد .
علي العموم متقلقش العربية كماتور ودورة تبريد مفيهاش حاجة مجرد ميغيروا الحساس العربية هتتظبط .
نصيحة حاول تتعامل مع بيجو ابورواش مهندس مصطفي ومهندس ماهر في الصيانة ، بصراحة الناس هناك محترمة جدا .
تحياتي لك .

**eleanor** · 06-07-2014 04:20 PM

العربيه اكيد فيها حساس حراره هو ممكن يكون فيه مشكله وهايغيروه
بس لازم تعرف ايه السبب اللى خلاه يعمل كده ماهو مش معقوله كل واح هايسيب العربيه كام يوم يرجع يلاقى فى مشكله فى حساس الحراره

**dhbmbi** · 07-07-2014 04:13 AM

المشاركة الأصلية كتبت بواسطة shadeofvodoo

هي مفيهاش حاجة مديقانى الصراحة قبل المشكلة دى .... و بحمد ربنا أنها جت في سكتي و جبتها .. قولي عايز تسأل علي إيه و علي أد مقدر هأرد ان شاء الله

لو في الامكان نعرف من حضرتك الايجابيات و السلبيات الموجوده في 208 من ناحية السياره و قطع الغيار و اسعارها و التعامل مع الوكيل و مستوى الخدمه.... حيث انني اريد شراء سياره في رنج 150000 و اهتم كثيرا لخبرات اصحاب السيارات... شكرا،،

**shadeofvodoo** · 08-07-2014 01:10 AM

المشاركة الأصلية كتبت بواسطة dhbmbi

لو في الامكان نعرف من حضرتك الايجابيات و السلبيات الموجوده في 208 من ناحية السياره و قطع الغيار و اسعارها و التعامل مع الوكيل و مستوى الخدمه.... حيث انني اريد شراء سياره في رنج 150000 و اهتم كثيرا لخبرات اصحاب السيارات... شكرا،،

أنا بالنسبالي محستش فيها سلبيات و بعمل بيها اللي أنا عاوزه ..... ممكن بس الدركسيون خفيف شوية و العربية خفيفة هتحس بيها لو أخدت ملفات علي سرعات عالية .. غير كده بالنسبالي مفيهاش غلطة ......
الصيانة كان التوكيل محترم و معقول مكنش في مشاكل ... مجربتش لسة قطع الغيار بس دي أول مشكلة تقابلني و لحد دلوقتي مش لاقيين السنسور ده ... أديني مستني