الموضوع: لمبة الدينامو فى التيدا

السلام عليكم ، كل عام وحضرآتكم بخير ، أنا معايا تيدا سيدان ٢٠٠٩ النهارده فجأة بعد ما دورت العربية وكانت العربية مش محتاجة اسخنها لان كنت لسه راكن وكان الجو حار لاقيت لمبة الدينامو (بيضاوية الشكل ولونها برتقالى) وانا لسه باطلع فضلت منورة وما طفتش ولاقيت دواسة البنزين غير مؤثرة على الموتور اللهم الا حاجة بسيطة جداً مخلية العربية يدوب ماشية ولو كان فى مطلع مقبالنى يمكن ماكنتش العربية قدرت تطلعه
كنت فاتح التكييف ساعتها فقمت بإغلاقه وبطلت الموتور وقمت مشغله تانى برضه فضلت منورة فبطلت ونزلت فتحت الكابوت مالقتش حاجة غريبة فقمت مدور الموتور تانى الحمد لله لاقيتها طفت ورجعت دواسة البنزين تؤثر والسحب رجع تمام ، بعدها نزلت اشترى حاجة وانا ماشى ورجعت دورت تانى ماحصلتش واللمبة الحمد لله مانورتش
فعايز اعرف مش الشكل اللى أنا وصفته ده الدينامو وممكن يكون لما يكون فى مشكلة بياثر على طرمبة البنزين فالعربية ماتسحبش ، أنا خايف تحصل معايا تانى مع العلم ان البطارية لسة جديدة وآسف على الاطالة

أنا قرأت على وظيفة اللمبة التحذيرية engine/emission warning لقيتها خاصة بمشكلة انبعاثات الموتور وايضاً اي تسريب او تبخر يمكن ان يحدث للبنزين نتيجة عدم غلق غطاء تانك البنزين بأحكام فيقوم نظام التحكم فى الانبعاثات الموجود بالموتور بفصل دواسة البنزين عن الموتور وهذا ما حدث معى والدليل على صحة هذا التفسير ان عند حدوث المشكلة معى أردت ان افتح الكبوت ففتحت باب تانك البنزين بالغلط فلما نزلت فتحت باب التانك و اغلاقته تانى ودخلت العربية ودورت المشكلة راحت وغالبا بهذه الحركة أنا سمحت للتبخير انه يخرج وايضاً أنا عملت check على غطا التانك فى اليوم آلتالى بعد ماقرات انه ممكن يكون من ضمن أسباب ان اللمبة تنور لقيته فعلا مش محكم الغلق مع العلم أن قبل حدوث المشكلة ماكنتش شامم اي رائحة بنزين
أنا حبيت ان احكى تجربتي علشان الكل يستفيد وكمان علشان دائماً واحنا بنحط بنزين نأخذ بالنا كويس جداً ان عامل المحطة احكم غلق غطا التانك