مشكلة ضعف السحب جدا جدا

**drmedo82** · 06-07-2014 09:54 PM

السلام عليكم
الفيديو اللي هحط الرابط بتاعه ده انا جبته من علي اليويتيوب وتقريبا هوا لاخ عزيز هنا في المنتدي او منتدي اخر له جزيل الشكر طبعا وبوضح تسارع الاسبيرانزا a516اللي انا شايفه ما شاء الله تسارع كويس جدا وده رابط الفيديو
https://www.youtube.com/watch?v=Si_uIt9ymlM
لكن انا بقا عربيتي موديل 2008 عامله 67000 كم تسارعها مش كده خالص وخصوصا ع الغيار الخامس تقريبا مفيش تسارع نهائي مهما دست بنزين مع العلم اني مغير البوجيهات والفلاتر والميكانيكيه بيقولوا ان معنديش مشكله بس طبعا انا متاكد ان فيه مشكله ومحتاج من اخبراء الحل عشان اروح اقول للمياكانيكي يعمله علي طول
ياريت تفيدوني

**hugan** · 07-07-2014 10:38 PM

عندي نفس المسكله بس مش فاضي اشوف السبب
الخامس دواسه البنزين بتفصل
مبدئيا غير ماكينه الاستوب
تقريبا في شبه اجماع علي انها السبب
سعرها مش غالي 40 جنيه

**ahmed salah90** · 07-07-2014 11:27 PM

غير البوجيهات و نوعيه الزيت

**hugan** · 07-07-2014 11:30 PM

المشاركة الأصلية كتبت بواسطة drmedo82

خلاص هغيرها ان شاء الله وارد عليك في النتيجه لاني رحت النهارده لمحمد خضر الميكانيكي اللي عندنا في طنطا وكان شغال في توكيل الاسبيرانزا بتاع عيسي في طنطا وكل اللي عمله انه وصل الكمبيوتر وقعد يشتغل عليه شويه وراح قايللي كله تمام كده والعربيه انا ظبطها وهتقفل العداد معاك وطبعا معرفتش اجربها غير اخر اليوم لما لقيت طريق مفتوح ولقيت كل حاجه زي ماهيا ويبقا الوضع علي ماهو عليه.مع اني سالته مش ممكن تكون ماكينة الاستوب السبب قاللي انا ظبط كل حاجه
وكله اشتغالات والاسم خبره وشغال في التوكيل وكله هجص في الاخر

يعني كل اللي عمله توصيل العربيه علي الجهاز
ماشتغلش في اي حاجه تانيه
غير الماكينه ا ن شاء الله خير

**drmedo82** · 08-07-2014 04:50 AM

المشاركة الأصلية كتبت بواسطة ahmed salah90

غير البوجيهات و نوعيه الزيت

لسه مغير البوجيهات والزيت موبيل 1

**hemaa_82** · 09-07-2014 10:12 AM

حاول و العربية باردة برده تتأكد من منسوب الزيت .... ميكونش اكتر من الحد الاقصي .... لو كان ممكن يكون من العوامل المساعدة لان المكنة متكتفة سنة ....... المفروض يكون بين العلامتين و مش قريب لولا واحدة ...يعني في النص بين العلامتين

**drmedo82** · 09-07-2014 09:07 PM

المشاركة الأصلية كتبت بواسطة hemaa_82

حاول و العربية باردة برده تتأكد من منسوب الزيت .... ميكونش اكتر من الحد الاقصي .... لو كان ممكن يكون من العوامل المساعدة لان المكنة متكتفة سنة ....... المفروض يكون بين العلامتين و مش قريب لولا واحدة ...يعني في النص بين العلامتين

تمام يا مستر هيما هراجع موضوع الزيت ده وابلغكم
وانا رايح للميانيكي تاني بكره ادعولي
لما ارجع هبلغكم النتيجه ان شاء الله

**drmedo82** · 10-07-2014 05:40 PM

السلام عليكم
منسوب الزيت مظبوط يا مستر هيما
ورحت للميكانيكي النهارده وحطها تاني ع الكمبيوتر وفاللي تمام وحط ايده من ورا علي الشكمان يشوف الهوا اللي طالع منه لقا الهوا سخن والعربيه علي السلانسيه قاللي في سده في الشكمان رحت لبتاع الشكمان وفك العلبه اللي ورا وقاللي مسدوده نضفها وغير كاوتشات وجوان وقفلنا ولقيت فعلا الهواء اللي طالع من الشكمان بقا اقوي وبقا بارد والعربيه علي السلانسيه
المهم طلعنا جربنا العربيه والمفاجاه ان
يبقا الوضع علي ماهوا عليه العربيه علي الغيار الخامس بتجيب 130 بالعافيه ودواسة البننزين مش بتزود سرعتها ولو زادت يبقا بالعافيه المهم بقا المياكانيكي بيقوللي انه طقم دبرياج لان الطقم عندي ضعيف لانه جاب سرعة 80 علي الغيار التاني وكان الار بي ام علي 6000 لفه بيقوللي المفروض يكون علي 5000 لفه بس
بس انا مش مقتنع ان دي مشكلة طقم دبرياج وبجد تعبت وصرفت كتير واتخنقت من العربيه
ياريت يا جماعه تفيدوني بالكلام الصحيح والمفيد